Waqwaq
Waqwaq, ditulih juo Waq-Waq atau Waq Waq, adolah namo ciek pulau atau kapulauan dalam kisah legenda Abaik Patangahan dari Timua Tangah, iyolah kisah Saribu Satu Malam. Waqwaq disabuik dalam catatan para musafir jo geografer Islam, sarupo Buzurg (953), Al-Idrisi (1165), Ibnul Wardi (1348), jo Al-Himyari (1495); inggo kudian muncua pado naskah jo peta tabikan Iberia jo Mediterania. Para musafir tasabuik babedo-bedo pandapeknyo dalam manantuan di ma tampeknyo Waqwaq, ado nan mandugo di pasisia Afrika, kapulauan Seychelles, kapulauan Asia Tenggara, kapulauan Japang, jll.
Al-Idrisi, nan mambuek peta untuak Rajo Roger II dari Sisilia, manampekan koordinat Waqwaq pado tampek nan basasuaian jo pulau Sumatera pado peta moderen. Maso tu, kapulauan Asia Tenggara marupoan pasimpangan jalua palaiaran dunia antaro Barat jo Timur, di ma banyak padagang jo musafir dari babagai nagara singgah untuak maisi baka jo batuka carito tantang patualangan mareka. Legenda Waqwaq jo paunyinyo nan ajaib akianyo baakia satalah frekuensi palaiaran ka daerah tasabuik samangkin maningkek, sainggo peta nan tapek tantang Sumatera jo palabuahan-palabuahannyo dapek dibuek.
Kisah nan sarupo jo legenda Waqwaq kini ko masih tadapek dalam kisah mitologi jo kasenian tradisional, baiak di Eropa maupun Asia.
Rujuakan suntiang
- Early Mapping of Southeast Asia: The Epic Story of Seafarers, Adventurers, oleh Thomas Suarez
- Archipelagoes: Insular Fictions from Chivalric Romance to the Novel, oleh Simone Pinet
- Antiphonal Histories: Resonant Pasts in the Toba Batak Musical Present, oleh Julia Byl
- Sejarah Umat Islam, oleh HAMKA
- What Reason Promises: Essays on Reason, Nature and History, diedit oleh Wendy Doniger, Peter Galison, Susan Neiman