Cho La (Nepal)
Cho La adolah salo gunuang nan bakatinggian 5,420 meters (17,782 ft) di ateh pamukoan lauik nan tadapek di Distrik Solukhumbu di sabalah barat lauik Nepal. Salo gunuang ko maubuangan antaro kampuang Dzongla 4,830 meters (15,850 ft) di sabalah timur jo kampuang Thagnak 4,700 meters (15,400 ft) di sabalah barat.
| Cho La | |
|---|---|
 Cho La, pamandangan dari arah timur | |
| Katinggian | 5,420 m (17,780 ft) |
| Lokasi | |
| Latak | Distrik Solukhumbu, Nepal |
| Jajaran | Himalaya |
Pariwisata
suntiangSalo gunuang ko tadapek di jalua Gokyo di wilayah Khumbu Everest. Ka sabalah barat jalua balanjuik ka danau-danau Gokyo, malinteh gletser Ngozumpa dalam pajalanannyo. Ka sabalah timur jalua ka bagabuang jo lintasan manuju Pangkalan Dasa Everest (Everest Base Camp).[1]
Salo buliah jadi sacaro pisik cukuik manuntuik stamina jo mungkin paralu mamakai sipatu gunuang kusuih (krampon) salamo malinteh di ateh gletser nan licin. Tapi gletser umumnyo indak stabil.
Kaamanan
suntiangSelo Cho La dapek juo dilintasi walau indak mamakai pamandu jo krampon, namun paralu malakuan riset sabalunnyo. Biasonyo pandakian dimuloi pagi-pagi (sakita jam 5) supayo dapek malinteh sabalun tangah ari jo manilai cuaco, untuak taruih mandaki atau indak. Salju dapek maalangi jalua malinteh gletser jo maapauih jajak kaki, kok urang mandaki indak basamo pamandu. Batu-batu lonsor adolah bahayo lain nan paralu diparatian, bahkan walau cuaco indak buruak.
Jalua umumnyo dimuloi dari Dzongla ka Thagnak dek iko adolah pandakian nan labiah mudah. Kabanyakan peta ka mempaliekan gletser barado di sabalah suok. Sabaliaknyo ko malinteh dari Thagnak ka Dzongla, gletser ka barado tapek di sabalah timur jo dapek tatutuik dek salju. Jalua iko labiah susah bahkan untuak pandaki nan bugar dek kamiriangn lerengnyo nan tinggi jo kamungkinan batu-batu lonsor jo gadang sarato es nan licin.
Para pandaki nan indak bapangalaman maadoki licinnyo jalua nan disabaukan dek salju nan baru turun, paralu mampatimbangkan untuak maindari untuak liwaik jalua selo gunuang ko. Salju nan baru turun sangaik maningkekan kasulitan, sarato mambuek palintasan dakek puncak jadi parah jo licin, bahkan untuak nan pandaki bapangalaman. Pado musim gugua taun 1982, turunnyo saljo maakibaikan saindaknyo limo kalompok mangalami radang dingin (frostbite), di ma babarapo pandaki sampai manjadi cidera permanen.[2]
Urang acok maota di rumah-rumah minum teh tantang kamatian nan tajadi di Selo Cho La, namun saketek bana informasi ko dapek ditamuan di internet. Pado April 2017, dilaporkan duo urang maningga katiko malinteh di Selo Cho La jo ado satu urang (Australia) nan masih ilang.
- Cho La (Nepal)
-
-
-
-
Rujuakan
suntiang- ↑ Armington, Stan (2001). Trekking in the Nepal Himalaya. Lonely Planet. pp. 480. ISBN 978-1864502312.
- ↑ M.D, Stephen Bezruchka; Lyons, Alonzo (2011-06-01) (dalam bahaso en). Trekking Nepal: A Traveler's Guide. The Mountaineers Books. pp. 270. ISBN 9781594854101. https://books.google.co.id/books?id=A1I71swoU1QC&pg=PA270&dq=cho+la+nepal&hl=id&sa=X&ved=0ahUKEwjXvtSU983eAhWBv48KHV0WAeIQuwUINzAB#v=onepage&q=cho%20la%20nepal&f=false.
Pautan lua
suntiang- Imagery of Cho La pass and on-top glacier Archived 2018-11-10 di Wayback Machine.