Zheng He

Zheng He atau Cheng Ho, (1371 - 1433; Hanzi tradisional:鄭和, Hanzi sederhana: 郑和, Hanyu Pinyin: Zhèng Hé, Wade-Giles: Cheng Ho; namo Arab: حجّي محمود شمس Haji Mahmud Shams) iyolah saurang palauik jo panjalajah Cino nan paliang tanamo dalam riwayaik 4000 taun Cino. Juo digala Mah Sam Po (Pinyin: mǎ sān bǎo), baliau mamimpin armada Cino sabanyaik tujuah kali ka 30 buah nagara di sadonyo di alam Melayu atau Nusantara, Asia Selatan, Timua Tangah, jo juo banua Afrika, ampia ciek abaik sabalun Christopher Columbus tibo di Amerika. Palayarannyo alah dirakam dalam karya Sida-sida Sanbao ka Lautan Barat (三保太監下西洋) atau "Zheng He ka Lautan Barat".

Patuang Zheng He di Malaka.

Riwayaik iduik

Zheng He dilahiaan jo namo Ma He di Yunnan, sabuah propinsi Mongol katika tu nan talatak babarapo minggu pajalanan dari palabuahan nan tadakek, Zheng He marupoan urang Cino katurunan Hui nan barasa dari Asia Tangah. Anak saurang pagawai di lua banda, baliau ditangkok dek tantara Cino nan lah marampeh kuaso dari Dinasti Mongol pado taun 1382. Baliau diaja manjadi sida-sida (urang nan dikebiri) kekaisaran Cino jo ditugehan ka istano Zhu Di, anak rajo Yan nan pandai baparang.

Dalam wakatu 20 taun, Zheng He alah manjadi salah satu pambantu utamo anak rajo Yan, sarato juo manjadi ahli strategi utamo dalam pambarontakan nan manyabaukan Zhu Di (dengan gala Maharaja ("Rajo Gadang") Yongle nan caro harfiah bamukasuik "Maharaja Kabahagiaan Abadi") manjadi maharaja Dinasti Ming nan katigo pado taun 1402. Baliau dibari namo "Zheng" dek Maharaja sasudah kamanangan dalam paparangan di Zenglunba nan talatak dakek jo Beijing. Sudah tu baliau diangkek manjadi pamimpin salah sabuah angkatan tantara lauik nan paliang kuaik di dunia katiko tu. Misinyo manjadi bukti panguruihan jo teknologi nan rancak dan istimewa, tapi indak mambao dagang nan gadang. Iko disabaukan Zheng He saurang laksamana jo indak urang dagang.