Gunuang Everest

Gunuang Everest (bahaso Inggirih: Mount Everest) adolah gunuang paliang tinggi di dunia (jikok diukua dari pamukaan lauik). Rabung puncaknyo manandoan bateh antaro Nepal jo Tibet; puncaknyo ado di Tibet. Di Nepal, gunuang iko disabuik Sagarmatha (सगरमाथा, bahaso Sanskerta untuak "Kapalo Langik") dan dalam bahaso Tibet Chomolangma atau Qomolangma ("Bunda Semesta"), dilafalkan dalam bahaso Tionghoa 珠穆朗瑪峰 (pinyin: Zhūmùlǎngmǎ Fēng).

Gunung Everest
Mount Everest सगरमाथा (Sagarmāthā) ཇོ་མོ་གླང་མ (Chomolungma) 珠穆朗玛峰 (Zhūmùlǎngmǎ Fēng)
Gunung Everest dilihat dari plato Tibet
Katinggian	8,848 m (29,029 ft) Peringkat pertama
Puncak	8,848 m (29,029 ft)
Lokasi
G. Everest Lokasi di Zona Sagarmatha, Nepal-Tibet, perbatasan Tiongkok
Latak	Solukhumbu, Zona Sagarmatha, Nepal; Tingri County, Xigazê, Daerah Autonomous Tibet, Tiongkok
Jajaran	Mahalangur Himal, Himalayas
Pandakian
Pandakian patamo	29 Mei 1953 Edmund Hillary dan Tenzing Norgay
Rute mudah	South Col (Nepal)

Gunuang iko punyo namo dalam bahasa Inggrisnyo dari namo Sir George Everest. Namo iko diagiah dek Sir Andrew Waugh, surveyor-general India bakabangsoan Inggris, penerus Everest. Puncak Everest marupoan salah satu dari tujuah puncak di dunia.

Ukuran

Radhanath Sikdar, juru ukua jo pakar matematika dari Bengal, marupoan urang pertamo nan manyatoan Puncak Everest sabagai puncak paliang tinggi dari paritungan trigonometrik pado 1852. Paritungann iko dilakukan manggunoan teodolit dari jarak 150 mil jauhnyo di India. Sebagian rakyaik India picayo baso puncak iko mustinyo dinamoan manuruik Sikdar, bukan Everest.

Gunuang iko punyo tinggi kiro-kiro 8.850 m; walaupun ado variasi dari segi ukuran (baik pamarintah Nepal maupun Tiongkok alum mangesahan ukuran iko sacaro resmi, katinggian Puncak Everest masih dianggap 8.848 m dek mereka). Gunuang Everest patamo kali diukua pado taun 1856 punyo tinggi 8.839 meter, tapi dinyatoan jo 8.840 m (29.002 kaki). Tambahan 0,6 meter (2 kaki) manunjuakan baso pado maso itu katinggian nan tapek sabesar 29.000 kaki akan dianggap sabagai pakiroan nan dibulatkan. Pakiroan umum nan digunoan pado saat iko adolah 8.850 meter nan didapek malalui bacaan Sistem Posisi Global (GPS). Gunuang Himalaya masih taruih batambah tinggi dek bergeraknyo lempeng tektonik di kawasan itu.

Gunuang Everest adolah gunuang nan puncaknyo mancapai jarak nan paliang jauah dari paras lauik. Duo gunuang lain nan kadang-kadang juo disabuik sabagai "gunuang tatinggi di dunia" adolah Mauna Loa di Hawaii, nan palian tinggi jikok diukua dari dasarnyo pado dasar tangah lauik, tapi hanyo mancapai katinggian 4.170 meter di ateh paras lauik jo Gunuang Chimborazo di Ekuador, nan puncaknyo 2.150 meter paliang tinggi dari pusek bumi dibandiangan Gunuang Everest, karano Bumi mangambuang di kawasan khatulistiwa. Chimborazo hanyo mancapai katinggian 6.272 meter di ateh paras lauik, sahinggo bahkan bukan marupoan puncak paliang tinggi di Andes.

Dasar paliang dalam di lauik labiah dalam dibandiangan katinggian Everest: Challenger Deep, talatak di Palung Mariana, baitu dalam hinggo seandainyo gunuang Himalaya dilatakan di dalamnyo, masih ado hampia 1,6 km aia nan manutuiknyo.

Caliak Pulo

• Himalaya
• Ojos del Salado

Pranala lua

• (Inggirih) EverestHistory.com, Alur waktu Gunung Everest
• (Inggirih) MountEverest.net Archived 2007-01-07 di Wayback Machine.
• (Inggirih) Halaman National Geographic tentang Everest
• (Indonesia) Everest News