Wikipedia

Urang Indo

Urang Indo (singkatan dari nama dalam bahasa Belanda, Indo-Europeanen, "Eropa-Hindia")adolah kalompok etnis Mestizo nan ado (atau pernah ado) di Indonesia - dulu Hindia Belanda - dan kini manjadi kalompok etnis minoritas paliang gadang di Balando. Kelompok etnis ko didiriangan dari kesamaan asal usul rasial, status legal, dan kultural.[1] Kaum Indo marupokan katurunan campuran antaro urang dari etnis tatantu di Eropa (utamonyo Balando, tapi juo Portugal, Spanyol, Jerman, Belgia, dan Prancis/Huguenot) jo fenotipe Eropa dan urang dari etnis non-Eropa tatantu di Hindia Belanda/Indonesia. Secara hukum, kabanyakan punyo status sabagai warga Eropa di Hindia Belanda (Europeanen). Inyo manjunjung nilai-nilai budaya Eropa (tarutamo Balando) jo banyak pengaruh lokal Indonesia pado derajat tatantu dalam [1] kehidupannyo sahari-hari. Walaupun baitu, ka dalam kalompok etnik ko tamasuak jo urang Eropa nan tibo dan manotap cukuik lamo di tanah Indonesia atau nan lahir di Indonesia, karano di antaro kaum katurunan campuran surang ado rantai fenotipe nan lueh, sahinggo faktor penampilan indak bisa dijadian satu-satunya pambateh untuak kalompok etnik ko. Kelompok berdarah campua adolah urang-urang nan biasonyo takenal sabagai urang Indo, Mesties (Bld.), atau Mestizos (Port.), sadangkan urang-urang nan "badarah barasiah" Eropa takenal sabagai totok (Mel.), blijvers (Bld.), atau kreol. Sajak dibukaknyo dek investasi asing gadang-gadang pado era Orde Baru dan juo paningkekan arus pangunjuang wisatawan asing ka Indonesia, kaum Indo juo tamasuak urang nan talahir dari darah Denmark, Norwegia, Finlandia, Rusia, Italia, Amerika Latin, Serbia atau salah ciek orang tuanyo datang dari Australia, Selandia Baru, Kanada, dan Amerika Serikat.[1]

Indo
Indo-Europeanen
Indische Nederlanders
Jumlah populasi

sekitar 1.000.000 di Indonesia (pendugaan), sekitar 500.000 di Belanda

Kawasan bapopulasi cukuik banyak
Belanda, Indonesia, Amerika Serikat, Australia, Britania Raya
Bahaso
Belanda, Indonesia, Pecok, Javindo, Melayu, Bahasa Daerah di Indonesia, Inggris, Portugis, Spanyol, Jerman
Agamo
Mayoritas
Kristen (Protestan terutama Lutheran; Katolik Roma)
Minoritas
Islam
Kalompok etnik takaik
Belanda • suku-suku di Indonesia, terutama Maluku, Jawa, Sunda, dan Minahasa • Portugis • Spanyol • Jerman • Inggris • Arab

Parang Dunia Kaduo dan sasudahnyo manjadi titik awal diaspora untuak kaum Indo, sahinggo kini turunannyo banyak ditamui di Balando, Indonesia, Amerika Serikat (AS), Australia, Selandia Baru, Kanada, jo babarapo negara lainnyo. Di Balando, kaum Indo kini dianggap sabagai kalompok minoritas paliang gadang (total sakitar 500.000 urang). Inyo takenal jo babarapo istilah, macam Indisch Nederlander atau Indisch se. Secara budaya urang ko bakaitan dakek jo kalompok etnik Maluku di Balando. Di AS inyo takenal sabagai Dutch Indonesia atau Indonesia Dutch dan kabanyakan bamukim di California. Di Indonesia surang jumlahnyo saketek dan kabanyakan katurunannyo taintegrasi/malebur jo babagai kalompok etnis lainnyo walaupun biasonyo babahaso Balando masih dilakuan di dalam kaluarga.

Istilah "urang Indo" dalam panggunaan bahaso Indonesia masa kini maraso pangelasan arti dan dipakai sacaro taksa (ambigu). Sabutan ko dipakai juo untuak manyuoan sado urang Indonesia - sabagai kapendekanan dari "urang Indonesia" - sambia juo untuak manyuoan peranakan campua urang Indonesia jo bangsa lain, tanpa mancaliak latar belakang asal-usul non-Indonesia, nan indak harus Eropa.[1]

Sejarah suntiang

Kaum Indo tabentuk hampia sausia jo tibo saudagar-saudagar Eropa, diawali dek urang Portugis, tu Spanyol, Inggirih, dan tu Balando. Bangsa-bangsa Eropa lainnyo, mode Belgia, Jerman, Prancis, dan Denmark tibo sasudahnyo.

Periode awal pembentukan: Era Portugis dan Spanyol (1500-1600) suntiang

Pajajalah dari Eropa mulai rami tibo ka Nusantara pado awal abad ke-16, sabagai konsekuensi dari Zaman Pajalah (Age of Exploration) nan mandandahan Eropa.[1] Banyak di antaro inyo nan tertarik untuak atau tapaso manotap di nagari tujuan. Inyo adolah urang Portugis dan Spanyol jo budak-budak awak dari India, Sri Lanka, Malaka, atau Nusantara bagian timur (cam Maluku, Bali, atau Gowa/Bugis). Misi eropa tibo dek bisnis dan perdagangan, namun ado juo nan batampuah dek tugas keagamaan (misi). Cukuik banyak nan kamudian bakai atau bahkan punyo anak tanpa ikatan pernikahan jo panduduak lokal, mengingat pandatang dari eropa sadonyo laki-laki. Di Malaya, turun ko kini disabuik sabagai Melayu Eropa. Di Indonesia, sisa-sisa dari masyarakaik campuran ko dapek ditamui di Maluku, Flores, Kampung Tugu (Cilincing, Jakarta Utara) jo Kampung Lamno Jaya, Aceh Barat. Masyarakaik nan terakhir ko kini nyaris punah akibat bencana Tsunami Aceh 2004.[2]

Walaupun periode relatif ko pendek, ado banyak warisan budaya masyarakat ko nan masih dapek dicaliak sampai kini. Cara bagao urang Portugis nan relatif tabukak dan indak rasis mambuek budayonyo banyak taserap sacaro mudah. Babarbagai tanaman asalnya Amerika tropis, babarapo jenis kue (tamonyo bolu), babarapo produk rumah tangga umum, jo babagai macam permainan dan hiburan dari Eropa mulai takenal masyarakat Nusantara malalui pandatang ko dan turunannyo. Laporan Balando pado abad ka-19 malalui manarangkan bahwa bahaso Portugis alun juo dipakai dek urang-urang katurunan campuran Eropa (mestizo) di Batavia. Muzik keroncong adolah bantuak musik dari masyarakaik campuran warisan masa ko dan ka manjadi salah satu panciri budaya Eropa-Indonesia di abad ka-20.[3]

Menjadi kelas masyarakat tersendiri : Di bawah VOC (1600-1799) suntiang

Panulis sejarah Balando, Vlekke, banyak manggambaran peri kahidupan masyarakaik Eropa-Indonesia di abad ka-17 hinggo ka-18.[4] Pas itu, urang berdarah eropa tapusat di Batavia jo jumlah indak mancapai 10.000 urang, namun berkuasa. Kehidupan urang-urang ko payah, dicaliak dari banyaknyo nan maningga babarapo bulan sasudah tingga di Batavia. Praktiknyo sadonyo baagama Kristen. Bahasa nan dipakai dek urang tu adolah campuran Balando, Portugis, dan Melayu (Pasar).

Inyo dapek dipisah dalam duo kalompok: trekkers dan blijvers. Trekkers (atau masa kini disabuik ekspatriat) adolah urang Eropa nan capek bakhianyo baliak ka Eropa siap tugasnyo salasai dan blijvers adolah urang nan mampu baadaptasi, tu tingga di Hindia Belanda. Blijvers ko banyak nan baistri urang setempat (dijuluki Nyai, mode dalam legenda Nyai Dasima) atau urang Tionghoa. Kaduo kalompok ko juo babeda orientasinyo. Para trekkers cenderung manjaga nilai-nilai Eropa (barat) sahinggo taruih eksklusif dan elitis, sambia para blijvers cenderung malaburkan diri ka dalam nilai-nilai lokal, walaupun inyo tatap marupokan reprezentasi budaya Eropa. Namun, urang Balando sacaro kasaluruahan umumnyo labiah banyak taserap dalam nilai-nilai lokal daripado sabaliknyo.[5]

Inyo kolah nan manjadi inti masyarakat kelas tangah bakari kosmopolitan di Batavia pado masa itu. Urang-urang ko takuik mandi, suko minum-minum (arak Batavia takenal paliang ancak di sadoalah Asia), dan suko bataman. Contoh dari urang Eropa-Indonesia adolah Pieter Elberfeld (Erberfeld, manuruik Vlekke),[6]urang turun dari Jerman-Siam nan (duduak) mangarah karusuhan pado 1721, dan C. Suythoff, nan adalah menantu pelukis takaramaran Balando, Rembrandt.

Pengaruh VOC sabananyo hanyo kuwaik di Batavia, sabagian Jawa, jo di Maluku & Minahasa. Di wilayah-wilayah ko mulai muncul parbidaan kelas sosial berdasarkan warna kulik, walaupun alun dibagian sacaro hukum. Masyarakaik Eropa dan turunannyo manampuah kawasan tapisah dari kalompok lainnyo. Di dalam masyarakaik ko pun mulai tajadi segregasi. Kaum trekkers jo blijvers nan indak punyo darah campuran (disambat "Belanda totok") maanggainyo dirinyo labiah "tinggi" daripado urang nan punyo darah campuran. Kaum campuran (miesling) ko biasonyo dipekerjoan di kantua-kantua padagangan untuak mambantu tugas-tugas pancatatan atau lapangan. Pendidikannyo kurang di parhatian dan banyak bagaua jo budak-budak tu. Sebagai akibatnyo, inyo banyak manyerap budaya lokal dan kurang punyo kemampuan berbahasa Balando nan mamadai. Bahkan tacatat bahwa pado akhir abad ka-18 banyak katurunan Balando/Eropa nan labiah fasih mangecekan kreol-Portugis atau Melayu Pasar daripado bahaso Balando. Dari urang-urang ko sabanta tu muncul dialek bahaso Balando nan khas: Indisch Nederlands, dan sajenis bahaso kreol nan takenal sabagai bahaso Pecok. Pas masa ko juo sejumlah budak lokal nan dibebaskan dan kemudian mameluk agama Kristen lambat-lamonyo ikut taserap dalam masyarakaik Eropa-Indonesia.

Masa keemasan: Hindia Belanda (1800-1942) suntiang

 
Keluarga campuran Balando (ayah) jo Indo (ibu) alah banyak tabentuk sajak kehadiran VOC, dan menguak pado abad ka-19 dan ka-20.

Paubahan gadang nan tajadi di Eropa pado awal abad ka-19 (parang napoleon) dan dilakuan Cultuurstelsel oleh Gubernur Jenderal van den Bosch mambuek urang Eropa-Indonesia mulai manyebar ka babagai tampek di Nusantara, tarutamo di Jawa dan sabagian Sumatera, tarutamo untuak mangurus parkebunan-parkebunan. Banyak pandatang, kabanyakan datang dari Balando ditambah babarapo urang Jerman dan Inggirih. Untuak panadangan katertiban hukum, pamisahan ka dalam tigo kalompok, Europeanen (urang Eropa), Vreemde Oosterlingen (Timur Asing), dan Inlanders (pribumi) diberlakuan sajak tahun 1854 (Regeringsreglement, "Undang-undang Administrasi Hindia") nan mantegeh pamisahan urang Eropa-Indonesia dari komponen masyarakaik Indonesia lainnyo. Ironisnyo, walaupun undang-undang ko mamasuakan kaum Eurasia ka dalam kalompok urang Eropa, tapi mantegeh lo segregasi di dalam kalompok Europeanen, dan indak langsuang marugikan kalompok campuran. Iko tajadi dek mulai tibo urang-urang dari Eropa (tamonyo Balando) untuak mancubo. Hasilnyo, kalangan "totok" (urang eropa-indonesia nan indak campuran) mulai maningkekan porsinyo dibandiangan kalangan campuran. Urang katurunan campuran ( pado masa iko istilah "Indo", kapendekannyo dari Indo-Europeanen, mulai dipakai) acok dianggap labiah bawah dek urang Eropa totok walaupun inyo bisa punyo hak, privilese, dan kawajiban nan samo kalau apaknyo'mangakuinyo' sabagai urang Eropa.[7] Sasuai jo aturan nan berlaku masa itu pulo, Europeanen indak bisa punyo lahan sacaro pribadi, tapi dapek menyewa dari urang pribumi. Di sisi lainnyo, kaum Indo manuruik aturan dibayar per jamnyo labiah murah daripado urang totok dan trekkers karano punyo latar belakang pendidikan nan labiah bawah. Hal ko manunculkan indak pueh di kalangan Indo.

Gerakan liberalisme mambuek banyak urang Eropa-Indonesia mulai barasosiasi manuruik ideologi, dan pado abad ka-20 manjadi pembangkit gerakan nasionalisme di Hindia Belanda. Sacara politis, urang Eropa-Indonesia pado awal abad ke-20 tapisah manjadi duo kalompok: urang nan tatap nio manjaga hubungan langkok jo Balando (kolonial) dan urang nan punyo aspirasi otonomi. Sabanyak urang Eropa dan Indo jaleh-jaleh mangadoan Boedi Oetomo, organisasi gerakan bakorak nasionalis partamo. Urang-urang Indo maupun "totok" pun mulai takonsolidasi. Pas tahun 1912 dibentuk Indische Partij (IP) oleh E.F.E. Douwes Dekker jo dukung banyak urang Eropa jo tujuan kamardikaan langkok untuak Hindia Belanda. Organisasi radikal ko dibungkam sataun sabanta dek pamarintah Gubernur Jendral A.W.F. Idenburg karano dianggap mambahayokan koloni. Kalangan urang Indo mayoritas nan pro-Belanda tu manjadian juo organisasi untuak manandingi radikalisme IP, yaitu Indo-Europees Verbond (IEV) pado tahun 1919 oleh Karel Zaalberg. IEV sangaik didukung dek pemerintah koloni dan indak lamo jadi fraksi dominan dalam Volksraad nan alah berdiri pado tahun 1916.

Pas tahun 1930 tau ado 246.000 urang Eropa-Indonesia (Europeanen), tamasuak Indo. Jumlah ko mancakup sakitar 0,4% dari total 60,7 juta panduduak Hindia Belanda. Dari jumlah tu, 87% punyo kewarganegaraan Balando. Satampek dari warga negaro Balando ko dilahia di Balando.[8]

Masa suram: Pendudukan Jepang dan Revolusi Kemerdekaan Indonesia (1939-1950) suntiang

Sajak masa ko mulai tajadi emigrasi gadang-gadang urang Eropa-Indonesia ka lua Indonesia.

Pas Parang Dunia Kaduo, urang Indo maraso masa nan suram, antah nan tingga di Eropa maupun Asia. Di Eropa, Jerman Nazi manduduik banyak negara dan mahamani urang-urang nan ndak asli Arya (Eropa asli).[rujuakan?] Salawas Parang Dunia II, Koloni Eropa di Asia Tenggara, tamasuak Hindia Belanda, disarang dan dianeh dek Kaizaran Japang.[9] Tentara Japang malakuan panduduak jajahannya jo kejam, labiah- labiah urang-urang dari Eropa (Tamasuak Indo). Sadonyo urang Eropa asli tamasuak ka dalam kamp konsentrasi Japang,[10] samantaro urang Indo nan bisa mambuktikan hubungan karabatan jo pribumi dikenakan pambatasan-pambatasan tatantu.[11] Anak laki-laki nan umu 15 tahun ka ateh dipisah dari amaknyo dan dimasukkan ka dalam kamp basamo-samo jo laki-laki dewasa. Samantaro itu, padusi diasingkan basamo anak-anak di kamp padusi.[12] Sadonyo laki-laki usia karajo dipaksa karajo tanpa dibayar.[13]

Banyak di antaro urang-urang tu nan dapek kabur, pai ka negara-negara macam Amerika Serikat, Inggirih (salah ciek negara Eropa nan indak diduduak jo tentara Nazi), Australia (magabaikan kebijakan ras- White Australia Policy), Selandia Baru dan Kanada karano inyo dapek ditarimo sabagai palariang parang.

Situasi sangaik payah dialami dek urang-urang nan terkait jo Jerman. Di periode awal (1939-1942) inyo ditangkok dek pemerintah Hindia Belanda dan diasiahi. Walter Spies, surang seniman takenal, manjadi korban di maso ko. Situasi agak mambabaik tapi tatap buruak katiko Japan masuak. Inyo dibuehan (sabab nan ditangkapi katiko adolah urang-urang dari negara Sekutu, mode Balando, Inggirih atau Prancis) namun manjadi sasaran salah tangkok dek penampilan nan samo. Hasilnyo banyak nan mamiliah kalua dari Hindia Belanda.

Pasca-kemerdekaan Indonesia dan diaspora (1945-1965) suntiang

 
Urang Indo di ateh kapa "Castel Felice" tibo di Rotterdam tahun 1958, manyusua peristiwa "Sinterklas Hitam"

Parlawanan Indonesia ka Balando nan mancubo mamadahi Indonesia baliak manyababkan parasaian permusuhan di kalangan pribumi Indonesia ka urang nan pro-Belanda. Inyo manyyakian sia se nan manyamoan urang Eropa (sadonyo urang kulit putih dianggap pro-Belanda) atau nan mendukung panyajahan baliak. Urang Indo nan kabanyakan nio baliak ka Balando, maraso takuik dan banyak nan lari ka koloni jajahan Inggirih di Malaysia dan Singapura. Pas periode 1945-1946, tajadi gelombang kekerasan ka urang Indo oleh kalompok pemuda nan takenal sabagai periode Bersiap. Diperkiraan sakitar 20.000 urang Indo tewas dalam kajadian ko, dan manuruik babarapo sejarawan, dapek dikecekan sabagai genosida.[14] Setelah 1949, Balando mambukak gelombang "repatriasi" warga Eropa-Indonesia ka Balando. Pangakuan kedaulatan Indonesia pado akhia tahun 1949 maicu paningkekan jumlah repatriat. Indak mudah untuak banyak urang Eropa-Indonesia untuak iduik di Balando karano tajadi panulak dek sabagai warga Balando nan maraso basainggo dalam mancari lapangan karajo. Hasilnyo banyak dari urang nan kamudian baliak baemigrasi ka negara katigo, mode Amerika Serikat, Australia, Selandia Baru, atau Kanada.

Antara tahun 1945 jo 1965 diperkirakan ado 300.000 urang Balando, Indo, atau urang Indonesia nan mamiliah pai/babulik ka Balando. Migrasi ko tajadi sacaro bagalombang. Banyak di antaro inyo alun pernah ka Balando samo sakali.

Paliang indak ado migrasi dalam limo tahap:

  • Tahap partamo, 1945-1950: salasai panyerahan Japang, sakitar 100.000 urang tawanan dibuehan Japang dan dipulang ka Balando, walaupun sajumlah urang mamiliah bertahan di Indonesia dan maraso masa sulit salamo Parang Kamerdekaan.
     
    Di akhir abad ka-19 urang Eropa jo Indo banyak manyerap unsur budaya lokal dan manyubuah kultur Indisch, sabagai hibrida antaro budaya Eropa (Belanda) jo babagai budaya lokal Indonesia. Kebaya jo potongan khas dan warna putiah acok dipakai dek padusi eropa. Batik batik punyo juo kakasan motif surang. Foto di ambiak 1888, koleksi Tropenmuseum Amsterdam.
  • Tahap kaduo, 1950-1957: Sasudah pangakuan kedaulatan Republik Indonesia, babarapo tentara dan pegawai pamarintah Balando dipulangakan, sasudah dimintak untuak mamiliah. Di antaro inyo banyak urang-urang bekas KNIL: 4000 urang Maluku dan juo tentara Balando asal Afrika. Jumlah total indak takenal. Proses ko manyulut kajadian Pambrontakan Republik Maluku Selatan.
  • Tahap katigo, 1957-1958: Setelah "Nieuw-Guinea-kwestie", sakita 20.000 urang dipulangkan dari Papua ka Belando.
  • Tahap ampek, 1962: imbah Balando diharusan maninggalakan Papua dan Papua diserahakan ka UNTEA, sakitar 14 ribu personil Balando dipulangakan. Pas UNTEA juo tajadi emigrasi sakitar 500 urang Papua ka Balando.
  • Tahap limo, 1957-1964: Sasudah Indonesia mamadahi undang-undang kewarganegaraan (UU 62/1958), nan mamaso urang-urang Eropa-Indonesia harus mamiliah kewarganegaraan. Kalau nio manotap inyo harus malalui proses naturalisasi dan kalau nio tatap sabagai urang Balando (Europeens) inyo harus maninggaan Indonesia. Pas masa ko banyak juo tajadi emigrasi dari urang-urang keturunan asiang nan indak nio jadi warga negara Indonesia.

Urang Indo masa kini suntiang

Sajak Orde Baru, urang Eropa-Indonesia di Indonesia hanyo marupokan bagian nan sangaik ketek dari panduduak Indonesia. Paraturan imigrasi nan karestek, praktis indak mambuek mungkin masuak urang Eropa ka Indonesia tanpa malalui naturalisasi nan mamakan waktu bertahun-tahun. Secara kultural urangnyo biasonyo taserap ka dalam budaya kosmopolitan Jakarta, atau budaya lokal tampek inyo tingga. Inyo bisa dikecekan bukan marupokan subkultur nan khas di Indonesia.

Kaadaan nan agak babeda tajadi di Balando. Badan statistik Balando, CBS, pado tahun 1990 mancatat 472.600 urang panduduak Balando punyo keturunan Indonesia, 187.700 di antaronyo dilahia di Hindia Balando/Indonesia. Manuruik laporan demografi tahun 2003, pado tahun 2001 takatat 458.000 urang nan marupokan generasi partamo dan kaduo katurunan Hindia Balando. Di Balando inyo marupokan kalompok minoritas nan signifikan dan punyo kekasan budaya surang. Secara statistik inyo masih dipisah dan dianggap sabagai kalompok minoritas tagadang, sambia sabagai kalompok minoritas nan paliang taintegrasi. Festival taunan Pasar Malam gadang marupokan kagiatan gadang dari masyarakaik Eropa-Indonesia di Balando. Krancher, surang warga negara AS keturunan Eropa-Indonesia nan pernah batuak di Indonesia mancatat sacaro kritis ado "kabangkangan baliak" pado generasi katigo katurunan kaum Indo di Balando.

Katurunan Eropa-Indonesia juo tasebar di sadoalah dunia, antah langsuang dari Indonesia atau dari Balando. Banyak di antaro inyo tingga di Amerika Serikat, Kanada, atau Inggirih. Babarapo di antaronyo manjadi urang nan cukuik paralu.

Tokoh-tokoh suntiang

Tokoh-tokoh dari kalangan Indo cukuik banyak jumlahnyo, nio di Indonesia, Belanda, maupun Amerika Sarikek.

Indonesia suntiang

Belanda suntiang

Negara lain suntiang

Berikut adolah beberapo tokoh asing selain dari Belando nan mamiliki keturunan Eropa-Indonesia.

Catatan kaki suntiang

  1. ↑ a b c d e Goor, Jurrien van; Goor, Foskelien van (2004) (dalam bahaso en). Prelude to Colonialism: The Dutch in Asia. Uitgeverij Verloren. pp. 57. ISBN 978-90-6550-806-5. https://books.google.co.id/books?id=XORpOFX5o80C&lpg=PP1&pg=PA57#v=onepage&q&f=false. 
  2. ↑ Azis, Muhajir Abdul (19 November 2017). "Telusur jejak turunan Portugis di Aceh". Lokadata.ID (dalam bahasa Indonesia). Diarsipkan dari versi asli tanggal 26 November 2020. Diakses tanggal 06 Januari 2023. 
  3. ↑ Becker, Judith (1975). "Kroncong, Indonesian Popular Music". Asian Music (dalam bahasa Inggris). 7 (1): 14. doi:10.2307/833923. ISSN 0044-9202. 
  4. ↑ Vlekke BHM 2008. Nusantara: Sejarah Indonesia. KP Gramedia Jakarta. Bab 9.
  5. ↑ Osborne M 2004. Southeast Asia: An Introductory History. Allen & Unwin Australia. hal 53
  6. ↑ Vlekke BHM 2008. Ibid.
  7. ↑ van der Veur, PW 2006. The lion and the gadfly. Dutch colonialism and thes spirit of E.F.E. Douwes Dekker. KITLV Press. Leiden. Penulis buku ini pun adalah seorang Indo yang bermukim di Amerika Serikat.
  8. ↑ Centraal Bureau voor de Statistiek 2003. Bevolkingstrends. Statistisch kwartaalblad over de demografie van Nederland. Jaargang 51 – 1e kwartaal 2003. Heerlen/Voorburg. Nederland. hal. 58
  9. ↑ "The Dutch East Indies Campaign 1941-1942". dutcheastindies.webs.com. Diarsipkan dari versi asli tanggal 10 April 2019. Diakses tanggal 23 September 2020. 
  10. ↑ Smith, Andrea L. (2003). Smith, Andrea L.. ed. Europe's Invisible Migrants. Amsterdam: Amsterdam University Press. pp. 16. ISBN 978-90-5356-571-1. https://www.jstor.org/stable/j.ctt46mxq8.4. 
  11. ↑ Croix, Humphrey de la. "World War II and Bersiap Period (1945-1949) | Buitenkampers: Ignored and Untold stories". www.indischhistorisch.nl. Diakses tanggal 23 September 2020. 
  12. ↑ "The forgotten women of the 'war in the East'". BBC News (dalam bahasa Inggris). 19 October 2014. Diakses tanggal 23 September 2020. 
  13. ↑ "Information about the Prisoners of War of the Japanese 1939-1945". www.forces-war-records.co.uk. Diarsipkan dari versi asli tanggal 2022-03-08. Diakses tanggal 29 Januari 2023. 
  14. ↑ Frederick, William H. "The killing of Dutch and Eurasians in Indonesia's national revolution (1945–49): a ‘brief genocide’reconsidered." Journal of Genocide Research 14.3-4 (2012): 359-380.
Diambiak dari "https://min.wikipedia.org/w/index.php?title=Urang_Indo&oldid=2618346"