Amerika Tangah

Amerika Tangah adolah kawasan di Amerika Utara bagian selatan, mancakupi wilayah di sabalah selatan Taluak Meksiko hinggo pabatasan antaro Panama jo Kolombia. Badasaran definisi lazim, kawasan iko maliputi nagaro-nagaro di antaro Meksiko jo Kolombia:

• Belize
• El Salvador
• Guatemala
• Honduras
• Kosta Rika
• Nikaragua
• Panama

Peta Amerika Tangah

Manuruik pengertian geografis, Amerika Tangah dapek juo digolongkan sabagai sabuah tanah gantiang gadang, maliputi babarapo nagaro bagian Meksiko nan taletak di sabalah timur Tanah Gantiang Tehuantepec.

Geografi

Amerika Tangah manampeki wilayah salaweh 540.000 km² nan diapik dek Samudra Pasifik jo Lauik Karibia di sisi barat jo timua.

Aktivitas geologi misalnyo latuihan gunuang jo gampo bumi di kawasan iko relatif tinggi. Pado 1931 jo 1972, kajadian-kajadian gampo bumi mamorak-porandakan Managua, ibu kota Nikaragua. Tanah subua bakeh aliran lava mandorong aktivitas patanian di daerah pagunuangan. Kawasan iko talatak di Lempeng Karibia.

Amerika Tangah marupoan kawasan tasampik di Banua Amerika, tautama di Tarusan Panama jo Tarusan Nikaragua, sabuah tarusan nan rencananyo ka dibangun.

Sijarah

Pado awal abad ka-19, ado sabuah nagaro banamo Provinsi Amerika Tangah Basatu. Wilayahnyo maliputi Guatemala, Honduras, El Salvador, Nikaragua, jo Kosta Rika saat iko.