Wikipedia

Andjar Asmara

Jurnalis nan barasa dari Indonesia

Abisin Abbas (lahia di Alahan Panjang, Sumatra Barat, Hindia Belanda, 26 Februari 1902 – maningga di Cipanas, Cianjur, Jawa Barat, Indonesia, 20 Oktober 1961 pado umua 59 taun), labiah tanamo jo namo samaran Andjar Asmara, marupakan panulih drama jo sutradara film nan talibaik dalam pafilman di Hindia Bulando. Lahia di Alahan Panjang, Sumatra Barat, inyo mandapekan karajo di Batavia (kini Jakarta). Inyo kamudian pindah ka Padang kamudian manjadi panulih drama untuak Padangsche Opera; di situ inyo mangambangkan sabuah gaya drama nan mangutamokan dialog. Sapulang nyo ka Batavia pado tahun 1929, Andjar maabihan wakatu tigo tahun sabagai kritikus film jo teater. Pado tahun 1930, inyo bagabuang jo kalompok drama Dardanella sabagai panulih, sampai akhianyo mereka pai ka India untuak mamfilmkan karya drama Andjar banamo Dr Samsi.

Andjar Asmara
Andjar, 1930
Lahia
Abisin Abbas

26 Februari 1902
Bendera Balando Alahan Panjang, Sumatra Barat, Hindia Belanda
Maningga20 Oktober 1961 (umua 59)
Bendera Indonesia Cipanas, Cianjur, Jawa Barat, Indonesia
KabangsaanIndonesia
Dikana dekJurnalisme, karya drama, film

Kahidupan awal jo teater suntiang

Andjar dilahiakan jo namo Abisin Abbas di Alahan Panjang, Sumatra Barat, pado tanggal 26 Februari 1902. Inyo suko jo dunia sandiwara katiko masih mudo sasudah manonton sabuah pamentasan dari kelompok stambul Wayang Kassim jo Juliana Opera.[1][2] Basamo kawan-kawannyo, Andjar baraja caro pamentasan jo icak-icak mamainkan peran nan ditonton malam sabalumnyo.[3] Sasudah manyalasaikan pandidikannyo di tingkat Meer Uitgebreid Lager Onderwijs (samo jo SMP kini), - partamo di sakolah babahasa Malayu kamudian di sakolah Bulando[4] – inyo bapindah ka Batavia (kini Jakarta jo bakarajo sabagai wartawan freelance pado Bintang Timoer jo Bintang Hindia; inyo pernah bakarajo di pakabunan pulo.[3][5]

Kiro-kiro tahun 1925, indak pueh jo hasianyo di Batavia, Andjar pai ka Padang sarato manjadi wartawan untuak harian Sinar Soematera sakaligus manjadi panulih untuak kalompok sandiwara Padangsche Opera.[1][6] Gaya tulisan Andjar labiah alami dibandiang jinih sandiwara kontemporer, takah bangsawan jo stambul, sabab inyo manggunokan dialog sabagai bahan pokok dari drama itu jo indak nyanyian;[3] gaya Andjar iko disabuik jo namo tonil, nan barasa dari kato dalam bahasa Belanda.[2] Babarapo karya nan inyo tulih untuak Padangsche Opera adolah adaptasi dari Melati van Agam, itu adolah roman nan ditulih dek Swan Pen pado tahun 1923,[lower-alpha 1][3][7] sarato Sitti Nurbaya, nan ditulih pado tahun 1923 dek Marah Roesli.[2] Sandiwara-sandiwara iko ditarima di lingkungan masarakaik.[3]

Pado akhia dekade 1920-an, sasudah mahabihan wakatu duo tahun di Medan sabagai wartawan untuak Sinar Soematra,[8] Andjar baliak ka Batavia. Pado tahun 1929 inyo mandirikan majalah Doenia Film; majalah iko marupokan versi bahaso Melayu dari majalah babahaso Bulando Filmland sarato di isi jo tulisan manganai teater jo film domestik. [1][9] Pado maso itu , sinema di Hindia Bulando baru mulai muncua: film lokal partamo, Loetoeng Kasaroeng, dibuek pado tahun 1926, jo ampek film lain dibuek pado tahun 1927 jo 1928.[10] Andjar banyak manulih tantang karya teater jo film lokal. Manuruik kritikus film Indonesia Salim Said, Andjar manjadi panasihat untuak pamasaran film Njai Dasima pado tahun 1929; pamasaran itu manegaskan bahsonyo pamain Njai Dasima kasadonyo adolah urang pribumi.[lower-alpha 2][11] Pado tahun 1930 Andjar maninggakan Doenia Film sarato posisinyo sabagai redaktur digantikan dek Bachtiar Effendi.[12]

Andjar manjadi panulih untuak kalompok sandiwara Dardanella pado bulan November 1930, bakarajo di bawah pandiri kalompok itu Willy A. Piedro; inyo bagabuang jo mereka karano baranggapan bahsonyo Dardanella mangutamokan kesenian jo indak pitih. Basamo kalompok sandiwara tu, Andjar manerbitkan babagai naskah drama jo manulis babarapo lai, tamasuak Dr Samsi jo Singa Minangkabau, khusus untuak Dardanella.[3][12] Dalam pariode iko inyo juo manjadi kritikus teater jo manulih babarapo karangan tantang sijarah teater Indonesia.[13] Pado tahun 1936, Andjar pai ka India basamo jo Dardanella untuak mambuek film badasarkan naskah Dr Samsi, nan mancaritokan dotor nan diperas pitihnyo katiko asistennyo mangatahui bahso dotor tu punyo anak haram.[14][15] Namun, film tu indak jadi dibuek sarato Andjar maninggakan India basamo jo bininyo Ratna.[16][17]

Filmografi suntiang

 
Poster Kartinah, film partamo Andjar

Rujuakan suntiang

  1. ↑ a b c Said 1982, hlm. 136–137.
  2. ↑ a b c Cohen 2003, hlm. 215–216.
  3. ↑ a b c d e f TIM, Andjar Asmara.
  4. ↑ Eneste 2001, hlm. 23.
  5. ↑ I.N. 1981, hlm. 212.
  6. ↑ Filmindonesia.or.id, Dr Samsi.
  7. ↑ Biran 2009, hlm. 99, 108.
  8. ↑ I.N. 1981, hlm. 214.
  9. ↑ Biran 2009, hlm. 43–44.
  10. ↑ Biran 2009, hlm. 379.
  11. ↑ Said 1982, hlm. 20.
  12. ↑ a b Biran 2009, hlm. 6, 14, 20.
  13. ↑ Cohen 2006, hlm. 347, 402.
  14. ↑ Said 1982, hlm. 136–138.
  15. ↑ Biran 2009, hlm. 23.
  16. ↑ Biran 2009, hlm. 25.
  17. ↑ JCG, Dardanella.

Daptar pustaka suntiang

  • Said, Salim (1982). Profil Dunia Film Indonesia. Jakarta: Grafiti Pers. OCLC 9507803. 
  • "Dardanella". Ensiklopedi Jakarta (dalam bahasa Inggris). Pemerintah Kota Jakarta. Diarsipkan dari versi asli tanggal 2012-09-04. 
  • Eneste, Pamusuk (2001) (dalam bahaso Indonesian). Buku Pintar Sastra Indonesia [Handbook of Indonesian Literature] (edisi ke-3rd). Jakarta: Kompas. ISBN 978-979-9251-78-7. 


Kutipan rusak: Tag <ref> ado untuak grup banamo "lower-alpha", tapi indak ado <references group="lower-alpha"/>

Diambiak dari "https://min.wikipedia.org/w/index.php?title=Andjar_Asmara&oldid=2442021"