Universitas Kairo
Universitas Kairo (bahaso Arab: جامعة القاهرة) adolah perguruan tinggi negeri di Giza, Mesir. Didirian sabagai perguruan tinggi swasta pado tahun 1908, Universitas Kairo marupoan universitas sekuler nan partamo di Mesir. Katiko didirian, universitas iko disabuik Universitas Mesir (Egyptian University) nan kamudian baganti namo sabagai Universitas Fuad sasudah wafatnyo Sultan Fuad I.[1]
جامعة القاهرة Gāmaʿat al-Qāhirah | |
 | |
Nama sebelumnya | University Mesir(1908-1925) Universitas Fuʾād I (1925-1952) |
|---|---|
| Jinih | paguruan tinggi negeri |
| Ditagakan | 1908 |
| Presiden | Prof. Dr. Hossam Mohamed Kamel |
Staf akademik | 12.158 |
| Jumlah mahasiswa | 200.000 |
| Lokasi | , , |
| Kampus | dalam kota |
| Situs web | www.cu.edu.eg |
Sijarah
suntiangDi antaro pancetus jo pandirian Universitas Mesir tadapek tokoh-tokoh pantiang Mesir sarupo Pangeran Ahmed Fuad dari pihak karajaan, Mustafa Kamil (nasionalis pendiri Partai Watani jo tokoh anti imperialisme), Saad Zaghlul (hakim nan kamudian jadi menteri pendidikan), Qasim Amin (hakim), sarato jo Muhammed Abduh (mufti). Sabalumnyo, usul pandirian universitas alah dikamukoan dek birokrat katurunan Armenia, Yaqub Artin jo Jurji Zaydan (wartawan Suriah, editor majalah al-Hilal).[2]
Pado tahun 1894, Yaqub Artin mangusulkan pandirian sakolah tinggi profesi nan dapek dijadian dasa untuak manjadi pandirian universitas. Sasudah maningganyo Mustafa Kamil jo Qasim Amin pado 1908, Khedive Abbas maabiak alih proyek pandirian universitas, nan kamudian manugaskan Putra Makhota Abd al-Munim sabagai rektor kahormatan. Kaampek pangeran lainnyo, Husayn Kamil, Umar Tusun, Muhammed Ali, jo Ahmed Fuad ditunjuak sabagai pimpinan universitas. Namun hanyo Ahmed Fuad nan basadio. Sasudah disatujui dek Inggris, Pangeran Fuad manjadi rektor partamo universitas pado tahun 1907.[2]
Pado Mei 1908, dewan administrasi dipiliah istano untuak proyek pandirian universitas. Pangeran Fuad I sabagai rektor didampingi dek pagawai istano Ahmed Zaki sabagai sekretaris. Duduak sabagai anggota dewan, Dr. Alwi Pasha (dokter pribadi saudara padusi Fuad, Putri Fatima Ismail) jo Yusuf Sadiq dari Partai Reformasi Khedive. Birokrat nan basadio manjadi anggota dewan universitas adolah Husayn Rushdi, Ibrahim Najib, Abd al-Khaliq Tharwat, jo Yaqub Artin. Putri Fatima Ismail marupoan panyumbang paliang gadang dalam pandirian Universitas Mesir. Inyo manyumbangkan tanah wakaf saluweh 600 feddan (252 hektare), pahiasan sanilai 18.000 paun mesir, jo 6 feddan (2,52 hektare) untuak mandirian kampus di dakek istanonyo di Bulaq al-Dakrur, Giza.[2]
Universitas Mesir diresmian pado tanggal 21 Desember 1908 dengan upacara di Aula Dewan Legislatif. Hadir dalam upacara paresmian, Khedive Abbas II jo kapalo negara sahabat. Gedung partamo Universitas Mesir adolah rumah nan gadang nan disewa dari pangusaho rokok Yunani, Nestor Gianaclis. Gedung tasabuik kiniko dijadian gedung administrasi Universitas Amerika di Kairo. Universitas mangalami kasulitan kauangan samaso Parang Dunia II, dan kampus dipindahan ka Istano Mohammed Sedky di Jalan Al-Falaky, dan babarapo lokasi lain.[3]
Universitas awalnyo hanyo mampunyoi dosen paruah wakatu nan maaja mato kuliah sastra, sijarah, jo filsafat. Sambia manunggu kapulangan mahasiswa nan dikirim ka lua nagari dalam rangko pandidikan dosen, dari 1908 hinggo 1925, universitas iko saindaknyo marekrut 9 urang dosen dari Dar-ul-Ulum jo Sakolah Kadi. Staf pangajar lainnyo didatangan dari Eropa, tarutamo dari Prancis, Jerman, jo Italia. Bahaso pangantar bagantuang kapado mato kuliahnyo: bahaso Arab untuak kuliah nan bakaitan jo Islam dan Arab, bahaso Prancis, jo bahaso Inggris. Satu-satunyo pangajar bakabangsoan Inggris adolah Percy White nan manjadi direktur sastra Inggris.[3]
Pado tahun 1925, Sultan Fuad mangubah status Universitas Mesir manjadi paguruan tinggi negeri. Pado wakatu itu alah ado ampek fakultas: seni, sains, kedokteran, jo hukum. Fakultas Teknik, Fakultas Perdagangan, jo Fakultas Pertanian didirian kamudian pado tahun 1935. Sasudah Sultan Fuad I wafat, universitas iko baganti namo manjadi Universitas Fuad I sabelum disabuik Universitas Kairo sasudah runtuahnyo sistem monarki pado tahun 1952.[4]
Fakultas
suntiang- Fakultas Sains Archived 2019-01-04 di Wayback Machine.
- Fakultas Pertanian
- Fakultas Arkeologi
- Fakultas Seni
- Fakultas Perdagangan Archived 2010-01-14 di Wayback Machine.
- Fakultas Komputer jo Ilmu Informasi
- Fakultas Dar El-Ulum Archived 2019-08-27 di Wayback Machine.
- Fakultas Kedokteran Gigi Mulut Archived 2017-07-18 di Wayback Machine.
- Fakultas Ekonomi jo Ilmu Politik Archived 2012-10-29 di Wayback Machine.
- Fakultas Teknik
- Fakultas Hukum
- Fakultas Komunikasi Massa Archived 2021-04-27 di Wayback Machine.
- Fakultas Kedokteran Archived 2008-12-05 di Wayback Machine.
- Fakultas Farmakologi Archived 2008-09-08 di Wayback Machine.
- Fakultas Fisioterapi Archived 2020-08-03 di Wayback Machine.
- Fakultas Regional dan Perencanaan Perkotaan
- Fakultas Kedokteran Hewan Archived 2021-11-03 di Wayback Machine.
Rujuakan
suntiang- ↑ Lulat, Y. G.-M. (2005). A history of African higher education from antiquity to the present: a critical synthesis. Greenwood Publishing Group. p. 126. ISBN 0-3133-2061-6. https://archive.org/details/isbn_9780313320613.
- ↑ a b c "Cairo University Historical snapshots Part (1)". Cairo University. Diakses tanggal 2021-04-27.
- ↑ a b "Cairo University Historical snapshots Part (2)". Cairo University. Diakses tanggal 2021-04-27.
- ↑ Setuju. "UNIVERSITAS KAIRO ~ Sttyuppentek ~ Free Encyclopedia". www.sttyuppentek.ac.id (dalam bahasa Inggris). Diarsipkan dari versi asli tanggal 2021-04-27. Diakses tanggal 2021-04-27.
Pautan lua
suntiang| Wikimedia Commons mampunyoi media nan bahubuangan jo Cairo University |