Kosta Rika
Kosta Rika (sacaro harfiah "Pasisia Kayo") atau sacaro rasmi Republik Kosta Rika (Spanyol: República de Costa Rica), adolah sabuah nagara di kawasan Amerika Tangah-Utara, nan babatehan jo Nikaragua di utara, Lauik Karibia di timur lauik, Panama di tenggara, Samudra Pasifik di barat daya jo babatehan maritim samo Ekuador di selatan Pulau Cocos. Nagara ko bagian dari Lempeng Mikro Panama, nan mangarik lambek ka utara relatif ka Lempeng Karibia nan stabil.[1][2]
Politik Kosta Rika balansuang dalam karangko republik demokrasi perwakilan presidensial, jo sistem multipartai. Kuaso eksekutif dijalankan dek Presiden sabagai kapalo nagara jo kapalo pamarentahan basamo kabinetnyo. Kuaso legislatif dipacik dek Dewan Perwakilan Rakyat nan dipiliah untuak maso jabatan ampek tahun, baitu pulo presiden. Kuaso yudikatif bajalan independen dari eksekutif jo legislatif tapi tatap talibaik dalam proses politik. Kosta Rika adolah sabuah republik jo sistem pengawasan jo kaseimbangan konstitusional nan kuaik.[3] The Economist Intelligence Unit manilai Kosta Rika sabagai "demokrasi panuah" pado tahun 2022.[4]
Pado tahun 2022, panduduak nagara ko dipakirokan bajumlah 5.204.411 jiwa,[5] sadangkan sensus 2011 mahituang panduduak 4,3 juta jiwa[6] nan taseba diantaro kalompok-kalompok barikuik: 83,6% bakulik putiah atau mestizo, 6,7% mulatto, 2,4% panduduak asli Amerika, 1,1% bakulik hitam atau Afro-Karibia; sarato 1,1% lainnyo, 2,9% indak ado jo 2,2% indak ditantuan.[7] Pado tahun 2016, pakiroan PBB untuk panduduaknyo adolah 5,2 juta jiwa.[8][9]
Rujukan
suntiang- ↑ Defant, M. J.; Jackson, T. E.; Drummond, M. S.; De Boer, J. Z.; Bellon, H.; Feigenson, M. D.; Maury, R. C.; Stewart, R. H. (1992). "The geochemistry of young volcanism throughout western Panama and southeastern Costa Rica: An overview". Journal of the Geological Society. 149 (4): 569–579. doi:10.1144/gsjgs.149.4.0569.
- ↑ Kellogg, James N; Vega, Victor (1995). "Tectonic Development of Panama, Costa Rica, and the Colombian Andes: Constraints from Global Positioning System Geodetic Studies and Gravity". di dalam Mann, Paul. Geologic and Tectonic Development of the Caribbean Plate Boundary in Southern Central America. pp. 75–90. ISBN 9780813722955. https://scholarcommons.sc.edu/geol_facpub/3/.
- ↑ "hup.sub.uni-hamburg.de".
- ↑ Democracy Index 2022: Frontline democracy and the battle for Ukraine Economist Intelligence Unit
- ↑ "Explore all countries–Costa Rica". World Fact Book. Diakses tanggal 24 Oktober 2022.
- ↑ "Costa Rica Population Statistics - CostaRicaLaw.com". 30 September 2016. Diarsipkan dari versi asli tanggal 6 August 2017. Diakses tanggal 18 June 2023.
- ↑ "Live Costa Rica Population Clock 2017 – Population of Costa Rica Today". www.livepopulation.com.
- ↑ ""World Population prospects – Population Division"". population.un.org (dalam bahasa Inggris). Departemen Urusan Ekonomi dan Sosial Perserikatan Bangsa-Bangsa, Divisi Kependudukan. 2019. Diakses tanggal 9 November 2019.
- ↑ ""Overall total population" – World Population Prospects: The 2019 Revision" (xslx). population.un.org (Data khusus yang diperoleh melalui situs web) (dalam bahasa Inggris). Departemen Urusan Ekonomi dan Sosial Perserikatan Bangsa-Bangsa, Divisi Kependudukan. 2019. Diakses tanggal 9 November 2019.