Wikipedia

Urang Dayak Warukin

Ado usul supayo artikel digabungkan jo Urang Maanyan. (Diskusikan)

Dayak Maanyan adolah salah satu sub suku Dayak tatuo di Nusantara, khususnyo di Kalimantan bagian tangah jo salatan.[1] Pamukiman Dayak Maanyan tasebar di daerah Kabupaten Barito Timur jo sabagian Barito Selatan di Provinsi Kalimantan Tengah. Di Kalimantan Selatan, pamukiman Dayak Maanyan takonsentrasi di kampuang Warukin, Kabupaten Tabalong, yang marupokan enklave karano dikaliliangi pamukiman etnik Banjar.

Dayak Maanyan
Wanita Dayak Maanyan
Wanita Dayak Maanyan
Para wanita Dayak Maanyan sedang menari
Total populasi
kurang lebih 85.000 jiwa
Kawasan jo populasi nan signifikan
Kalimantan Tengah: 71.000.
Kalimantan Selatan:10.000
Bahaso
Maanyan
Agamo
Kristen, Kaharingan, Islam
Kalompok etnis takaik
Banjar, Dusun Witu, Paku, Dusun Malang

Suku Maanyan sacaro administrasi baru muncua dalam sensus taun 2000 dan marupokan 2,80% dari panduduak Kalimantan Tangah, namun dalam sensus BPS taun 2010 suku Maanyan tagabung ka dalam rumpun suku Dayak.[2]

Manuruik situs "Joshua Project" suku Maanyan bajumlah 71.000 jiwa.

Sijarah

suntiang

Urang-urang Ma'anyan dibaok sabagai buruh dan budak oleh urang-urang Malayu jo Jawa dalam armada dagang urang tu, yang mancapai Madagaskar pado sakitar taun 50–500 Masehi.[3][4][5]:114–115 Bahaso Malagasi barasa dari bahaso Barito Tenggara, dan bahaso Ma'anyan adolah karabat dakeknyo, dengan banyak kato pinjaman bahaso Melayu jo Jawa.[6][7]

Ado kamungkinan kalau para sarjana jo pangrajin abad ka-10 mancatat paristiwa urang-urang Ma'anyan yang mangungsi dalam jumlah gadang ka Afrika jo kapa layar cadik sarupo yang digambarkan pado relief batu Borobudur pado 945 hinggo 946 Masehi.[8] Catatan Arab abad ka-10 Ajayeb al-Hind (Kaajaiban India) mambarikan laporan invasi di Afrika oleh banso yang disabuik Wakwak atau Waqwaq,[5]:110 mungkin adolah urang-urang Malayu Sriwijaya atau urang Jawa dari karajaan Medang,[9]:39 pado 945–946 M. Urang tu tibo di pantai Tanganyika jo Mozambik dengan 1000 kapa dan barusaho marabuik benteng Qanbaloh, meskipun akhirnyo gagal. Alasan serangan itu adolah karano tampek itu mampunyoi barang-barang yang cocok untuak nagari urang tu jo Chino, sarupo gadiang, kulik kuro-kuro, kulik macan kumbang, jo ambergris, dan juo karano urang tu manginginkan budak itam dari urang Bantu (disabuik Zeng atau Zenj oleh urang Arab, Jenggi oleh urang Jawa) yang kuek jo manjadi budak yang elok.[5]:110

Manuruik urang Maanyan, sabalum manampati kawasan tampek tingganyo yang kini, urang tu barasa dari hilia (Kalimantan Selatan). Walaupun kini wilayah Barito Timua indak tamasuak dalam wilayah Kalimantan Salatan, tapi wilayah itu dulu tamasuak dalam wilayah tarakhir Kesultanan Banjar sabalum digabuang ka dalam Hindia Balando taun 1860, yaitu wilayah Kasultanan Banjar yang alah manyusuik dan indak punyo akses ka lauik, sabab dikaliliangi daerah-daerah Hindia Balando.

Manuruik sastra lisan suku Maanyan, sasudah mandapek serangan Marajampahit (Majapahit) kapado Karajaan Nan Sarunai, suku iko tapencar-pencar manjadi babarapo sub-etnik. Suku iko tabagi manjadi babarapo subetnis, di antaronyo:

Kaunikkan Suku Dusun Maanyan, antaro lain urang tu mampraktikkan ritus patanian, upacara kamatian yang rumik, sarato mamanggia dukun (balian) untuak maubek panyakik urang tu.[11]

Bahaso

suntiang

Suku Maanyan mampunyoi bahaso mereka surang yaitu bahaso Maanyan, tatapi bahaso Maanyan iko mamiliki babrapo dialek yaitu dialek Paku, Maanyan Samihin, Dusun Witu, Dusun Malang. Masiang- masiang dialek itu dapek dipahami oleh dialek- dialek Maanyan lainnyo. Namun untuak komunikasi antaro suku dayak lainnyo umumnyo manggunokan Bahaso Ngaju atau Bahaso Indonesia.[12]

Mato pancaharian

suntiang

Sabagian gadang mato pancaharian suku Maanyan adolah bacocok tanam diladang jo sistim tabang bakaa. Sistim tabang bakaa dilakukan jo gotong royong antaro 12- 15 urang. Urang tu mangadokan pambagian karajo antaro padusi jo laki-laki. tanaman utamo yang ado diladang adolah padi. adopun tanaman lainnyo sarupo ubi kayu, naneh, ubi rambat, taruang, tabu, lado jo tambakau. Urang tu juo baburu binatang manggunokan bantuan anjiang. dan juo urang tu mancari rotan jo dama untuak dijadikan karajinan tangan sarupo tikar dan karanjang. Suku Maanyan juo dikenal sabagai panenun. Urang ko biso manenun manggunokan kapeh dan mambuek pakaian dari kulik kayu dan juo mambuek sampan yang mano sampan itu akan dijua.

Budaya

suntiang

Bahaso

suntiang

Bahaso Dayak Maanyan banyak mamiliki pasamoan jo bahaso di Madagaskar. contoh bahaso Maanyan adolah

  • kamu = Hanyu
  • Mandi = Mandrus
  • Tidua = manree

Organisasi

suntiang

Organisasi suku iko adolah "Dusmala" yang manggabuangkan 3 suku Dayak yang sarumpun yaitu Dusun, Maanyan jo Lawangan.

Lagu daerah dayak Maanyan

suntiang

Rujuakan

suntiang
  1. ↑ Raditya, Iswara N. "Jejak Panjang Nan Sarunai, Kerajaan Purba di Kalimantan". tirto.id (dalam bahasa Indonesia). Diakses tanggal 2023-01-24. 
  2. ↑ Tirtosudarmo, Riwanto (2007) (dalam bahaso id). Mencari Indonesia: Demografi-politik pasca-Soeharto. Yayasan Obor Indonesia. ISBN 978-979-799-083-1. https://books.google.co.id/books?id=oLVTKSefAtIC&lpg=PA173&dq=suku+sampit&pg=PA174&hl=min.  Diakses pado 2023-1-24
  3. ↑ Dewar, Robert E.; Wright, Henry T. (1993). "The culture history of Madagascar". Journal of World Prehistory. 7 (4): 417–466. doi:10.1007/bf00997802. hdl:2027.42/45256  .  Diakses pado 2023-1-24
  4. ↑ Burney DA, Burney LP, Godfrey LR, Jungers WL, Goodman SM, Wright HT, Jull AJ (August 2004). "A chronology for late prehistoric Madagascar". Journal of Human Evolution. 47 (1–2): 25–63. doi:10.1016/j.jhevol.2004.05.005. PMID 15288523.  Diakses pado 2023-1-24.
  5. ↑ a b c Kumar, Ann (2012). 'Dominion Over Palm and Pine: Early Indonesia’s Maritime Reach', dalam Geoff Wade (ed.), Anthony Reid and the Study of the Southeast Asian Past (Singapore: Institute of Southeast Asian Studies), 101–122. Diakses pado 2023-1-24.
  6. ↑ Otto Chr. Dahl, Malgache et Maanjan: une comparaison linguistique, Egede-Instituttet Avhandlinger, no. 3 (Oslo: Egede-Instituttet, 1951), p. 13. Diakses pado 2023-1-24.
  7. ↑ There are also some Sulawesi loanwords, which Adelaar attributes to contact prior to the migration to Madagascar: See K. Alexander Adelaar, “The Indonesian Migrations to Madagascar: Making Sense of the Multidisciplinary Evidence”, in Truman Simanjuntak, Ingrid Harriet Eileen Pojoh and Muhammad Hisyam (eds.), Austronesian Diaspora and the Ethnogeneses of People in Indonesian Archipelago, (Jakarta: Indonesian Institute of Sciences, 2006), pp. 8–9. Diakses pado 2023-1-24.
  8. ↑ Sanusi Pane (1965). Sedjarah Indonesia, Volumes 1-2. Balai Pustaka. pp. 58–59.  Diakses pado 2023-1-24.
  9. ↑ Nugroho, Irawan Djoko (2011). Majapahit Peradaban Maritim. Suluh Nuswantara Bakti. ISBN 9786029346008.  Diakses pado 2023-1-24.
  10. ↑ "Sihong - MultiTree". multitree.org. Diakses tanggal 2023-1-24. 
  11. ↑ (Inggirih) Susanto, A. Budi (2003). Politik dan postkolonialitas di Indonesia. Kanisius. ISBN 9789792108507. ISBN 9792108505. Diakses pado 2023-1-24.
  12. ↑ Melalatoa, M.Junus (1995). Ensiklopedia Suku Bangsa di Indoesia. Jakarta: Departemen Pendidikan dan Kebudayaan RI. pp. 76.  Diakses pado 2023-1-24.


Diambiak dari "https://min.wikipedia.org/w/index.php?title=Urang_Dayak_Warukin&oldid=2504024"