Marah Roesli
Marah Roesli atau acok kali dieja Marah Rusli (lahia di Padang, Sumatera Barat, 7 Agustus 1889 – maningga di Bandung, Jawa Barat, 17 Januari 1968 pado umua 78 taun) adolah sastrawan Indonesia angkatan Balai Pustaka. Katerkenalanny karano karyanyo Siti Nurbaya (roman) nan ditabikkan pado taun 1920 sangaik banyak dibicarokan urang, bahkan sampai kini. Siti Nurbaya talah malagenda, padusi nan tapaso kawin karano kaadaan ekonomi urang tuanyo, jo lalaki nan indak diinginkannyo
| Marah Roesli | |
|---|---|
 Marah Roesli, tahun 1954 | |
| Namo lahia | Marah Roesli |
| Lahia | 7 Agustus 1889 Padang, Sumatera Barat |
| Maningga | 17 Januari 1968 (umua 78) Bandung, Jawa Barat |
| Karajo | Dokter hewan, Sastrawan |
| Anak | Roeshan Roesli |
Riwayat suntiang
Marah Rusli, sang sastrawan tu, banamo langkok Marah Rusli bin Abu Bakar. Inyo dilahiekan di Padang pado tanggal 7 Agustus 1889. Ayahnyo, Sultan Abu Bakar, adolah saurang bangsawan Pagaruyuang jo gala Sultan Pangeran, sadangkan ibunyo badarah Jawo, katurunan Sentot Alibasyah, saurang panglima parang Pangeran Diponegoro[1] nan ditugehkan dek Belanda ka Minangkabau untuak manghadapi parang Padri, namun kamudian inyo mambelot jo mambantu pajuangan rakyat Minangkabau malawan kolonialis Belanda.
Ayahnya bakarajo sabagai demang. Marah Rusli mengawini gadis Sunda kelahiran Buitenzorg (kini Bogor) pado taun 1911. Mereka dikaruniai tigo urang anak, duo urang laki-laki dan saurang padusi . Perkawinan Marah Rusli jo gadis Sunda bukanlah perkawinan nan diinginkan dek urang tua Marah Rusli, tetapi Marah Rusli kokoh pado sikapnya, dan inyo tatok mampartahankan perkawinannya.
Walau labiah takana sabagai sastrawan, Marah Rusli sabananyo adolah dokter hewan. Babedo jo Taufiq Ismail jo Asrul Sani nan memang bana-bana maninggakan profesinyo sabagai dokter hewan karano mamiliah manjadi panyair, Marah Rusli tatap manakuni profesinyo sabagai dokter hewan hinggo pensiun pado taun 1952 jo jabatan tarakhir Dokter Hewan Kapalo. Kasukaan Marah Rusli tahadok kasusastraan alah tumbuah sajak inyo masih ketek. Inyo sangaik sanang mandangakan carito-carito dari tukang kaba, tukang dongeng di Sumatera Barat nan bakaliliang kampuang manjua caritonyo, jo mambaco buku-buku sastra. Marah Rusli maningga dunia pado tanggal 17 Januari 1968 di Banduang dan dimakamkan di Bogor, Jawa Barat.
Kiprah suntiang
Dalam sajarah sastra Indonesia, Marah Rusli tacataik sabagai pangarang roman nan patamo dan dibari gala dek H.B. Jassin sabagai Bapak Roman Modern Indonesia. Sabalun muncul bantuak roman di Indonesia, bantuak prosa nan biasonyo digunokan adolah hikayaik.
Marah Rusli bapandidiakan tinggi dan buku-buku bacaannyo banyak nan barasa dari Barat nan manggambarkan kamajuan zaman. Inyo kamudian malihaik bahwa adaik nan malingkupinyo indak sasuai lai jo pakambangan zaman. Hal tu malahiekan pamberontakan dalam hatinyo nan dituangkannyo ka dalam karyanyo, Siti Nurbaya. Inyo ingin malapehkan masarakaiknyo dari belenggu adaik nan indak mambari kasampatan bagi nan mudo untuak manyatokan pandapaik atau kainginannyo.
Dalam Siti Nurbaya,alah dilatakkan landasan pamikiran nan mangarah pado emansipasi wanita. Carita tu mambuek wanita mulai mamikiekan akan hak-haknyo, apokah inyo hanyo manyarah karano tuntutan adaik (dan takanan urang tuo) ataukah inyo harus mampartahankan nan diinginkannyo. Caritonyo manggugah jo maninggakan kasan nan mandalam kapado pambaconyo. Kasan tulah nan taruih malakaik sampai sampai kini. Satalah labiah salapan puluah taun novel itu dilahiekan, Siti Nurbaya tatap diingaik dan dibicarokan.
Salain Siti Nurbaya, Marah Rusli pulo manulih babarapo roman lainnyo. Akan tatapi, Siti Nurbaya itulah nan tabaik. Roman tu mandapaik hadiah taunan dalam bidang sastra dari Pamerentah Republik Indonesia pado taun 1969 dan ditajamahkan ka dalam bahasa Rusia[2].
Bibliografi suntiang
- Siti Nurbaya. Jakarta : Balai Pustaka. 1920 mandapek hadiah dari Pamarentah RI taun 1969.
- Lasmi. Jakarta : Balai Pustaka. 1924.
- Anak dan Kemenakan. Jakarta : Balai Pustaka. 1956.
- Memang Jodoh (naskah roman dan otobiografis)
- Tesna Zahera (naskah Roman)
Tajamahannya: Gadis nan Malang (novel Charles Dickens, 1922).
Catatan kaki suntiang
- ↑ "Seniman Sastra; Marah Rusli"[pranala nonaktif permanen] Situs TIM. Diakses 18 September 2015.
- ↑ Roesli, Marah. dlm: Погадаев, В. Малайский мир (Бруней, Индонезия, Малайзия, Сингапур). Лингвострановедческий словарь. М.:"Восточная книга", 2012, с. 553-554 [Pogadaev, V.A. Malay World (Brunei, Indonesia, Malaysia, Singapore). Lingua-Cultural Dictionary. Moscow: "Vostochnaya Kniga", 2012, p. 553-554]
Trivia suntiang
- Marah Roesli adolah kakek dari Harry Roesli, pemusik kontemporer Indonesia