Gokyo Ri
Gokyo Ri (bahaso Nepali, aratinyo Puncak Gokyo) adolah salah satu puncak bakatinggian 5,357 m (17,575 kaki) di wilayah Khumbu di pagunuangan Himalaya Nepal. Lataknyo di sabalah barat gletser Ngozumpa, iyolah gletser tagadang di Nepal jo dipakiroan tagadang di Himalaya kasadonyo.[1] Kampuang Gokyo (4,750 m, 15,583 kaki di ateh pamukoan lauik), talatak di kaki Gokyo Ri, tadiri dari babarapo rumah batu jo tamasuak salah satu pakampuangan tatinggi di dunia. Dari Gokyo Ri dapek dicaliak puncak-puncak gunuang nan bakatinggian 8,000 meter labiah: Gunuang Everest, Lhotse, Makalu, jo Cho Oyu.[2] Danau-danau Gokyo barado juo di wilayah ko.[1]
| Gokyo Ri | |
|---|---|
| Puncak Gokyo | |
 Gokyo Ri | |
| Katinggian | 5,357 m (17,575 ft) |
| Daftar | Daftar gunuang di Nepal |
| Lokasi | |
  Gokyo Ri | |
| Latak | Khumbu, Nepal |
| Jajaran | Pagunuangan Himalaya |
| Koordinat | 27°57′40″N 86°41′00″E / 27.96111°N 86.68333°EKoordinat: 27°57′40″N 86°41′00″E / 27.96111°N 86.68333°E |
Dari Namche Bazaar manuju Gokyo, biasonyo mamakan wakatu tigo ari. Dek karano kamiringannyo nan cukuik tinggi, mangko labiah banyak pandaki nan mangalami sakik katinggian (altitude sickness) di jalua iko daripado jalua ka dasar Gunuang Everest, walau jarak horizontalnyo labiah pendek. Walaupun tigo ari cukuik taraso lamo untuak pandaki nan labiah profesional, namun urang dapek malakuan aklimatisasi nan labiah baiak di babarapo tingkek katinggian, sabalun mancapai kampuang Gokyo.[3]
Jalua Gokyo tamasuak jalua pandakian nan cukuik rami. Jalua ko baakia di Gokyo Ri, di mano para pandaki biasonyo babaliak lai juo manuruni jalua ko ka tampek awalnyo mulai. Tadapek jalua pandakian alternatif dakek ujuang selatan Gletser Ngozumpa jo sabalah selatan Danau Taujun. Jalua alternatif ko manuju timur malalui Cho La, suatu salo gunuang di katinggian 5,420 m (17,782 kaki), nan kudian batamo jo jalua utama Pangkalan Dasa Everest (Everest Base Camp).[1]
Wakatu nan paliang tapek untuak mamulai pandakian iolah pagi buto, karano pado patangahan pagi kabuik mulai muncua. Biasonyo para pandaki mulai barangkek pado saaik muncuanyo cahayo patamo, walaupun langik baawan. Dek itu acok para pandaki dapek labiah dulu mancapai puncak daripado kabuik, sainggo dapek manamui pamandangan nan jaleh jo rancak di ateh galombang awan kabuik. Kok cuaco sadan tarang cahayo labiah elok di wakatu sanjo, daripado pagi. Babarapo pandaki manunggu matoari tabanam di puncak, namun paralu jaket angek jo lampu kapalo untuak pajalanan baliak di wakatu akia sajo wakatu langik mulai kalam.[1]
Indak jauah di sabalah utara jalua utamo Gokyo tadapek ciek lai puncak nan labiah tinggi, banamo Ngozumpa Ri. Tinggi puncak tu 5,483 m (17,989 ft) di ateh pamukoan lauik.[1]
-
Gokyo Ri -
Ngozumpa dicaliak dari puncak Gokyo Ri -
Everest, Lhotse jo Makalu dicaliak dari puncak Gokyo Ri
Panorama
suntiang
Caliak juo
suntiangRujuakan
suntiang- ↑ a b c d e Lonely Planet Trekking in the Nepal Himalaya. Lonely Planet. 4 Desember 2015. ISBN 9781760340056. https://books.google.co.id/books?id=thAvCwAAQBAJ&pg=PT221&dq=gokyo+ri&hl=en&sa=X&ved=0ahUKEwiTivbawPveAhXLMY8KHZ_8CkgQuwUILTAA#v=onepage&q=gokyo%20ri&f=false.
- ↑ https://www.google.com/earth/
- ↑ Bezruchka, Stephen (M.D.); Lyons, Alonzo (2011). Trekking Nepal: A Traveler's Guide. The Mountaineers Books. p. 272. ISBN 9781594854101. https://books.google.co.id/books?id=A1I71swoU1QC&pg=PA275&dq=gokyo+lakes&hl=en&sa=X&ved=0ahUKEwi144OR7_veAhUaSI8KHZvZD8IQuwUIMzAB#v=onepage&q=gokyo%20lakes&f=false.
Pautan lua
suntiang- Gokyo Ri
- "Gokyo Peak trek report". Peak Fever. October 2011. Diakses tanggal 2012-03-15.