Influenza
Influenza, yang labiah dikana jo sabutan flu, marupakan panyakik manula yang disababkan jo virus RNA dari familia Orthomyxoviridae (virus influenza), yang manyarang unggeh jo mamalia. Gajala yang paliang umum dari panyakik iko adolah manggigia, damam, nyeri tanggorokan, nyeri otoik, nyeri kapalo barek, batuak, kalamahan, jo raso indak lamak sacaro umum.[1]
Walaupun acok tatuka dangan panyakik mode influenza lainnyo, tautamo selesma, influenza marupokan panyakik yang labiah barek dibandiangkan dangan selesma jo disababkan jo janih virus yang babeda Influenza dapek manimbuakan mual, jo muntah, tautama pado anak-anak,[1] namun gajalo tasabuik labiah acok tadapek pado panyakik gastroenteritis, yang samo sakali indak bahubuangan, yang juo kadangkalo sacaro indak tapek disabuik sabagai "flu paruik." Flu kadangkala dapek manimbuakan pneumonia viral sacaro langsuang maupun manimbuakan pneumonia bakterial sekunder.
Biasonyo, influenza ditulakan malalui udaro lawaik batuak atau basin, yang akan manimbuakan aerosol yang menganduang virus. Influenza juo dapek ditulakan malalui kontak langsuang dangan cirik buruang atau salemo, atau malalui kontak jo pamukaan yang alah takontaminasi. Aerosol yang tabaok jo udaro (airborne aerosols) didugo manimbuakan sabagian gadang infeksi, walaupun jalua panularan mano yang paliang baperan dalam panyakik iko alun jaleh bana.[2] Virus influenza dapek diinaktivasi jo cahayo matohari, disinfektan, dan daterjen.[3] Acok mancuci tangan akan mangurangi risiko infeksi karano virus dapek diinaktivasi jo sabun.[4]
Influenza manyebar ka saluruah dunia dalam epidemi musiman, yang manimbuakan kamatian 250.000 dan 500.000 urang satiok tahunnyo, bahkan sampai jutaan urang pado babarapo tahun pandemik. Rato-rato 41.400 urang maningga tiok tahunnyo di Amerika Sarikat dalam kurun wakatu antaro tahun 1979 sampai 2001 kareno influenza.[5] Pado tahun 2010 Pusek Pangendalian dan Pancagahan Panyakik di Amerika Sarikat mangubah caro mareka malaporkan pakiraan kamatian kareno influenza dalam 30 tahun. Saat iko mareka malaporkan bahwa tadapek kisaran angko kamatian mulai dari 3.300 sampai 49.000 kamatian per tahunnya.[6]
Tigo pandemi influenza tajadi pado abek kaduopuluah dan alah manewaskan puluahan juta urang. Tiok pandemi tasabuik disababkan jo muncuanyo galur baru virus iko pado urang. Saringkali, galur baru iko muncua katiko virus flu yang alah ado manyebar pado urang dari janih binatang yang lain, atau katiko galur virus influenza urang yang alah ada maambiak gen baru dari virus yang biasonyo manginfeksi unggeh atau babi. Galur unggeh yang disabuik H5N1 alah manimbuakan kakhawatiran muncuanyo pandemi influenza baru, satalah kamunculannyo di Asia pado tahun 1990-an, tatapi virus tasabuik alun baevolusi manjadi bantuak yang manyebar dangan gampang dari urang-ka-urang.[7] Pado April 2009 sabuah galur virus flu baru baevolusi yang manganduang campuran gen dari flu urang, babi, dan unggeh, yang pado awalnyo disabuik "flu babi" dan juo dikana sabagai influenza A/H1N1, yang muncua di Meksiko, Amerika Sarikat, dan babarapo negara lain. Organisasi Kasehatan Dunia (WHO) sacaro resmi mandeklarasikan wabah iko sabagai pandemi pado 11 Juni 2009 (liek pandemi flu 2009). Deklarasi WHO manganai pandemi tingkek 6 marupakan indikasi panyabaran virus, bukan barek-ringannyo panyakik, galur iko sabatulnyo mamiliki tingkek mortalitas yang labiah randah dibandiangkan jo wabah virus flu biaso.
Rujuakan
suntiang- ↑ a b "Influenza: Viral Infections: Merck Manual Home Edition". www.merck.com. Diakses tanggal 2008-03-15.
- ↑ Brankston G, Gitterman L, Hirji Z, Lemieux C, Gardam M (2007). "Transmission of influenza A in human beings". Lancet Infect Dis. 7 (4): 257–65. doi:10.1016/S1473-3099(07)70029-4. PMID 17376383.
- ↑ Suarez (2003). "The effect of various disinfectants on detection of avian influenza virus by real time RT-PCR". Avian Dis. 47 (3 Suppl): 1091–5. doi:10.1637/0005-2086-47.s3.1091. PMID 14575118.
- ↑ Jefferson (2010). "Physical interventions to interrupt or reduce the spread of respiratory viruses". Cochrane Database Syst Rev (1): CD006207. doi:10.1002/14651858.CD006207.pub3. PMID 20091588.
- ↑ Jonathan Dushoff. "Mortality due to Influenza in the United States — An Annualized Regression Approach Using Multiple-Cause Mortality Data". Diakses tanggal 2009-10-29.
The regression model attributes an annual average of 41,400 (95% confidence interval: 27,100, 55,700) deaths to influenza over the period 1979–2001.
- ↑ Julie Steenhuysen. "CDC backs away from decades-old flu death estimate". Reuters. Diakses tanggal 2010-09-13.
Instead of the estimated 36,000 annual flu deaths in the United States ... the actual number in the past 30 years has ranged from a low of about 3,300 deaths to a high of nearly 49,000, the CDC said on Thursday.
- ↑ "Avian influenza ("bird flu") fact sheet". WHO. 2006. Diakses tanggal 2006-10-20.