Urang Cino

Urang Cino atau Tionghoa (ijoan Hokkien dari kato Cino simplified: 中华; Cino tradisional: 中華; pinyin: zhonghua; Pe̍h-ōe-jī: Tiong-hôa) atau Huaren (华人) adolah sebutan di Indonesia untuak urang-urang dari suku atau banso Cino. Kato Tionghoa ko dalam bahaso Indonesia acok dipakai untuak manggantian kato "Cina" nan mampunyoi konotasi negatif. Kato ko juo dapek marujuak kapado urang-urang Cino nan tingga di lua Republik Rakyaik Cino, co di Indonesia (Cino Indonesia), Malaysia (Cino Malaysia), Singapura, Hong Kong, Taiwan, Amerika Serikat, dsb.. Dek itu, dalam bahaso Indonesia, istilah urang Tionghoa jo urang Tiongkok mampunyoi pabedaan makna; nan partamo marujuak pado etnis atau suku bangso, nan kaduo marujuak pado kawarganagaraan Republik Rakyaik Cino. Urang-urang Cino nan pai marantau umumnyo disabuik sabagai urang Cino parantauan (Hoakiao).

Urang Cino
(Tionghoa)

Kaisar jo Permaisuri Huaxia.
Bahaso
Bahaso Cino
Agamo
Agamo tradisional Cino, Kristen, Islam, Atheis

Di Cino surang, konsep sarupo takana jo namo Huaxia (Cino simplified: 華夏) nan marujuak pado konsep bangso sarato paradaban Cino, nan basumber dari kasadaran banso Han (kalompok etnis mayoritas di Cino Daratan, nan barasa dari Dinasti Han) jo niniak muyangnyo, nan sacaro kolektif disabuik sabagai Huaxia. Sadang istilah Zhonghua surang dipakai sacaro rasmi dalam namo nagara, baiak pado wakatu sabalun Parang Dunia II (Republik Cino - Zhonghua minguo) maupun sasudah Parang Saudara Cino (Republik Rakyaik Cino - Zhonghua remin gongheguo)