Ibundo koto kabupaten

(Dialiahkan dari Ibu kota kabupaten)

Ibu kota kabupaten adolah suatu wilayah nan manjadi tampek lataknyo pusek pamarintahan sabuah kabupaten. Suatu kabupaten dapek baribukota di suatu kecamatan atau kota. Pado sabuah ibu kota kabupaten ado Kantua Bupati sarato parangkaik daerah, gaduang DPRD kabupaten, instansi vertikal (instansi pusek di daerah, misanyo Pengadilan Negeri, Kejaksaan Negeri, Mapolres, BPS, BPN), jo infrastruktur pakotaan pado umumnyo.[1]

Sacaro hukum, ibu kota kabupaten bukanlah bagian dari pambagian administratif sabuah kabupaten. Baapun pambagian wilayah administratif dari suatu kabupaten dibagi ka dalam babarapo kecamatan. Wilayah ibu kota kabupaten dapek batampek di ciek kecamatan panuah (sarupo kecamatan Kota Sigli) ibukota kabupaten Pidie. Bisa juo sabagian dari wilayah kecamatan (sarupo Sarilamak, ibu kota Kabupaten Lima Puluh Kota, batampek di sabagian wilayah Kecamatan Harau); atau dapek pulo batampek di labiah dari ciek kecamatan (sarupo Batusangka, ibu kota Kabupaten Tanah Datar, batampek di tigo kecamatan, Kecamatan Limo Kaum, Kecamatan Tanjung Emas, jo Kecamatan Sungai Tarab).

Dalam pakambangannyo, banyak ibu kota kabupaten nan dikambangkan manjadi kota mandiri, nan sacaro hukum tapisah dari kabupaten induak, sarato mampunyoi pamarintahan daerah surang, sarupo walikota atau DPRD tingkek kota. Namun, acokkali pangambangan ko indak salalu diikuti jo pamindahan fasilitas jo gaduang pakantoran pamarintah ka wilayah kabupaten, sainggo kabupaten induak saolah-olah masih mampunyoi ibu kota kabupaten di wilayah lain, nan dalam aturan geografis Indonesia indak dibuliahan. Untuak ka mukonyo, ibu kota kabupaten musti ado di wilayah kabupaten tu surang. Misanyo, di Kabupaten Kediri, banyak fasilitas gaduang pakantoran pamarintah daerah nan ado di lua wilayah kabupaten, yakni masuak dalam wilayah Kota Kediri. Untuak itu, sacaro batahap musti dilakukan pamindahan ibu kota kabupaten baru ka wilayah nan alah ditantukan, yakni di Pare.

Rujuakan suntiang

  1. ""Ibu kota kabupaten" di KBBI". Kamus Besar Bahasa Indonesia. Diarsipkan dari versi asli tanggal 20 December 2016. Diakses tanggal 7 November 2016.