Kabupaten Toba
Kabupaten Toba (Aksara Batak Toba: ᯂᯅᯮᯇᯖᯉᯩ᯲ ᯖᯬᯅ) adolah sabuah kabupaten di Provinsi Sumatra Utara, Indonesia. Ibu kotanyo adolah Kota Balige. Kabupaten Toba marupoan ciek dari tujuah kabupaten nan mangaliliangi Danau Toba, yaitu danau paling laweh di Indonesia. Suku nan mandiami kabupaten iko pado umumnyo adolah suku Batak Toba, dengan jumlah panduduak sabanyak 206.199 jiwa (2020).[1]
| Kabupaten Toba ᯂᯅᯮᯇᯖᯉᯩ᯲ ᯖᯬᯅ | |
|---|---|
Kabupaten di Sumatera Utara, Indonesia | |
 | |
| Semboyan: Tampakna do Rantosna, Rimni Tahi do Gogona (Kebersamaan mencerminkan Kekuatan) | |
 | |
| Nagara |  Indonesia |
| Provinsi | Sumatera Utara |
| Tanggal paresmian | 9 Maret 1999 |
| Dasa hukum | UU No.12 Tahun 1998 |
| Ibu kota | Balige |
| Pamarintahan | |
| • Bupati | Ir. Poltak Sitorus |
| • Wakil Bupati | Tonny M. Simanjuntak,SE. |
| • Sekretaris Daerah | Drs. Parlindungan Simbolon |
| • Ketua DPRD | Effendi S Panangian Napitupulu |
| Laweh | |
| • Total | 2.021,80 km2 (780,62 sq mi) |
| Panduduak (2020)[1] | |
| • Total | 206.199 jiwa |
| • Kapadatan | 102/km2 (260/sq mi) |
| Demografi | |
| • Etnik | Batak Toba, Batak Simalungun, Batak Angkola |
| • Agamo | Kristen 92,66% — Protestan 85,34% — Katolik 7,32% Islam 5,88% Parmalim 1,43% Buddha 0,03%[1] |
| • Bahaso | Batak Toba, Bahasa Indonesia |
| Zona wakatu | |
| Kode telepon | 0632 |
| Jumlah kecamatan | 16 kecamatan |
| Jumlah kelurahan | 13 kelurahan |
| Jumlah desa | 231 desa |
| DAU | Rp 579.155.648.000,- (2020)[2] |
| IPM | ▲ 75,16 (2020) Tinggi[3] |
| Palabuahan udaro | Bandar Udara Sibisa |
| Kode Kemendagri | 12.12  |
| Situs web | tobakab.go.id |
Kabupaten iko dibantuk bardasarkan Undang-Undang Nomor 12 Tahun 1998 tantang pambentukan Kabupaten Daerah Tingkat II Toba Samosir jo Kabupaten Mandailing Natal di Provinsi Daerah Tingkat I Sumatra Utara. Namonyo samulo adolah Kabupaten Toba Samosir nan marupoan pamekaran dari Kabupaten Tapanuli Utara. Pado tanggal 3 Maret 2020, Kabupaten Toba Samosir barubah namo manjadi Kabupaten Toba malalui Peraturan Pemerintah Nomor 14 Tahun 2020 tentang perubahan namo Kabupaten Toba Samosir manjadi Kabupaten Toba di Sumatra Utara.
Geografi
suntiangKabupaten Toba mamiliki lueh wilayah 2.021.80 km²[4] atau 3,19% dari total lueh Provinsi Sumatra Utara.[5] Kabupaten iko barado pado 2°03' - 2°40' Lintang Utara jo 98°56′ - 99°40′ Bujur Timur. Kabupaten iko talatak pado wilayah dataran tinggi dengan katinggian antaro 900 - 2.200 meter di ateh parmukaan lauik, dengan topografi jo kontur tanah nan baraneka ragam, yaitu data, landai, miriang, jo terjal. Struktur tanahnyo labil dan talalak pado wilayah gampo tektonik jo vulkanik.
Bateh wilayah
suntiangKabupaten Toba mamiliki bateh wilayah sabagai barikuik:
| Utara | Kabupaten Simalungun |
| Selatan | Kabupaten Tapanuli Utara |
| Barat | Kabupaten Samosir dan Danau Toba |
| Timur | Kabupaten Asahan dan Kabupaten Labuhanbatu Utara |
Pamarentahan
suntiangWilayah administrasi Kabupaten Toba pado tahun 2017 tadiri dari 16 kecamatan dengan 244 desa/kelurahan, yaitu 231 desa jo 13 kelurahan.
Daftar kecamatan
suntiang| Kecamatan | Ibu kota | Jarak ibu kota kabupaten ka ibu kota kecamatan |
Camaik | Lueh (km²) / rasio terhadap lueh kabupaten |
Jumlah panduduak / kapadatan (2015) |
Desa/Kelurahan |
|---|---|---|---|---|---|---|
| Ajibata | Pardamean Ajibata | 60 km | Tigor Sirait | 72,80 km² (3,60%) | 7.505 (103,09 jiwa/km²) | 9 / 1 |
| Balige | Balige | 1 km | Pantun Josua Pardede | 91.05 km² (4,50%) | 38.088 (418,32 jiwa/km²) | 29 / 6 |
| Bonatua Lunasi | Lumban Lobu | 24 km | Hulman Sitorus | 57,74 km² (2,86%) | 5.195 (90,58 jiwa/km²) | 12 / 0 |
| Borbor | Borbor | 58 km | Sabam Pardosi[6] | 176,65 km² (8,74%) | 7.035 (39,82 jiwa/km²) | 15 / 0 |
| Habinsaran | Parsoburan Tengah | 52 km | Benny Siagian | 408,70 km² (20,21%) | 16.020 (645,50 jiwa/km²) | 21 / 1 |
| Laguboti | Laguboti | 7 km | Pintor Pangaribuan | 73,90 km² (3,66%) | 19.058 (257,89 jiwa/km²) | 22 / 1 |
| Lumban Julu | Lumban Julu | 40 km | Alfaret Manurung | 90,90 km² (4,60%) | 8.455 (93,01 jiwa/km²) | 12 / 0 |
| Nassau | Lumban Rau Tengah | 76 km | Timbul Sipahutar[6] | 335,50 km² (16,59%) | 7.431 (427,86 jiwa/km²) | 10 / 0 |
| Parmaksian | Pangombusan | 23 km | Paiman Butarbutar | 45,98 km² (2,27%) | 10.663 (231,91 jiwa/km²) | 11 / 0 |
| Pintu Pohan Meranti | Pintu Pohan | 39 km | Gibson Sinaga | 277,27 km² (13,71%) | 7.280 (252,28 jiwa/km²) | 7 / 0 |
| Porsea | Porsea | 19 km | Elister Manurung | 37,88 km² (1,83%) | 13.895 (366,82 jiwa/km²) | 14 / 3 |
| Siantar Narumonda | Siantar Narumonda I | 16 km | Lahsa J. Simanullang | 22,19 km² (1,10%) | 5.928 (267,15 jiwa/km²) | 14 / 0 |
| Sigumpar | Sigumpar Dangsina | 11 km | Jaga Situmorang | 25,20 km² (1,25%) | 7.700 (305,56 jiwa/km²) | 9 / 1 |
| Silaen | Silaen | 15 km | Rajiun Tampubolon | 172,58 km² (8,54%) | 12.546 (72,70 jiwa/km²) | 23 / 0 |
| Tampahan | Gurgur Aek Raja | 10 km | Freddy A. Panjaitan | 24,45 km² (1,21%) | 4.458 (182,33 jiwa/km²) | 6 / 0 |
| Uluan | Lumban Binanga | 24 km | Robert Manurung | 109,00 km² (5,39%) | 8.325 (76,38 jiwa/km²) | 17 / 0 |
Sosial budaya
suntiangManuruik pabandiangan Indeks Pambangunan Manusia (IPM) dari 33 Kabupaten/Kota di Sumatera Utara taun 2013, Kabupaten Toba barado di paringkek 5 jo indeks sagadang 77,49 (level manangah ateh).
Etnis
suntiang
Etnis asali nan mauni Kabupaten Toba pado umumnyo adolah etnis Batak dari sub-etnis Toba. Salain Toba, etnis Batak lain maliputi Batak Simalungun, Batak Pakpak, Batak Angkola jo Batak Mandailing: ado juo etnis lainnyo cando Karo, Nias, Malayu dan lain sabagainyo. Ado juo etnis pandatang lua Sumatera Utara sarupo Jawa, Minangkabau, dan Tionghoa.
Marga Batak nan mauni Kabupaten Toba baragam, tapi dapek digolongkan ka dalam babarapo kalompok, yaitu:
- Marga katurunan Borbor (Lubis, Pasaribu, Sipahutar, Tanjung) mauni wilayah timur (Kecamatan Borbor, Laguboti, Habinsaran, dan Nassau)
- Marga katurunan Nai Rasaon (Butarbutar, Manurung, Sirait, dan Sitorus) mauni wilayah utara (Kecamatan Ajibata, Lumban Julu, Porsea, Parmaksian, dan Uluan)
- Marga katurunan Sibagot Ni Pohan (Tampubolon, Baringbing, Silaen, Siahaan, Simanjuntak, Hutagaol, Panjaitan, Siagian, Pardosi, Sianipar, Simangunsong, Marpaung, Napitupulu, dan Pardede) mauni wilayah selatan (Kecamatan Balige, Habinsaran, Siantar Narumonda, Sigumpar, Silaen, Tampahan)
- Marga katurunan Silahi Sabungan (Silalahi dan Tambun/Tambunan) mauni wilayah selatan (Kecamatan Balige)
- Marga katurunan Sipaet Tua (Aruan, Hutahaean, Hutajulu, Hutapea, Pangaribuan, Sibarani, Sibuea) mauni wilayah selatan (Kecamatan Laguboti dan Silaen)
Agam
suntiang
Mayoritas panduduak Kabupaten Toba manganuik agamo Kristen yakni 92,66% jo sabagian gadang mamaluak Protestan 85,34% dan Katolik 7,32%. Pado umumnyo agamo Kristen dianuik dek urang Batak (Toba, Simalungun, dan Karo). Samantaro agamo Islam bajumlah 5,88% nan pado umumnyo dianuik dek urang Jawa, Minangkabau, Batak Mandailing, Batak Angkola, dan sabagian Batak Toba. Katurunan Tionghoa nan badomisili di Kabupaten Toba pado umumnyo manganuik agamo Buddha sakitar 0,03%.[7]
Gareja HKBP jo Kabupaten Toba mamiliki hubuangan nan sangek arek dalam mangambangkan baiak HKBP maupun wilayah Toba surang. Mayoritas panduduak Kabupaten Toba nan baragamo Kristen Protestan adolah jemaat Gereja HKBP. Dalam sijarahnyo, Misionaris dan Ephorus HKBP partamo Ludwig Ingwer Nommensen panah manatap di Sigumpar batahun lamonyo sambia manyebakan agamo Kristen inggo akhia hayaiknyo juo dipusarokan di Sigumpar.
Misionaris Kristen juo bukan hanyo sakadar mantanamokan agamo kapado urang Toba, tapi juo kamajuan sarato kasejahteraan malalui paningkatan pandidikan jo kasihatan. Sairiang bakambang capeknyo panyebaran agamo Kristen malalui HKBP di Tanah Batak utamonyo wilayah Toba, akses pandidikan juo samakin mudah untuak digapai masyarakaik malalui pambangunan sarana pandidikan nan dibangun dek HKBP surang, dek sabab itu inggo kini masih lazim ditamui di wilayah Toba bangunan gareja badampiangan jo bangunan sikolah. Sadang dari sisi kasihatan, Rumah Sakik HKBP Balige marupokan kontribusi Gareja HKBP pado paningkatan kasihatan masyarakaik di Toba.
Agamo tradisional Batak Toba yaitu Parmalim dianuik dek sabagian masyarakaik Batak nan bapusek di Huta Tinggi, Kecamatan Laguboti. Data Badan Pusat Statistik (BPS) Kabupaten Toba taun 2020 mancataik, jumlah panganuik Parmalim sabanyak 3.061 jiwa (1,43%).[1]
Sarana ibadaik
suntiangJumlah rumah ibadah manuruik jinih rumah ibadah pado taun 2019 di Kabupaten Toba sabagai barikuik:[1]
- Gareja Protestan sabanyak 445 bangunan
- Gareja Katolik sabanyak 68 bangunan
- Musajik sabanyak 44 bangunan dan 1 musholah.
| Kecamatan | Musajik | Surau | Gereja Protestan | Gereja Katolik | Kuil | Wihara |
|---|---|---|---|---|---|---|
| Ajibata | 9 | 7 | ||||
| Balige | 7 | 5 | 41 | 3 | ||
| Bonatua Lunasi | 3 | 11 | ||||
| Borbor | 1 | 38 | 1 | |||
| Habinsaran | 2 | 9 | 13 | |||
| Laguboti | 2 | 32 | 3 | |||
| Lumban Julu | 2 | 2 | 26 | 4 | ||
| Nassau | 5 | 21 | 12 | |||
| Parmaksian | 5 | 1 | 15 | 1 | ||
| Pintu Pohan Meranti | 10 | 19 | 3 | |||
| Porsea | 3 | 2 | 11 | 2 | ||
| Siantar Narumonda | 2 | 15 | 2 | |||
| Sigumpar | 22 | |||||
| Silaen | 1 | 10 | 9 | |||
| Tampahan | 5 | 1 | ||||
| Uluan | 34 | 6 | ||||
| Jumlah | 42 | 11 | 318 | 67 |
Tokoh
suntiangBabarapo tokoh tanamo nan barasa dari Kabupaten Toba, yaitu:
- D.I Pandjaitan, Pahlawan Revolusi
- E.W.P Tambunan, mantan Gubernur Sumatera Utara
- Luhut Binsar Panjaitan, tokoh militer, menteri
- T.B. Silalahi, tokoh militer, menteri
- Midian Sirait, akademisi, profesor dan guru besar ITB, mantan Dirjen POM
- Hotman Paris Hutapea, pengacara
- Raden Pardede, ahli ekonomi, Direktur Utama Perusahaan Pengelola Aset Negara
- D.L Sitorus, pengusaha
- Rudolf Pardede, mantan Gubernur Sumatera Utara
- Tumpal Dorianus Pardede, pengusaha
- Donny Fernando Siregar, pemain sepak bola
- Pande Radja Silalahi, ahli ekonomi
- Duma Riris Silalahi, artis
Rujuakan
suntiang- ↑ a b c d e f "Kabupaten Toba Dalam Angka 2021". www.tobasamosirkab.bps.go.id. hlm. 15, 85, 195. Diarsipkan dari versi asli (pdf) tanggal 15 April 2021. Diakses tanggal 15 April 2021. Kutipan rusak: Tanda
<ref>tidak sah; nama "TOBA" didefinisikan berulang dengan isi berbeda - ↑ "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Diakses tanggal 15 April 2021. [pranala nonaktif permanen]
- ↑ "Metode Baru Indeks Pembangunan 2019-2020". www.bps.go.id. Diakses tanggal 15 April 2021.
- ↑ "Kode dan Data Wilayah Administrasi Pemerintahan (Permendagri No.137-2017) - Kementerian Dalam Negeri - Republik Indonesia". www.kemendagri.go.id (dalam bahasa Inggris). Diarsipkan dari versi asli tanggal 2017-04-29. Diakses tanggal 2018-07-09.
- ↑ "archive copy". Diarsipkan dari versi asli tanggal 2021-07-17. Diakses tanggal 2021-07-17.
- ↑ a b "archive copy". Diarsipkan dari versi asli tanggal 2021-03-13. Diakses tanggal 2021-07-17.
- ↑ Kutipan rusak: Tag
<ref>indak sah; indak ado teks untuak ref banamoTOBA1
Pauatan lua
suntiang- Kabupaten Toba Samosir Dalam Angka 2017 Archived 2021-07-17 di Wayback Machine.
- Statistik Daerah Kabupaten Toba Samosir 2017 Archived 2021-07-17 di Wayback Machine.