Wikipedia

Urang Batak Toba

Urang Batak Toba (Surat Batak Toba: Halak Batak Toba) marupokan salah satu kalompok etnis dari Urang bangso Batak nan barasa dari provinsi Sumatra Utara, Indonesia. Wilayah persabaran utamo kalompok etnis Batak Toba, tamasuak kabupaten Samosir, kabupaten Toba, kabupaten Humbang Hasundutan, kabupaten Tapanuli Utara, dan kabupaten Tapanuli Tengah. Daerah parsebaran utamo lainnyo adolah di kabupaten Dairi, kabupaten Simalungun, kota Pematang Siantar, kota Sibolga, kabupaten Asahan, dan Kota Medan.[1]

Urang Batak Toba
Jumlah populasi

± 4 juta jiwa

Kawasan bapopulasi cukuik banyak
Sumatra Utara (khususnya di Samosir, Toba, Humbang Hasundutan, Tapanuli Utara, Tapanuli Tengah, Dairi, Pematang Siantar, Sibolga, Simalungun, Asahan, dan Medan
(selebihnya di DKI Jakarta, Batam, Jawa Barat, Riau dan daerah lainnya.)
Bahaso
Batak Toba: logat Toba, logat Samosir, logat Humbang, logat Silindung, dan bahasa Indonesia juga digunakan.
Agamo
Kalompok etnik takaik
Batak Angkola, Batak Simalungun, Batak Pakpak, Batak Karo, Batak Mandailing.

Sijarah

suntiang

Kerajoan Batak

suntiang
 
Bantuak dan ciri khas rumah panggung, urang Batak Toba

Pado masa Karajoan Batak nan bapusek di Bakara, Karajoan Batak nan dalam pamarintah dinasti Sisingamangarajo mambagi Karajoan Batak dalam 4 (ampuah) wilayah nan disabuik Raja Maropat, yaitu:[1]

  1. Raja Maropat Silindung
  2. Raja Maropat Samosir
  3. Raja Maropat Humbang
  4. Raja Maropat Toba

Panjajahan Belando

suntiang

Pado maso panjajahan Balando, pemerintah Balando mambantuk Keresidenan Tapanuli pado tahun 1910. Karesidenan Tapanuli tabagi ka 4 (ampek) wilayah nan disabuik afdeling dan kini kini takenal jo kabupaten atau kota, yaitu:[1]

  1. Afdeling Padang Sidempuan, nan kini manjadi Kabupaten Tapanuli Selatan, Kabupaten Mandailing Natal, Kabupaten Padang Lawas, Kabupaten Padang Lawas Utara, dan Kota Padang Sidempuan.
  2. Afdeling Nias, nan kini manjadi Kabupaten Nias dan Kabupaten Nias Selatan.
  3. Afdeling Sibolga dan Ommnenlanden, nan kini manjadi Kabupaten Tapanuli Tengah dan Kota Sibolga.
  4. Afdeling Bataklanden, nan kini manjadi Kabupaten Tapanuli Utara, Kabupaten Humbang Hasundutan, Kabupaten Toba Samosir, Kabupaten Samosir, Kabupaten Dairi, dan Kabupaten Pakpak Bharat.

Panjajahan Japang

suntiang

Pado maso penjajahan Jepang, bantuak pamarintahan di Keresidenan Tapanuli hampia tak barubah.

Mulo-mulo kemerdekaan RI

suntiang

Sasudah kemerdekaan, pamarintah Republik Indonesia pun tatap mambuek Tapanuli manjadi sabuah karesidenan. Ferdinand Lumban Tobing marupokan Residen Tapanuli nan partamo.

Ado sagetek parubahan dikarajoan pado namonyo.[2] Tapi pambagian wilayah tatap samo. Namo Afdeling Bataklanden misal diganti jadi Luhak Tanah Batak dan luhak partamo nan diangkek adolah Cornelius Sihombing nan pernah manggaduah sabagai Demang Silindung. Namo onderafdeling pun diganti jadi urung dan para demang nan mangumpuakan onderafdeing diangkek manjadi Kapalo Urung. Onderdistrik pun manjadi Urung Kecil nan dipimpin dek Kepala Urung Kecil nan dulu adolah sabagai Asisten Demang.[1]

Siring jo perjalanan sajarah, pamarintah di Keresidenan Tapanuli pernah dibagi dalam 4 (ampek) kabupaten, yaitu:

  1. Kabupaten Silindung
  2. Kabupaten Samosir
  3. Kabupaten Humbang
  4. Kabupaten Toba

Kultural Batak Toba

suntiang

Batak Toba adolah sabuah kesatuan budaya. Batak Toba indak harus tingga di wilayah geografis Toba, walaupun asal-usulnyo adolah Toba. Sabana ko Urang-Urang bangso lain, Urang bangso Batak Toba pun bermigrasi ka daerah-daerah nan labiah mamjanjikan panghirangan nan labiah ancak. Contoh, mayoritas panduduak asli Silindung adolah marga-marga Hutabarat, Panggabean, Simorangkir, Hutagalung, Hutapea dan Lumbantobing. Padahal nan anam marga tu adolah katurunan Guru Mangaloksa nan salah-si surang anak Raja Hasibuan di wilayah Toba. Sarupo itu juo marga Nasution nan kabanyakan tingga wilayah Padang Sidimpuan adolah saudara marga Siahaan di Balige, pasti kaduo marga ko adolah turunan leluak nan samo. Batak Toba sabagai kasatuan kultural pasti bisa manyebar ka babagai suduik malalui batas-batas geografis asal leluaknyo, si Raja Batak yaitu wilayah Toba nan sacaro spesifik adolah Desa Sianjur Mulamula talatak di langik Gunuang Pusuk Buhit, kiro-kiro 45 minik bakandua dari Pangururan, Ibu kota Kabupaten Samosir, kini.[1]

Panyerahan kedaulatan awal 1950

suntiang

Katiko panyerahan kedaulatan pado awal 1950, Keresidenan Tapanuli nan alah disatuikan dalam Provinsi Sumatra Utara dibagi dalam 4 (ampek) kabupaten baru, yaitu:[2]

  1. Kabupaten Tapanuli Utara (sebelumnya Kabupaten Tanah Batak)
  2. Kabupaten Tapanuli Tengah (sebelumnya Kabupaten Sibolga)
  3. Kabupaten Tapanuli Selatan (sebelumnya Kabupaten Padang Sidempuan)
  4. Kabupaten Nias

Kini

suntiang
 
Paninggalan Persidangan para rajo, ado di Tomok, Pulau Samosir

Di Desember 2008 ko, Keresidenan Tapanuli disatuan dalam Provinsi Sumatra Utara. Toba kini ko masuak dalam wilayah Kabupaten Toba Samosir nan bairibu kota di Balige. Kabupaten Toba Samosir dibuek berdasarkan Undang-Undang No 12. Tahun 1998 tentang pambentukan Kabupaten Daerah Tingkek II Toba Samosir dan Kabupaten Mandailing Natal, di Daerah Tingkek I Provinsi Sumatra Utara. Kabupaten Toba Samosir ko marupokan pamekaran dari Daerah Tingkek II Kabupaten Tapanuli Utara.[2]

Marga pado Urang Batak Toba

suntiang

Marga atau namo kaluarga adolah bagian namo nan marupokan pertanda dari kaluarga nan inyo datang. Urang Batak taruih punyo namo marga atau namo kaluarga nan dikecekan di akhir namo. Namo marga ko di ambiak dari garisan keturunan apak sabagai garisan keturunan patrilineal nan salajengnyo ka ditarusanan ka turunannyo sacaro taruih taruih. Marga urang Batak Toba surang tagolong banyak, dan satiok marga punyo sajarah gareh turun-tunjuang masiang-masiang.[2]

Rumah adaik

suntiang
 
Rumah Bolon atau Jabu Bolon, rumah adaik urang Batak Toba.

Rumah adaik Batak Toba Sumatera Utara - Rumah adaik Batak Toba disabuik Rumah Bolon, nan punyo bangunan ampek persegi nan kadang-kadang ditampuah dek 50 kaluarga. Masuak Rumah Bolon ko harus naiak tangga nan barado di tangah-tangah rumah, jo jumlah anak tangga nan ganjil. Kalau urang nio masuak rumah tu, harus manunduak kapalo bia ndak tabantak ka balok nan malailang. Manundukkan kapalo dimaknai sabagai bantuak panghormatan tamu ka si pemilik rumah.

Babeda jo rumah-rumah Batak di daerah pasisia, pintu rumah di daerah Batak Toba bantuak pintu kolong nan ado di bawah lantai rumah. Bagian dalam rumah indak punyo bagian dalam nan tapisah tapi mambantuk ciek ruangan gadang nan bakukuran 20 sampai 40 kaki. Rumah batak toba pado umumnyo dibangun jo manggunoan bahan-bahan bangunan nan rancak. Manampekan tanda-tanda kaahlian nan tinggi, dan banyak di antaro rumah-rumah tu nan turut dihiasi jo ukiran dan lukisan.[2]

Agamo

suntiang
 
Gereja Batak Toba di desa Nainggolan.

Sabalun masyarakaik Batak Toba tau agamo Kristen, kapercayoan leluhur, yaitu Parmalim, alah manjadi sabuah kapercayoan urang Batak Toba sacaro turun-temurun. Namun, dari tahun 1863, misionaris asal Jerman yaitu Ludwig Ingwer Nommensen atau urang Batak labiah kenal jo Ingwer Ludwig Nommensen atau diokan Nommensen, tibo di Tanah Batak, tu manyebarkan agamo Kristen Protestan di antaro Urang Batak. Sabalun Nommensen, babarapo misionaris alah manyebarkan agamo Kristen di Tanah Batak, akan tapi alun berhasil.[3] Nommensen barasa dari Jerman, tapi labiah takenal di Indonesia.[3] Hasil dari karajonyo adolah tadiri sabuah gereja tagadang di tangah-tangah Urang bangso Batak Toba yaitu Huria Kristen Batak Protestan (HKBP).[3]

Kristen Katolik diperkenalkan pado tahun 1934 dek Missionaris Katolik Balando banamo Sybrandus Van Rossum.

Kristen Katolik batumbua signifikan pado awal tahin 1950 an, wilayah Batak Toba nan punyo populasi Kristen Katolik nan cukuik gadang yaitu disekitar Pulau Samosir dan Danau Toba serta di sakitar Kecamatan Andam Dewi di wilayah Tapanuli Tengah.[4]

Kini ko minimal +-11% populasi Batak Toba marupokan pandukuik Gereja Katolik Roma. Samo jo Komunitas Protestan baarang Lutheran, Katolik Roma maambiak adaik Batak dalam komunitas keagamaan.

Kini ko, Urang Batak Toba pado umumnyo mameluk agamo Kristen, sahinggo urang Batak Toba labiah idéntik sabagai urang Batak dan baagama Kristen, khusus Kristen Protestan. Konsentrasi sakitar 98% urang Batak Toba maamoan agamo Kristen jo detail Protestan 87% dan Kristen Katolik Roma 11%. Kamudian, sebagian ketek maadoan agamo Islam sakitar 2% dan sebagian ketek masih manganduang kayakinan Parmalim nan tingga di Pulau Samosir tapi kini ko jumlahnyo sangaik saketek, sakitar 0,01% dari total panduduak Urang Batak Toba.[4]

Rujuakan

suntiang
  1. ↑ a b c d e Jacob Cornelis Vergouwen, Masyarakat dan hukum adat Batak Toba
  2. ↑ a b c d e reid, anthony (2014). Sumatera tempo doeloe. depok: komunitas bambu. pp. 215. ISBN 979-3731-94-x. 
  3. ↑ a b c (Indonesia)F.D. Willem. 1987. Riwayat Hidup Singkat Tokoh-Tokoh Dalam Sejarah Gereja. Jakarta: BPK Gunung Mulia. Hlm. 198, 199.
  4. ↑ a b "Toba Batak in Indonesia". www.joshuaproject.net. Diakses tanggal 17 Januari 2023. 

Sumber jo bacaan

suntiang
  • Ramlo R. Hutabarat, Opini: Tapanuli, Dari Suatu Masa Pada Suatu Ketika, Harian Sinar Indonesia Baru (SIB) edisi Jumat, 5 Januari 2007
  • D. J. Gultom Raja Marpodang, Dalihan Natolu Nilai Budaya Urang Batak, tentang Struktur Wilayah Pemerintahan Harajoon Batak
  • ALMANAK HKBP
  • Laris Kaladius Sibagariang (Sumber Lisan), seorang yang dituakan dan kepala adaik, di Hutarajo Sipoholon.

Pranala lua

suntiang

.

Diambiak dari "https://min.wikipedia.org/w/index.php?title=Urang_Batak_Toba&oldid=2503618"