Pangkalan Dasa Everest

Pangkalan Dasa Everest (Inggirih: Everest Base Camp) adolah namo nan bapakai dek duo pangkalan dasa (base camp) nan tadapek di sisi lereng nan balawan di Gunuang Everest (sabananyo dapek juo untuak pangkalan dasa di jalua pandakian manopun, tapi nan umum adolah nan di duo jalua utamo nan alah manjadi standar). Pangkalan Dasa Salatan talatak di Nepal pado katinggian 5,364 meters (17,598 ft) (28°0′26″N 86°51′34″E), jo Pangkalan Dasa Utara talatak di Tibet pado katinggian 5,150 meters (16,900 ft) (28°8′29″N 86°51′5″E). Kaduo pangkalan ko bantuaknyo adolah tampek pakemahan sadarano di Gunuang Everest, nan dipagunoan dek para pandaki gunuang kutiko mandaki atau manuruni gunuang. Pangkalan Dasa Salatan dilalui kok mandaki dari arah pagunuangan tenggara, sadang Pangkalan Dasa Utara dilalui kok mandaki dari arah pagunuangan timur lauik.

Khumbutse manjulang di ateh kemah-kemah warna-warni di Pangkalan Dasa Everest, sisi Nepal

Gunuang Everest ditinjau dari Pangkalan Dasa Utara di Tibet

Barang-barang kabutuahan diangkuik ka Pangkalan Dasa Salatan dek para sherpa atau porter nan dibantu jo ewan-ewan, biasonyo yak. Pangkalan Dasa Utara dapek diakses jo kendaraan (saindaknyo salamo musim panas). Para pandaki biasonyo baistirahaik di pangkalan dasa salamo babarapo ari untuak aklimatisasi, untuak mancagah resiko jo kaparahan panyakik katinggian (attitude sickness).

Pangkalan Dasa Salatan di Nepal

Baistirahaik sabanta pado Jalua Pangkalan Dasa Everest, Nepal

Jalua Pangkalan Dasa Everest di sisi selatan marupoan jalua pandakian nan paliang populer di Himalaya jo dikunjuangi dek ribuan pandaki satiok taunnyo. Para pandaki biasonyo tabang dari Kathmandu ka Lukla untuak bahemaik wakatu jo tanago sabalun mamuloi jalua pandakian dari pangkalan dasa ko. Walaupun baitu, pandakian ka Lukla dapek juo dilakuan. Indak ado jalan dari Kathmandu ka Lukla sainggo caro satu-satunyo mambao barang gadang jo barek adolah jo kapa tabang.

Pado taun 2015, tacataik labiah kurang 40,000 urang tiok taun maambiak jalua dari palabuahan udaro Lukla ka Pangkalan Dasa Everest Nepal.

Peta Jalua Pandakian Pangkalan Everest dari sisi Nepal

Dari Lukla, para pandaki naiak manuju tampek asa para Sherpa di Namche Bazaar, 3,440 meters (11,290 ft), maikuik ngarai batang aia Dudh Kosi. Kiro-kiro satala pajalanan duo ari ka sampai ka kampuang ko, nan marupoan pusek parubuangan daerah itu. Biasonyo di titiak iko, para pandaki maambiak saari baistirahaik untuak aklimatisasi. Salanjuiknyo pajalanan mamakan wakatu duo ari lai untuak mancapai Dingboche, 4,260 meters (13,980 ft) sabalun baistirahaik untuak aklimatisasi labiah lanjuik. Kudian duo ari lai dibutuahkan untuak mancapai Pangkalan Dasa Everest malalui Gorakshep, suatu lapangan data di bawah Kala Patthar, 5,545 meters (18,192 ft) jo Gn. Pumori.

Pado tangga 25 April 2015, gampo bumi bakakuatan 7.8 pado skala MMS mangguncang Nepal jo mamicu lonsor di Pumori nan malando Pangkalan Dasa Salatan. Saindaknyo 19 urang disabuikan maningga karanonyo. Ampia duo minggu kudian, pado 12 Mai tajadi gampo kaduo bakakuatan 7.3 M_w.  Babarapo jalua manuju Pangkalan Dasa Everest rusak dek gampo-gampo ko jo paralu dipaeloki.

• 
  Tampek bakemah samintaro di gletser Khumbu, Pangkalan Dasa Everest Selatan, Nepal.
• 
  Pangkalan Dasa Everest Nepal di kida bawah, runtuahan es Khumbu di sabalah suok
• 
  Runtuahan es Khumbu
• 
  Pangkalan Dasa Everest

Pangkalan Dasa Utara di Tibet

Kunjuangan ka Pangkalan Dasa Utara (sisi Cino) maso kini butuah ijin dari pamarentah Cino, salain ijin nan dibutuahan untuak bakunjuang ka Tibet tu surang. Ijin-ijin tu aruih diatua malalui parusaoan pajalanan di Lhasa sabagai paket kunjuangan nan tamasuak manyewa kendaraan, pengemudi, jo pamandu. Pangkalan Dasa Utara dapek dicapai jo kendaran malewati jalan sapanjang 100 km bacabang ka Selatan dari Friendship Highway dakek Shelkar. Dari Pangkalan Dasa, satiok pangunjuang aruih naiak bis nan diatua dek pamarentah untuak mambatasi jumalah lalu lintas pado potongan jalan karikia taakia manuju bukik nan bakatinggian 5,200 meter di ateh pamukoan lauik, indak jauah dari pangkalan pandaki. Dapek juo manampuah jalua ka ateh dari lokasi pangkalan wisata, namun aruih malalui aklimatisasi nan bana. "Pangkalan Dasa wisatawan" tu tadapek kiro-kiro di tangah pajalanan dari Biaro Rongbuk Monastery; nan Pangkalan Dasa pandaki sabananyo lataknyo di kaki gletser Rongbuk.

• 
  Jalan karikia manuju Pangkalan Dasa Everest Utara satalah maninggakan Friendship Highway, Tibet, jo pamandangan dakek patamo ka Gn. Everest
• 
  Kampuang pakemahan nan didirian untuak para pangunjuang di Pangkalan Dasa Everest, Tibet. Tampek ko adolah nan tajauah nan dapek dicapai jo oto paribadi. Gunuang Everest dapek dicaliak di lata balakang.
• 
  Kadai teh di Pangkalan Dasa Everest Utara. Gunuang Everest tabantang di lata balakangnyo.
• 
  Bagian dalam kadai teh/hotel di Pangkalan Dasa Everest, Tibet
• 
  Pamandangan Pangkalan Dasa Everest Utara (sisi Tibet) ka arah barat, 3 Agustus 2002. Bangunan permanen di kida adolah untuak para pandaki gunuang, bangunan di tangah kida untuak kakus, samintaro bangunan kayu batutuik plastik terpal di bawah jo suok adolah untuak para pangunjuang (turis) jo pandukuang lainnyo.
• 
  Kemah para pandaki di daerah kusuih, di lua dari daerah nan tabukak untuak para pangunjuang lainnyo.
• 
  Kemah-kemah nan taliek pado pagunuangan sabalah timur lauik, dipandang dari pakampuangan kemah utara, Tibet, pado 20 Mai 2011.

Caliak pulo

Pamandangan wilayah Everest dalam pajalanan manuju Pangkalan Dasa Everest, Nepal

Panduan perjalanan jalua pandakian Pangkalan Dasa Everest dari Wikivoyage

• Gorakshep
• Kala Patthar
• Namche Bazaar

Pautan lua

• Map: Everest Base Camp Map
• Guide: Everest Base Camp Trek Guide

• Mt. Pumori EBC Panorama
• Video: Avalanche hitting Everest Base Camp
• Altitude Profile of Everest Base camp trek Archived 2018-07-11 di Wayback Machine.
• GPS coordinates of EBC trek and description of the EBC trek Archived 2016-11-10 di Wayback Machine.