Brigjen Pol. (Purn.) Johnny Anwar (laia taun 1918 - maningga taun 1976 pado umua 58 taun) adolah surang parwira polisi sarato pajuang kamardekaan Indonesia nan pernah manjabat Kapalo Polisi Kota Padang dimaso revolusi kamardekaan Indonesia pado taun 1946 sarato Panglimo Angkatan Kapolisian (Pangak) XVIII Sulawesi Salatan-Tanggara pado taun 1968. Baliau baparan pantiang di kota Padang pado maso pajuangan fisik katiko pasukan Balando jo sakutu baliak manduduak-i kota tu sasudah kakalahan pihak Japang dalam Parang Dunia II. Johnny pernah dipanjaro dek pihak panjajah karano sikapnyo nan indak namuah bakarajosamo jo pihak Balando sarato sakutu.[1]

Johnny Anwar
Lahia1918
Maningga1976 (umua 58)
KabangsaanBendera Indonesia Indonesia
KarojoPolisi
Dikana dekPajuang kamardekaan
PasanganMartina
AnakWendy Anwar
Fonny Anwar
Sendy Anwar
Renny Anwar
Urang tuoAnwar Maharaja Sutan
Siti Safiah

Pado taun 1946 katiko baumua 28 taun baliau diangkek sabagai Kapalo Polisi Kota Padang jo pangkek Komisaris Polisi kelas II. Sasudah dibebasan dari tahanan, pado taun 1948, baliau diangkek manjadi Kapalo Polisi Kota Bukittinggi marangkap Kapalo Polisi Kores Sumatera Barat. Pado taun 1950 baliau sempat ditugehan untuak studi ka tigo kota di Amerika Serikat, iyolah San Fransisco, New York jo Washington salamo 3 bulan. Sasudah maso revolusi fisik, Johnny Anwar manjalani karier kapolisiannyo jo babagai jabatan sarato batugeh dibabagai kota di Indonesia, diantaronyo Kapalo Polisi Komisariat Maluku di Ambon (1964), Panglimo Angkatan Kapolisian (Pangak) XVIII Sulawesi Salatan-Tanggara di Makassar (1968) lalu nan tarakhia sabagai Kumandan Operasi Bhakti Markas Gadang Angkatan Kapolisian (Mabak) di Jakarta (1970-1972) sabalun pansiun.[2]

Kaluarga suntiang

Johnny Anwar manikah jo surang padusi nan banamo Martina sarato dikaruniai ampek urang anak iyolah Wendy Anwar, Fonny Anwar, Sendy Anwar sarato Renny Anwar. Baliau maningga dunia pado taun 1976 dalam umua 58 taun lalu dimakaman di Taman Makam Pahlawan Kalibata, Jakarta.[3]

Johnny laia dari pasangan Anwar Maharajo Sutan (ayah) jo Siti Safiah (ibu), nan barasa dari Sumatera Barat. Ayahnyo pernah jadi damang di Kurinci jo Padang. Johnny Anwar adolah kakak dari Rosihan Anwar, surang tokoh wartawan sarato pandiri koran Pedoman. Tigo urang adiaknyo nan lain, Junisaf Anwar, surang wartawan pulo nan pernah manjabat sabagai Pamimpin Redaksi Kantua Barito Antara, Roesman Anwar, surang profesional nan pernah manjabat sabagai Direktur Utama Pelni sarato adiak bungsunyo, Yozar Anwar, salah surang pamimpin panggiat garakan mahasiswa di taun 1966 nan kudian bakarier sabagai wartawan jo panulih buku.

Karier suntiang

  • Kapalo Polisi Kota Padang (1946)
  • Kapalo Polisi Kota Bukittinggi marangkap Kapalo Polisi Kores Sumatera Barat (1948)
  • Dipabantuan kapado Kapalo Kapolisian di Kota Padang (1950)
  • Kapolisian Karasidenan Semarang (1951)
  • Kapolisian Komisariat Kalimantan Salatan (1952)
  • Kapolisian Komisariat Nusa Tanggara
  • Kapalo Staf Kapolisian Sumatera Barat (1962)
  • Kapalo Polisi Komisariat Maluku (1964)
  • Kumandan Komando Pandidikan Angkatan Kapolisian Republik Indonesia (AKRI) di Markas Gadang Angkatan Kapolisian (Mabak) (1967)
  • Panglimo Angkatan Kapolisian (Pangak) XVIII Sulawesi Salatan-Tanggara (1968)
  • Komandan Operasi Bhakti Mabak (1970-1972)

Rujuak-an suntiang