Kota Pangkalpinang

Kota Pangkalpinang adolah salah satu kota di Indonesia nan marupokan bagian dari Provinsi Kapulauan Bangka Belitung dan sakaligus marupokan ibu kota provinsi. Sacaro astronomis, Kota Pangkalpinang talatak antaro 20,4’ sampai jo 20,10’ Lintang Selatan dan antaro 106,04’ sampai ka 106,07’ Bujur Timur. Kota ko talatak di bagian timur Pulau Bangka. Kota Pangkalpinang tabagi dalam 7 kecamatan jo mamiliki 42 kelurahan.

Kota Pangkalpinang
Bangka Kepulauan Bangka Belitung
Lambang
Semboyan: Rajin Pangkal Makmur
Lokasi Kota Pangkalpinang di Pulau Bangka
Nagara	Indonesia
Provinsi	Kepulauan Bangka Belitung
Ari jadi	17 September 1757 (1757-09-17)
Panduduak
• Total	jiwa
Demografi
• Suku banso	Melayu, Tionghoa, Jawa, Sunda, dan lain-lain.
Zona wakatu	WIB (UTC+7)
Kode telepon	+62 717
Jumlah kecamatan	7
Jumlah kelurahan	42
Kode Kemendagri	19.71
Situs web	pangkalpinangkota.go.id

Jalan di kota Pangkalpinang, Bangka Belitung.

Kota Pangkalpinang mamiliki wilayah salaweh 118,41 km² jo jumlah panduduak manuruik data Kemendagri sabanyak 209.383 jiwa (2018) jo kapadatan 1.999 jiwa/km². Kini dipimpin dek Wali Kota Muhammad Irwansyah, nan sabalunnyo dipimpin dek Zulkarnain Karim nan manjabaik untuak duo periode (2003-2013). Sungai Rangkui mambalah kota nan mamiliki julukan BERARTI (BERsih, Aman, Rapi, Tertib, Indah(barasiah, aman, rapi, taratik, indah)) ko. Kota ko bapusek di Jalan Merdeka sabagai titik nol kilometer kota.

Populasi Kota Pangkalpinang kabanyakan dibantuak dek etnis Malayu jo Tionghoa suku Hakka nan datang dari Guangzhou. Ditambah sajumlah suku pandatang sarupo Batak, Minangkabau, Palembang, Sunda, Jawa, Madura, Banjar, Bugih, Manado, Flores dan Ambon.

Kota Pangkal Pinang marupokan pusek pamarintahan, pusek pamarintahan kota di Kelurahan Bukit Intan, jo pusek pamarintahan provinsi jo instansi vertikal di Kelurahan Air Itam. Kantua pusek PT. Timah Tbk. juo ado di siko. Pangkal Pinang juo marupokan pusek aktivitas bisnis/padagangan jo industri di Bangka Belitung.