Mochamad Jasin
Letjen. (Purn.) TNI Mochamad Jasin (lahia di Sabang, Pulau Weh, Aceh, 22 Juli 1921; umua 102 taun) adolah salah surang tokoh tantara Indonesia nan pernah manjabat wakil Kapalo Staf Angkatan Darat (KSAD) TNI pado taun 1970-an.
Mochamad Jasin | |
|---|---|
| Lahia | 22 Juli 1921 |
| Kabangsaan |  Indonesia |
| Alma mater | Defence General Staff College Wellington, India (1958) |
| Karojo | Militer - Wakil KSAD - Pangdam VIII Brawijaya - Pangdam Iskandar Muda |
| Dikana dek | - Manciptaan padamaian antaro Pamarentah RI jo DI/TII pimpinan Teungku Daud Beureu'eh - Panando tangan Petisi 50 |
| Urang tuo | Mochamad Iyas |
Sabalunnyo, Mochamad Jasin pernah manjabat Panglima Daerah Militer (Pangdam) VIII Brawijaya dari taun 1967-1970. Katiko manjabat Pangdam Iskandar Muda di Aceh pado taun 1960-1963, Jasin baperanan gadang dalam manciptaan padamaian antaro Pamarentah RI jo DI/TII di bawah pimpinan Teungku Daud Beureu'eh.
Petisi 50 suntiang
Jenderal Jasin dikana sabagai jenderal nan jujur, saderhana, bapandirian sangaik kukuah sarato disiplin. Basamo babarapo urang tokoh, sarupo Mohammad Natsir, Sjafruddin Prawiranegara, Manai Sophiaan, Ali Sadikin, Hoegeng Imam Santoso, Mohammad Nazir, A.H. Nasution, Kasman Singodimedjo, A.M. Fatwa, Burhanuddin Harahap, S.K. Trimurti, Azis Saleh sarato babarapo urang tokoh lainnyo, Jasin manandotangani dokumen nan barisi kritik kapado Presiden Soeharto nan dianggap alah manyalahgunoan kakuasaannyo sabagai Presiden. Dokumen atau petisi nan ditandongani di Jakarta pado tanggal 5 Mei 1980 tu kudian dikana sabagai Petisi 50. Sabagai salah surang anggota Petisi 50, baliau paliang vokal dalam mangkritik kabijakan Soeharto pado maso Orde Baru nan dianggapnyo alah banyak manyimpang. Walaupun hubuangan kaduonya sabananyo dakek, tapi Jenderal Jasin tatap kritis.
Asa usua suntiang
Mochamad Jasin laia di Sabang, Pulau Weh, Aceh dari surang ibu nan badarah Minangkabau jo ayah, Mochamad Iyas nan badarah Jawa.
Pandidikan suntiang
- Taman Siswa, Sabang
- Taman Dewasa, Medan
- Taman Guru B2 Wirogunan, Yogyakarta
- Defence General Staff College Wellington, India (1958)
Karier suntiang
Tantara
- Parwira Staf Daidan I Madiun (1944)
- Ajudan Kumandan Resimen 31 BKR Madiun (1945)
- Kumandan Batalion 40 Madiun (1947)
- Kumandan Brigade V Kediri (1951)
- Kapalo Staf Resimen 17 Surabaya (1951)
- Kapalo Staf Resimen Infantri 16 Jember (1951)
- Kapalo Departemen Panyarangan SSKAD (1953)
- Kapalo Departemen Lapis Baja SSKAD (1959)
- Pangdam Iskandar Muda (1960-1963)
- Atase Militer RI di Moskow (1965)
- Pangdam Brawijaya (1967-1970)
- wakil KSAD (1970)
Sipil
- Sekjen Departemen PUTL (1973)
- Direksi jo Komisaris di sajumlah PT (1974)
- Private Consultant (1975-1985)
Rujuak-an suntiang
- Letjen (Purn.) Mochamad Jasin: Teguh Sampai Durian Gajah Runtuh Archived 2014-02-02 di Wayback Machine. Forum Keadilan, 02 Nov 1998. Diakses 8 Mei 2013.
- 6 Jenderal berani tantang kediktatoran Soeharto Merdeka.com, 21 Maret 2013. Diakses 8 Mei 2013.
