Yozar Anwar
Yozar Anwar (laia di Sungai Panuah, Kurinci, Hindia Balando, 17 Oktober 1940 - maningga di Jakarta, 1999 pado umua 59 taun) adolah surang pamimpin panggiat mahasiswa Indonesia pado taun 1966 nan kudian bakarir sabagai wartawan jo panulih buku. Jabatan tarakhia nan dijalaninyo adolah General Manager (GM) parusahoan majalah Pertiwi.
| Biografi | |
|---|---|
| Lahia | 17 Oktober 1940  |
| Kamatian | 1999 (58/59 tahun (id) terjemahkan) Daerah Kusuih Ibukota Jakarta |
| Kalompok etnis | Urang Minangkabau |
| Kagiatan | |
| Karajo | Wartawan |
Sambia manimbo ilmu di Amerika Serikat di awal taun 1960-an, Yozar giat manulih nan dimuek di harian Sinar Harapan nan tabik di Jakarta katiko itu. Pado maso revolusi 1965 Yozar tamasuak salah surang pimpinan mahasiswa demonstran. Yozar pernah manjadi salah surang katua Presidium Kesatuan Aksi Mahasiswa Indonesia (KAMI). Catatan hariannyo di maso revolusi tu, "Revolusi Mahasiswa" kudian ditajamahan kadalam bahaso Balando dek surang panulih, Beb Vuyk.[1]
Karier profesionalnyo sabagai wartawan bamulo pado taun 1969 katiko Yozar manjadi wartawan di harian Pedoman. Katiko harian itu dibreidel panguaso Orde Baru, Yozar pindah ka majalah Kartini. Yozar sempat pindah ka majalah Sarinah sabalun ka majalah Pertiwi lalu kudian manjadi General Manager (GM) parusahoan majalah tu. Yozar Anwar-pun manulih novel jo babarapo buku, diantaronyo novel Cinta Pop di Hawaii sarato buku Protes Kaum Muda, Pergolakan Mahasiswa Abad ke-20 sarato babarapo buku lainnyo. [2]
Kaluarga suntiang
Yozar marupoan anak bungsu dari duobaleh urang basudaro nan kudian tingga sapuluah urang karano duo urang diantaronyo maningga katiko masih bayi.[3] Yozar adolah anak dari surang Damang Kurinci jo Padang pado maso kolonial, Anwar gala Maharajo Sutan jo ibu nan banamo Siti Safiah. Kaduo urangtuonyo barasa dari Sumatera Barat. Babarapo urang kakaknyo manjadi tokoh nan dikana masyarakaik pulo, iyolah Johnny Anwar, surang polisi nan pernah manjabat Panglimo Angkatan Kapolisian (Pangak) XVIII Sulawesi Salatan-Tanggara, Rosihan Anwar, surang tokoh wartawan sarato pandiri koran Pedoman, Junisaf Anwar, surang wartawan pulo nan pernah manjabat sabagai Pamimpin Redaksi Kantua Barito Antara, sarato Roesman Anwar, surang profesional nan pernah manjabat sabagai Direktur Utama Pelni.[4]
Rujuak-an suntiang
- ↑ Yozar Anwar Archived 2013-02-12 di Wayback Machine. Portal Resmi Provinsi DKI Jakarta. Diakses 8 Mei 2013.
- ↑ Angkatan 66: sebuah catatan harian, Yozar Anwar PustakaBersama. Diakses 8 Mei 2013.
- ↑ Keluarga Anwar gelar Maharaja Sutan Rosihan Anwar, Sejarah kecil "petite histoire" Indonesia, Volume 4, Penerbit Buku Kompas. Diakses 8 Mei 2013.
- ↑ Keluarga Anwar gelar Maharaja Sutan Rosihan Anwar, Napak tilas ke Belanda: 60 tahun perjalanan wartawan KMB 1949. Diakses 8 Mei 2013.
