Hotel

Hotel adolah sabuah bangunan nan dikalola untuak manyadiokan tampek manginap bagi para tamu dalam jangko wakatu nan singkek dengan caro mambayia jo sajumlah pitih. Fitur jo layanan nan disadioan untuak para tamu biasonyo bavariasi antaro hotel nan ciek jo hotel nan lainnyo. Pamiliak hotel umumnyo punyo tujuan untuak manarik palanggan pado segmentasi tatantu malalui model panatapan harago jo strategi pamasaran atau malalui berbagai layanan nan ditawarkan.

Hotel Llao llao.

Pangartian

Manuruik Kamus Besar Bahasa Indonesia

Hotel adolah bangunan nan bakamar banyak nan disewakan sabagai tampek untuak manginap jo tampek makan urang nan sadang dalam pajalanan; bantuak akomodasi nan dikalola sacaro komersial, disadioan untuak satiok urang guno mamparoleh palayanan, panginapan, makan sarato jo minum.

Manuruik Kepmen Pariwisata, Pos, jo Telekomunikasi RI

Pangartian hotel hampia sarupo juo jo nan disabuikan dalam Keputusan Menteri Pariwisata, Pos jo Telekomunikasi Republik Indonesia Nomor 94 Tahun 1987. Dalam paraturan resmi tasabuik, pangartian hotel disabuikan sabagai barikuik. Hotel adolah salah ciek jinih akomodasi nan mampagunoan sabagian atau saluruah bangunan untuak manyadioan jaso palayanan panginapan, makan jo minum sarato jaso lainnyo untuak masyarakaik umum nan dikalola sacaro komersial.

Manuruik Peraturan Menparekraf RI

Dalam Paraturan Menteri Pariwisata dan Ekonomi Kreatif Republik Indonesia Nomor PM.53/HM.001/MPEK/2013 tantang Standar Usaho Hotel sarupo nan dilansir dari situs resmi Badan Koordinasi Penanaman Modal (BPKM), pangartian hotel adolah sabagai barikuik: Hotel tamasuak dalam usaho panyadioan akomodasi. Sadangkan, usaho panyadioan akomodasi adolah usaho nan manyadioan palayanan jo panginapan nan dapek dilengkapi dengan palayanan pariwisata lainnyo.

Jinih hotel

Hotel bintang

Hotel babintang adolah hotel nan alah mamanuahi kriteria panilaian panggolongan kelas hotel bintang ciek, duo, tigo, ampek jo bintang limo. Hotel bintang mampunyoi panggolngan kelas hotel, yaitunyo: hotel bintang ciek, hotel bintang duo, hotel bintang tigo, hotel bintang ampek, hotel bintang limo.

Hotel nonbintang

Hotel nonbintang adolah hotel nan indak mamanuahi kriteria panilaian panggolongan kelas hotel sabagai hotel bintang satu. Hotel nonbintang indak mampunyoi panggolongan kelas hotel atau dapek juo disabuik sabagai hotel melati.

Karakteristik hotel

Tadapek babarapo karakteristik hotel nan mambedaanyo jo babarapo industri lainnyo, Barikuik karakterisiknyo:

1. Industri pahotelan adolah industri padek modal nan diklasifikasian sabagai padek karya sarato sarana mangalola modal ventura gadang jo mambutuahan banyak pakarajo.
2. Dipangaruahi dek kaadaan jo parubahan ekonomi, politik, sosial, budaya jo kaamanan di lokasi hotel tasabuik barado.
3. Mamproduksi jo mamasarkan produknyo bakaitan jo tampek di mano layanannyo dibuek.
4. Baoperasi salamo 24 jam sahari tanpa adonyo libur guno mambarikan palayanan tabaiak untuak palanggang hotel jo masyarakaik luweh.
5. Mampalakuan palanggan sabagai rajo sarto jo mitra bisinis, karano layanan hotel bagantuang kapado palanggang hotel nan mampagunoan fasilitas hotel.

Peran hotel

Sabagai atraksi wisata

Hotel marupoan sarana pasinggahan samataro untuak wisatawan tamasuak diantaronyo mambarikan palayanan kamar sarato pelayanan makanan jo minuman, mako hal nan paliang paralu dari suatu produk hotel yaitunyo faktor manusia barupo jaso palayanannyo. Dengan kato lain hotel dapek dikatoan sabagai atraksi wisata, karano produk utamo hotel barupo jaso palayanannyo ikuik baparan dalam manantuan saluruah pangalaman wisatawan, sehinggo dapek diklasifikasikan sabagai dayo tarik wisata manusia.

Sabagai parantaro

Hotel sabagai parantaro baiak untuak panyadio produk wisata maupun pasa wisata, pihak hotel baparan pulo sabagai pamasar produk wisata. Fungsi sabagai pamasar akan tabantu dengan prinsip-prinsip kabalanjutan jo program nan labiah batangguang jawab sahinggo mampu manyadioan kesan positif dimato wisatawan.