Pantai Matras
Pantai Matras adolah nan talatak di desa Sinar Baru, Kecamatan Sungailiat, di sabalah timur laut Pulau Bangka nan mampunyai jarak sakita 40 km dari Pangkalpinang atau 7 km dari kota Sungailiat.[1] Pantai ko sangaik indah jo landai.[1] Babeda jo pantai kabanyakan, Matras mampunyoi kasiak putiah ditambah jo teksturnyo nan aluih.[1]
Panjang pantai ko mancapai 3 km sarato punyo leba 20 sampai 30 meter.[1] Pantai ko marupoan pantai nan paliang banyak dikunjungi di Bangka Belitung, baiak masyarakaik Bangka sajo, wisatawan domestik, ataupun mancanegara.[1][2]
Namun babarapo taun ko, pantai Matras maalami abrasi nan babahayo, tarutamo pado bulan November inggo Maret.[3] Dek karano pantai matras baadok an lansuang ka arah Laut Cina selatan jo ditambah adanyo paningkatan kakuatan galombang satiok taunnyo.[3]
Istimewanyo
suntiangParo pangunjuang akan basuo pamandangan nan elok dipandang di siko.[2] Hamparan kasiak nan manyatu jo babatuan indah di sekitanyo mambueknyo tampak sarupo mutiara nan banyak tabantang di muko mato.[2] Dek latar balakang pamandangan pepohonan karambia, lauik nan janiah, sarato sungai nan alami, urang-urang acok manyebuiknyo sabagai Pantai Surga.[1][4] Salain itu, Pantai Matras acok pulo disabuik sabagai pantai rakyat, karano salain mudah dijangkau, biaya liburan ka pantai ko cukuik murah.[5]
Pamandangan di Matras terbagi menjadi dua bagian, yaitu bagian selatan jo utara.[5] Di bagian utara ado pamandangan pasia pantai nan indak punyo ujuang karano pantai panjang di daerah Bangka.[5] Sadangkan di selatan, nan nampak ado tanjung nan tadapek batu-batu granit khas Pulau Bangka nan elok.[5] Apolai ditambah pulo jo sabuah sungai air tawar nan bisa ditamuan di sakita pantai.[5]
Sisi rancaknyo nan lain, lokasinyao nan nyaman jo tanang bisa mambuek nyaman mato pangunjuang akan keindahan suasana pantai.[2] Pado malam hari para pangunjuang dapek mancaliak suasana pantai sambil maliek kapa-kapa nalayan nan sadang balayar di tengah lautan jo kulek kulek sabagai kawannyo, diantaronyo ubi goreng keju, pisang goreng keju, kolak labu merah, jo minuman hangat yang bisa dibeli di restoran terdekat.[6] Hidangan istimewa lainnyo adolah ikan tenggiri bakar segar nan disajian jo sambal kecap jo sambal belacan.[6]
Akomodasi
suntiangPajalanan dari Pangkalpinang manuju ka lokasi kurang labiah wakatu tampuahnyo 1 jam jo melewati jalan nan naiak turun (bagalombang).[2] Di tampek iko pangunjuang nan masuak anyo dikenakan biaya sebesar 5.000/orang.[2] Para pangunjuang indak paralu risau karano di dakek pantai Matras tadapek hotel-hotel, panginapan, juo tampek hiburan.[2] Tadapek juo lokasi sentra penjualan souvenir dan makanan khas Bangka sarupo Kemplang Panggang, Kerupuk Ikan, Keretek ikan/ cumi, Rusip, Belacan/ Terasi, Lada Bubuk, jo lain sabagainyo.[2]
Di kawasan pantai ko alah dibangun banyak tampek peristirahatan berupa ''bungalow'' sederhana nan mambuek samakin nyaman.[2] Salain itu, para pangunjuang juo bisa manamuan sabuah resor nan barado di siko sarupo hotel bintang empat yakni Parai Beach Resort.[6] Hampia sado fasilitas tasadio di tanpek wisata ko, mulai dari restoran, bar and grill, kafe, kolam renang, bahkan sport centre.[6][7]
Untuk sampai di pantai ini, urang-urang dapek manggunaoan baragam jinih kendaraan nan bisa disewa di Bandara Depati Amir.[6] Jikok ingin manggunoan angkutan umum, dapek naiak angkutan kota jenis Colt dari daerah Pangkalpinang.[6]
Rujuakan
suntiang- ↑ a b c d e f "Pantai Matras". Portal Nasional Republik Indonesia. Diarsipkan dari versi asli tanggal 2014-07-18. Diakses tanggal 7 Mei 2014.
- ↑ a b c d e f g h i "Pantai matras Bangka". Bangka Tour. Diakses tanggal 7 Mei 2014.
- ↑ a b "Pantai Matras Bangka". Cakra Tour. Diakses tanggal 7 Mei 2014.
- ↑ "Objek Wisata Pantai di Bangka". Pemerintah Daerah Kabupaten Bangka. Diarsipkan dari versi asli tanggal 2015-02-06. Diakses tanggal & Mei 2014.
- ↑ a b c d e "Senja di Panta Matras". Detik Travel. Diakses tanggal 7 Mei 2014.
- ↑ a b c d e f "Pantai Matras dan Parai Tenggiri". Indonesia's Official Tourism Website. Diakses tanggal & Mei 2014.
- ↑ RRI 2022, LPP. "Nikmati Keindahan Pantai Matras di Pulau Bangka". rri.co.id (dalam bahasa Inggris). Diakses tanggal 2022-06-16.[pranala nonaktif permanen]