Lintau

Lintau atau Lintau nan Sombilan Koto adolah sabuah wilayah di Luak Tanah Data. Lotaknyo di antagho timur Batusangkau, selatan Pikumbuah, jo utara Sijunjuang. Sosuai jo namo o, ado sombilan nogoghi nan manjadi bagian daghi Lintau: limo nogoghi nan di ateh jo ompek nogoghi nan di boghuah. Nan limo nogoghi di ateh naomonyo nogoghi Topi Selo, Lubuok Jantan, Tanjuong Bonai, Balai Tongah, jo Batu Bulek nan kini masuak ka dalam Kecamatan Lintau Buo Utara. Sadangkan ompek nogoghi di boghuah namonyo nogoghi Toluak, Pangian, Buo, jo Tigo Jangko nan kini masuak ka Kecamatan Lintau Buo.

Rumah Sutan Hasyim Tuanku Tinggi di Lintau. Sutan Hasyim Tuanku Tinggi marupoan pangulu kapalo di Lintau pado awal abaik ka-20

Panamoan nogoghi di ateh jo di boghuah adolah dek posisi geografis daerah o. Limo nogoghi di ateh lotak o pado dataran nan tenggi, sadangkan ompek nogoghi di boghuah lotak o di dataran ghondah nan dateu je eh daerahnyo.

Pado zaman ghajo-ghajo Pagaruyuang, nogoghi Buo manjadi tompek asa jo duduok Ghajo Adaik, ciek daghi Ghajo nan Tigo Selo.

Nogoghi

Nan disabuik jo Lintau biasonyo adolah nogoghi-nogoghi nan ko:

• Balai Tangah (Balai Tongah)
• Batu Bulek
• Lubuak Jantan (Lubuok Jantan)
• Tanjuang Bonai (Tanjuong Bonai)
• Tepi Selo (Topi Selo)
• Buo
• Pangian ·
• Taluak (Toluak)
• Tigo Jangko

Rujuakan

Daftar pustaka

• Asnan, Gusti (2003). Kamus Sejarah Minangkabau. Padang: Pusat Pengkajian Islam dan Minangkabau (PPIM). ISBN 979-97407-0-3.