Mohammad Nazir

Laksamana Mudo Mohammad Nazir Isa gala Datuak Basa Nan Balimo (lahia di Maninjau, Agam, Sumatera Barat, 10 Juli 1910 – maningga di Jakarta, 30 Agustus 1982 pado umua 72 taun) adolah surang tantara angkatan lauik sarato pajuang kamardekaan Indonesia. Baliau pernah manjabat Kepala Staf TNI Angkatan Laut dari taun 1946 sampai 1948 sarato Mantari Palayaran Republik Indonesia dari taun 1957 sampai 1959. Baliau pernah pulo manjabat sabagai Duta Basa RI di Swiss jo Vatikan

Mohammad Nazir
Lahia	10 Juli 1910 Maninjau, Agam, Sumatera Barat, Hindia Balando
Maningga	30 Agustus 1982 (umua 72) Jakarta
Kabangsaan	Indonesia
Karojo	Tantara
Urang tuo	Mohammad Isa Sutan Bandaro Siti Chadijah

Kahidupan

Nazir laia dari pasangan Mohammad Isa Sutan Bandaro jo Siti Chadijah. Baliau anak katigo dari tujuah basudaro. Sajak umua 6 taun Nazir diasuah dek pamannyo, Adam Datuak Basa Nan Balimo di Tanjung Pura, Langkat nan manjabat sabagai School Opzienner. Sasuai jo jabatan pamannyo, M. Nazir dibuliahan untuak masuak Europeesche Lagere School di Medan. Sasudah itu baliau dibao dek pamannyo nan lain, Abdul Samad nan bakarajo sabagai Hoof Opzichter di Jakarta, lalu masuak sakola dasar De Tweede Bijbel School, kudian baliau malanjuik-an sakola ka Chrijstelike MULO.

Nazir bakarajo sabagai palauik di Balando ateh rekomendasi Ny. Poijt van Druten, gurunyo di MULO. Sasudah lamo bakarajo di dunia palayaran, Nazir malanjuik-an pandidikannyo di sakola palayaran Michel Adrianzoon de Ruyter Balando, lalu mandapek-an ijazah De Grotevaart (Ijazah Palayaran Samudera) pado taun 1938. Baliau adolah urang Indonesia partamo nan mandapek-an ijazah satingkek itu. Taun 1938 baliau pulang ka Indonesia lalu bakarajo di parusahaan palayaran Doggerbank. Sasudah Japang masuak ka Indonesia, baliau bagabuang ka Angkatan Lauik Kakaisaran Japang. Pado taun 1943, baliau diangkek sabagai kapalo Sakola Palayaran Tinggi di Semarang.

Sasudah kamardekaan Indonesia, baliau manjadi Kapalo Staf TNI Angkatan Lauik sarato Mantari Palayaran pado Kabinet Djuanda. Nazir juga ditujukan sebagai kepala ALRI oleh Mr. Syafruddin Prawiranegara sewaktu menjadi ketua PDRI di Sumatera Tengah. Baliau sato pulo manandotangani Petisi 50 nan mangkritisi pamarentahan totaliter Soeharto.

Ateh jaso-jasonyo, baliau manarimo tando jaso Bintang Gerilya, sawindu APRI, Parang Kamardekaan I jo II, Satyalencana VIII, XVI, sarato Bintang Jalasena.

Pautan lua

• (Indonesia) Profil M. Nazir Archived 2013-04-20 di Wayback Machine.