Urang Makassar
Suku Makassar (bahasa Makassar : ᨈᨘ ᨆᨀᨔᨑ (Tu Mangkasara’), (Jawi: سوكو ماكاسار) adolah etnis nan mandiami Pesisir Selatan pulau Sulawesi, maliputi kawasan Kota Makassar, Kabupaten Gowa, Kabupaten Maros, Kabupaten Takalar, Kabupaten Jeneponto, Kabupaten Bantaeng, joKabupaten Kepulauan Selayar. Suku Makassar turuik mandiami sabagian kawasan Kabupaten Pangkajene dan Kepulauan, jo sabagian gadang kawasan Kabupaten Bulukumba. Suku Makassar adolah salah ciek suku nan tagadang di Sulawesi. [2]
 Seorang pria Makassar, 1913 | |
| Total populasi | |
|---|---|
| ± 3.000.000 (2010)[1] | |
| Sulawesi Selatan | 3.793.704 |
| Bahaso | |
| Bahasa asli Makassar, Sebagai bahasa kedua Melayu Makassar, Indonesia | |
| Agamo | |
Mayoritas Islam | |
| Kalompok etnis takaik | |
| Bugis, Mandar, dan Toraja | |
Sumber nan barasa dari Portugis di pamulaan abaik ka-16 alah mancatat namo Makassar ”Macaçar”. Pado tahun 1511 Daeng Matanre Karaeng Tumapakrisik Kallongna, Rajo Gowa nan ka-9 mandirian kota Makassar atau labih dikana jo namo Benteng Somba Opu. Pado Abaik itu pulo, Makassar sabagai ibu kota nan alah dikana dek bangso asiang. Bahkan, dalam syair ke-14 Nagarakertagama karangan Prapanca (1365) namo Makassar "Pulau-pulau Makassar" atau Pulau Sulawesi alah tacantum. [3]
Etimologi
suntiangDicaliak dari sagi etimologi, Makassar barasa dari kato Mangkasara' ᨆᨀᨔᨑ nan tadiri dari morfem prefiks adjektif mang- jo morfem kato kasara' ᨀᨔᨑ (nampak, timbua, wujuik, nyato, jeleh) nan sacaro kasaluruhan manganduang mukasuik mamiliki sifaik gadang (mulio) jo bataruih tarang. Samantaro kalau dicaliak dari sagi terminologi, kato ‘Mangkasarak’ tadapek pado namo suku bangsa, namo karajaan, namo selat, jo namo kota. [3]
Sijarah
suntiangSuku Makassar ko adolah etnis nan bajiwa penakluk jo pambarani tapi demokratis dalam mamarintah, sanang baparang jo jaya di lauik. Ndak heran dimulai pado tahun 1512 hinggo 1699 jo simbol Karajaan Gowa, mereka barhasil mambantuak ciek kawasan karajaan nan lueh dek kakuatan armada lauik nan gadang barhasil mambantuak suatu Imperium barnafasan Islam, barawal dari Sulawesi, kalimantan bagian Timua, NTT, NTB, Maluku, Brunei, Filipina bagian salatan hinggo Australia bagian utara. Mereka manjalin Traktat dengan Bali, karajo samo jo Malaka jo Banten jo saluruah karajaan lainnyo dalam lingkup Nusantara maupun Internasional (khususnya Portugis). Karajaan jo pulo manghadapi parang nan dahsyat jo Belanda hinggo kajatuahan akibek adu domba Belanda terhadap karajaan takluakannyo. [2]
Suku bangso Makassar maninggaan jajak namo kampuang di bara nagara saroman Macassan Beach atau Pantai Makassar di Australia bagian Utara sabalum abaik ka-17 oleh palauik Teripang. Nagara Timor Leste pado taun 1641 oleh Sultan Mudaffar Raja Tallo jo namo Pante Macassar.[2] Di nagara Jiran Malaysia jo namo Kampuang Mengkasar (Makassar), pado taun 1722 oleh Karaeng Aji. Mengkasar adolah panyabutan urang Melayu untuak namo Makassar. Kampung ko kalak malaian ganarasi Karaeng Aji nan banao Tun Abdul Razak jo Najib Razak sabagai Pardana Mantri Malaysia. Sadangkan, di nagara Pagoda Thailand pado taun 1686 oleh Daeng Mangalle jo namo Makkasan di jantuang ibu kota Bangkok. Di ujuang salatan banua Afrika sabuah kota kecil barnamo Macassar Cape Twon , di Afrika Selatan oleh Syehk Yusuf al Makassari Tuanta Salamaka, Kampuang Makassar ko badiri sajak taun 1694. [2]
Pabedaan Makassar jo Bugis
suntiangBanyak nan mangiro bahwa Makassar adolah urang nan identik jo sarumpun jo suku Bugis dek marak jo kapapulerannyo dek istilah "Bugis Makassar". Hinggo pado akhirnyo kajatuahan karajaan Gowa Tallo [Makassar] pada VOC Belanda nan dibantu dek para loyalitas lokalnyo. Sagalo potensi Makassar dimatian, maingek suku nan tarkenal sangaik kareh manantang Belanda. Dima pun mereka bartamu, Belanda pasti diparanginyo. Babarapo tokoh sentral Gowa nan manolak manyarah saroman Karaeng Galesong, Karaeng Bontomarannu, Karaeng Karunrung, Sultan Harun al Rasyid Raja Tallo jo Daeng Mangalle hijrah ka Tanah Jawa. Dibaok komando Karaeng Galesong barsamo armada lauiknyo nan parkaso, mamarangi satiok kapa Belanda nan nyo tamui. Dek tulah, Belanda nan saat itu di bawah pimpinan Spellman manjuluakinya jo "Si-Bajak-Lauik". Pabedaan antaro bahaso Bugis jo Makassar adolah salah ciek ciri nan mambedakan kadua suku tasabuik. Pikiran bahwa Bugis jo Makassar adolah sarumpun barasa dari panaklukan karajaan saroman Bone dan Wajo oleh Gowa. [4]
Sagi linguistik
suntiangDicaliak dari sagi linguistik, bahaso Makassar jo bahaso Bugis babeda, walau kaduo bahasa ko tamasuak dalam Rumpun bahasa Sulawesi Selatan[5] dalam cabang Malayu-Polinesia jo rumpun bahasa Austronesia. Dalam kalompok ko, bahaso Makassar[2] masuak ka dalam sub-kalompok nan samo jo bahaso Bentong, Konjo jo Salayar, sadangkan bahaso Bugis[3] masuak ka dalam sub-kelompok nan samo jo bahaso Campalagian jo duo bahaso nan ditutua di pulau Kalimantan yaitu bahaso Embaloh jo bahaso Taman. Pabedaan antaro bahaso Bugis jo Makassar ko adolah salah ciek tando nan mambedaan kadua suku tasabuik.
Rujuakan
suntiang- ↑ Kewarganegaraan, Suku Bangsa, Agama, dan Bahasa Sehari-hari Penduduk Indonesia - Hasil Sensus Penduduk 2010. Badan Pusat Statistik. 6 Oktober 2011. http://sp2010.bps.go.id/files/ebook/kewarganegaraan%20penduduk%20indonesia/index.html.
- ↑ a b c d e "Makasar". Ethnologue (dalam bahasa Inggris). Diakses tanggal 2023-02-07.
- ↑ a b c "Bugis". Ethnologue (dalam bahasa Inggris). Diakses tanggal 2023-02-07.
- ↑ Pakka, Hamka (2022-03-01). "Suku Bugis dan Suku Makassar Bukan Satu Kesatuan, ini Perbedaannya". mitra sulawesi (dalam bahasa Indonesia). Diarsipkan dari versi asli tanggal 2023-01-31. Diakses tanggal 2023-01-31.
- ↑ "Browse by Language Family". Ethnologue (dalam bahasa Inggris). Diakses tanggal 2023-02-07.