Wikipedia:Jan gigik pangguno baru

Bajalan batolan, bakato baiyo, baiak rundiang jo mupakaik.


Bakambangnyo Wikipedia bukanlah anyo asia karajo kareh mareka nan lah lamo maabdian diri manjadi anggota, malainan acok bana dari sumbangan-sumbangan banyak pandatang baru nan indak punyo akun, nan pado mulonyo anyo dek karano raso panasaran sajo. Pado mulonyo kito sadonyo dulu marupoan pandatang baru, tamasuak juo mareka nan cukuik baati-ati atau baruntuang inggo dapek maindaan kasalahan umum nan biasonyo balakuan dek pandatang baru. Banyak pulo dari kito nan tatap maraso sabagai pandatang baru satalah babulan-bulan (atau bataun-taun) manyumbang.

Satiok panyumbang baru marupoan calon anggota nan mampunyoi potensi, dek karano tu mareka marupoan sumber daya nan baarago bana. Kito aruih mambarian mareka pangarahan jo caro panuah kalambuikan dan kasabaran. Sikap elitis dan pamusuahan adolah sikap nan ka manakuikan dan mausia mareka. Ado sabagian pandatang baru nan lansuang dapek mangarati kaidah nan balaku (singgo indak terlampau susah diajaan), tapi sabagian nan lain masiah buto taadok kaidah bakagiatan di Wikipedia.

Tolong jan gigik pandatang baru suntiang

Berkas:Pdnbtn.png
Onde mande, jan gigik mareka!
  • Bausaolah mangarati nilai pandatang baru taadok komunitas. Bilo kito kuaikan para pandatang baru, aratinyo manguaikan juo pangatauan, pandapek, jo ide dalam Wikipedia dan mampatahanan kanetralan sarato integritasnyo.
  • Kutiko pandatang baru mambuek kasalahan "baru", sarupo lupa mambuek judua dalam uruih tabal, atau indak manambahan pautan nan baguno, cubo lah untuak mampabaiaki kasalahan tu daulu. Jan mamarahi pandatang baru nan indak sangajo malakuan kasalahan.
  • Ingek bahaso pandatang baru mungkin indak mangataui kok tulihan versi tadaulu nan mareka buek masiah tasimpan di Wikipedia. Kutiko suntiangan mareka diapuih, mareka biso sajo maraso panik dan mamulai parang suntiangan, atau malah maninggaan Wikipedia karano mangiro asia tulihan mareka lah diapuih untuak salamo-lamonyo. Tolong sampaian ka pandatang baru bahaso suntiangan mareka salalu tasimpan pado laman Riwayaik lalu, dan ajaan mareka bahaso patantangan manganai isi artikel dapek dipabincangan pado laman rundiangnyo.
  • Pandatang baru biasonyo ragu untuak mambuek parubahan, tautamo nan gadang, sarupo NPOV dan pamindahan laman, dek karano takuik ka marusak Wikipedia (atau manyingguang Wikipediawan/Wikipediawati lainnyo). Ajaan mareka untuak basikap tageh, sabar-sabar lah jo "raso sagan" mareka.
  • Kok Sanak maraso paralu mamberitau ka surang pandatang baru tantang kasalahannyo, tolong karajoan jo nada nan konstruktif. Mulailah jo pakanalan dan ucapan salamaik datang, kudian baritaukan kasalahan jo parbaiakan nan aruih dikarajoan sacaro ramah bak mangecek ka kawan, untuak manibuaan parasaan batarimonyo mareka di siko. Kok Sanak indak dapek malakuannyo, labiah rancak indak mangatoan apo-apo.
  • Kok nak mambarian nasiaik kapado pandatang baru, turunan lah saketek nada bicaronyo dari nan biaso dipagunoan jo pangguno-pangguno lamo di Wikipedia ko. Barusaolah untuak mambuek pandatang baru maraso sungguah-sungguah disambuik, indak bakasan samacam aruih mandapek pasatujuan daulu supayo dapek masuak ka kalompok 'nan eksklusif' tu. Satiok pandangan baru nan manyangkuik aktivitas basamo manusia dan mamiliaki tujuan tatantu, umumnyo punyo katerbatasan jo struktur kusuih nan mambutuhan wakatu untuak dipalajari.
  • Anggaplah niaik elok dari pihak pandatang baru. Umumnyo mareka ingin mambantu. Barilah kasampatan!

Caliak pulo suntiang