Wikipedia

Virus

Untuak kagunoan lain dari Virus, caliak Virus (disambiguasi).

Virus adolah parasit mikroskopik nan mainfeksi sel organisme biologis. Virus basipaik parasit obligat, hal ko ditajadi dek virus hanyo dapek bareproduksi di dalam material iduik jo caro mainvasi jo mamanfaatan sel mukaluak iduik dek virus indak mampunyoi kalangkokan seluler untuak bareproduksi surang. Biasonyo virus manganduang sajumlah kaciak asam nukleat (DNA atau RNA, tapi indak kombinasi kaduonyo) nan tasalubuang samacam bahan palinduang nan tadiri ateh protein, lipid, glikoprotein, atau kombinasi katigonyo. Genom virus ka diekspresikan manjadi baiak protein nan dipakai untuak mamuek bahan genetik maupun protein nan paralu dalam daur iduiknyo.

Istilah virus biasonyo marujuak pado partikel-partikel nan mainfeksi sel-sel eukariota (organisme multisel dan banyak jinih organisme sel tungga), samantaro istilah bakteriofag atau fag dipakai untuak jinih nan manyarang jinih-jinih sel prokariota (bakteri jo organisme lain nan indak barinti sel).

Virus acok dipadebatkan statusnyo sabagai mukaluak iduik dek inyo indak dapek manjalanan fungsi biologisnyo sacaro lapeh kok indak di dalam sel induak. Dek karakteristik khasnyo ko virus taruih takaik jo panyakik tatantu, baiak pado manusia (misanyo virus influenza jo HIV), binatang (misanyo virus flu buruang), atau tanaman (misanyo virus mosaik timbakau/TMV).

Asal-usul

suntiang

Virus salalu badampiangan jo organisme nan mungkin alah ado sajak sel iduik partamo kali baevolusi. Virus indak maningakan fosil sahinggo asa muasa virus ko hanyo bisa dihipotesiskan jo caro-caro takah teknik-teknik biologi molekuler.[1] Salain itu, materi genetik virus kadang-kadang baintegrasi ka dalam garih baniah organisme inangnyo sahinggo inyo indak bisa diturunkan sacaro vertikal ka katurunan inang salamo babarapo generasi. Hal iko maagiah sumber informasi nan indak tanilai ka urang nan ahli paleovirologi untuak malacak baliak virus kuno nan alah ado hinggo jutaan taun nan lalu.

Ado tigo hipotesis utamo tantang asal-usul virus : regresi, kalua dari sel jo koevolusi:[2][3]

Hipotesis regresi
Virus bisa jadi dulunyo adolah sel-sel ketek nan manjadi parasit dalam sel nan labiah gadang. Kamudian, parasit-parasit iko kahilangan gen-gen nan indak dipagunoan sasudah iduik sabagai parasit. Sahinggo sel-sel itu mangalami regresi/manjadi virus. Teori iko didukuang dek adonyo bakteri takah Rickettsia jo Chlamydia nan hanyo bisa bareproduksi di dalam sel inang (takah virus). Manuruik hipotesis iko, jikok sel-sel ketek takah iko bisa taruih mangandalkan parasitisme untuak tatap iduik, gen-gen lain nan hanyo diparaluan untuak iduik mandiri (iduik di lua sel inang) dapek ilang. Hipotesis iko disabuik lo hipotesis degenerasi,[4][5] atau 'hipotesis reduksi'.[6]
Hipotesis kaluaa dari sel
Virus mungkin baevolusi dari potongan DNA atau RNA nan kalua dari gen organisme nan labiah gadang. DNA nan kalua ko bisa barasa dari plasmid (potongan-potongan DNA nan bisa bapindah dari ciek sel ka sel lainnyo) atau transposon (molekul DNA nan bareplikasi jo bapindah ka babagai posisi dalam gen sel).[7] Transposons parnah disabuikk sabagai "gen palompek" jo marupoan contoh unsur genetik nan bisa bapindah sacaro mudah jo bisa jadi marupoan asa muasa babarapo virus. Mereka ditamuan di jaguang dek Barbara McClintock pado taun 1950.[8] Hipotesis ko kadang-kadang disabuik 'hipotesis gelandangan',[4][9] atau 'hipotesis malarian diri'.[6]
Hipotesis koevolusi
Hipotesis ko disabuik lo jo 'hipotesis virus-partamo'[6] nan mangusuakan basonyo virus mungkin alah baevolusi dari molekul kompleks barupo protein jo asam nukleat pado maso nan samo katiko sel partamo kali muncua di bumi nan ka bagantuang ka kahidupan seluler salamo milyaran taun. Viroid marupoan molekul RNA nan indak bisa diklasifikasikan sabagai virus karano indak punyo mantel protein. Mereka indak mampunyoi karakteristik nan samo jo kabanyakan virus jo acok disabuik jo agen subviral.[10] :Viroid marupoan patogen tumbuahan nan pantiang.[11] Mereka indak manyadi protein tapi bainteraksi jo sel inang sarao manggunoan parangkek nan punyo inang jo bereplikasi.[12] Virus hepatitis dekta pado manusia punyo genom RNA nan mirip jo viroid tapi mereka punyo lapisan protein nan barasa dari virus hepatitis B jo indak dapek mahasiakan surang. Dek karano itu, virus ko cacat. Maskipun genom virus hepatitis delta bisa bareplikasi sacaro independen sasudah baradi di sel inang, inyo mambutuahkan bantuan virus hepatitis B untuak manyadiokan mantel protein sahinggo inyo bisa ditulakan ka sel baru.[13] Jo caro nan samo, Virofag Sputnik bagantuang pado Mimivirus, nan manginfeksi protozoa Acanthamoeba castellanii.[14] Jenis virus ko, nan bagantuang kapado adonyo spesies virus lain di dalam sel inang, disabuik satelit jo mungkin marupoan contoh parantaro evolusi antaro viroid jo virus.[15][16]

Etimologi

suntiang

Kato virus barasa dari bahaso Latin vīrus nan bararti racun jo cairan babahayo lainnyo, nan labiah jauah barasa dari rumpun bahaso Indo-Eropa lain takah bahasa Sanskerta viṣa, bahasa Avesta vīša, jo bahasa Yunani Kuno ἰός nan kasadonyo bararti racun.[17] Kato sipaik virulen dari bahaso Latin virulentus nan artinyo baracun muncua kiro-kiro tahun 1400.[18] Makna virus sabagai "agen nan mangakibaikkan panyakik inpeksi" partamo kali digunokan pado tahun 1728,[17] jauah sabalun ditamukan virus itu dek Dmitri Ivanovsky pado taun 1892. Samantaro itu, kata sipaik viral nan bararti"dari sipaik virus atau disababkan dek virus" baru muncua pado tahun 1944.[19] Istilah virion nan tacatat sajak 1959 pulo digunokan untuak marujuak pado partikel virus tungga nan kalua dari sel jo bisa mainpeksi sel lainnyo nan sajinih.[20][21]

Mikrobiologi

suntiang

Status kahidupan

suntiang

Ado pabedaan pandapaik ilmiah tantang virus nan digolongkan sabagai makhluk hiduik atau sakadar struktur organik nan bainteraksi jo makhluk iduik. Walaupun baitu, mereka labiah acok diaggap sabagai replikator (zat nan malakuan replikasi DNA) jo indak tamasuak bantuak kahidupan.[22] Virus digambarkan sabagai "organisme di ujuang kahidupan",[23] kareno mereka sarupo jo makhluk hiduik dalam hal kapamilikan gen, barevolusi malalui seleksi alam,[24] jo bareproduksi jo mambuek banyak salinan dari diri mereka surang malalui parakitan diri. Meskipun virus adp punyo gen, mereka indak punyo sel, nan acok dicaliak sabagai unit dasar kahidupan. Virus indak punyo metabolisme surang jo mambutuahkan sel inang untuak mambuek produk baru. Dek karano itu, mereka indak dapek bareproduksi sacaro alami di lua sel inang.[25] Walaupun sajumlah bakteri takah Rickettsia jo Chlamydia mampunyoi katarbatasan nan samo, mereka dianggap sabagai organisme hiduik karano mamiliki sel surang.[26][27] Parakitan diri virus di dalam sel inang barimplikasi pado studi asal mulo kahidupan karano mandukuang hipotesis bahasonyo kahidupan dapek dimulai dari molekul organik nan dapek marakit diri.[28]

Caliak pulo

suntiang

Pautan lua

suntiang

Rujuakan

suntiang


   Artikel batopik kadokteran atau medis ko baru babantuak rancangan. Sanak dapek mambantu Wikipedia mangambangannyo.
  1. ↑ Sanjuán, Rafael; Nebot, Miguel R.; Chirico, Nicola; Mansky, Louis M.; Belshaw, Robert (2010-10-01). "Viral Mutation Rates". Journal of Virology. 84 (19): 9733–9748. doi:10.1128/JVI.00694-10. ISSN 0022-538X. PMC 2937809  . PMID 20660197. Diarsipkan dari versi asli tanggal 2021-02-25. Diakses tanggal 2021-02-25. 
  2. ↑ Krupovic M, Dooja W, Koonin EV (2019). "Origin of viruses: primordial replicators recruiting capsids from hosts". Nature Reviews Microbiology. 17 (7): 449–58. doi:10.1038/s41579-019-0205-6. PMID 31142823. 
  3. ↑ Collier dkk. 1998, hlm. 11–21.
  4. ↑ a b Dimmock dkk. 2007, hlm. 16.
  5. ↑ Collier dkk. 1998, hlm. 11.
  6. ↑ a b c Mahy & Van Regenmortel 2010, hlm. 24.
  7. ↑ Shors 2007, hlm. 810.
  8. ↑ McClintock, B. (1 Juni 1950). "The origin and behavior of mutable loci in maize". Proceedings of the National Academy of Sciences. 36 (6): 344–355. doi:10.1073/pnas.36.6.344. ISSN 0027-8424. PMC 1063197  . PMID 15430309. [pranala nonaktif permanen]
  9. ↑ Collier dkk. 1998, hlm. 11–12.
  10. ↑ Dimmock dkk. 2007, hlm. 55.
  11. ↑ Shors 2007, hlm. 791.
  12. ↑ Tsagris, Efthimia Mina; Martínez de Alba, Ángel Emilio; Gozmanova, Mariyana; Kalantidis, Kriton (November 2008). "Viroids". Cellular Microbiology. 10 (11): 2168–2179. doi:10.1111/j.1462-5822.2008.01231.x. 
  13. ↑ Shors 2007, hlm. 460.
  14. ↑ La Scola, Bernard; Desnues, Christelle; Pagnier, Isabelle; Robert, Catherine; Barrassi, Lina; Fournous, Ghislain; Merchat, Michèle; Suzan-Monti, Marie; Forterre, Patrick (September 2008). "The virophage as a unique parasite of the giant mimivirus". Nature. 455 (7209): 100–104. doi:10.1038/nature07218. ISSN 0028-0836. 
  15. ↑ Collier dkk. 1998, hlm. 777.
  16. ↑ Dimmock dkk. 2007, hlm. 15–16.
  17. ↑ a b "virus (n.)". Online Etymology Dictionary. Diakses tanggal 8 April 2020. 
  18. ↑ "virulent (adj.)". Online Etymology Dictionary. Diakses tanggal 8 April 2020. 
  19. ↑ "viral (adj.)". Online Etymology Dictionary. Diakses tanggal 8 April 2020. 
  20. ↑ "Virion". Online Etymology Dictionary. Diakses tanggal 1 November 2020. 
  21. ↑ Desk encyclopedia of general virology. Mahy, B. W. J. (Brian W. J.), Van Regenmortel, M. H. V.. Oxford: Academic Press. 28 Nopember 2010. ISBN 0-12-375162-4. OCLC 480587729. https://www.worldcat.org/oclc/480587729. 
  22. ↑ Koonin, E.V.; Starokadomskyy, P. (7 Maret 2016). "Are viruses alive? The replicator paradigm sheds decisive light on an old but misguided question". Stud Hist Philos Biol Biomed Sci. 59: 125–34. doi:10.1016/j.shpsc.2016.02.016. PMC 5406846  . PMID 26965225. 
  23. ↑ Kutipan rusak: Tag <ref> indak sah; indak ado teks untuak ref banamo ReferenceA
  24. ↑ Holmes EC (October 2007). "Viral evolution in the genomic age". PLOS Biology. 5 (10): e278. doi:10.1371/journal.pbio.0050278. PMC 1994994  . PMID 17914905. 
  25. ↑ Wimmer E, Mueller S, Tumpey TM, Taubenberger JK (December 2009). "Synthetic viruses: a new opportunity to understand and prevent viral disease". Nature Biotechnology. 27 (12): 1163–72. doi:10.1038/nbt.1593. PMC 2819212  . PMID 20010599. 
  26. ↑ Horn M (2008). "Chlamydiae as symbionts in eukaryotes". Annual Review of Microbiology. 62: 113–31. doi:10.1146/annurev.micro.62.081307.162818. PMID 18473699. 
  27. ↑ Ammerman NC, Beier-Sexton M, Azad AF (November 2008). "Laboratory maintenance of Rickettsia rickettsii". Current Protocols in Microbiology. Chapter 3 (1): Unit 3A.5. doi:10.1002/9780471729259.mc03a05s11. ISBN 978-0471729259. PMC 2725428  . PMID 19016440. 
  28. ↑ Koonin EV, Senkevich TG, Dolja VV (September 2006). "The ancient Virus World and evolution of cells". Biology Direct. 1 (1): 29. doi:10.1186/1745-6150-1-29. PMC 1594570  . PMID 16984643. 
Diambiak dari "https://min.wikipedia.org/w/index.php?title=Virus&oldid=2907697"