Taman Hutan Raya Bung Hatta
Taman Hutan Raya Bung Hatta adolah sabuah kawasan cagar alam hutan primer Sumatra Barat nan baguno untuak melestarikan plasma nutfah, palinduangan sumber daya alam, pendidikan dan penelitian, pembinaan cinta alam, dan sekaligus sebagai tampek rekreasi. TRBH marupokan bagian dari Taman Nasional Kerinci Seblat.
| Taman Hutan Raya Bung Hatta | |
|---|---|
| Berkas:Welcome THBH.jpg Sambutan di Pintu Masuk Kawasan TRBH | |
| Informasi Umum | |
| Jenis | Cagar Alam |
| Lokasi | Indarung, Lubuk Kilangan, Padang |
| Koordinat | 0°48.5′S 100°26′E / 0.8083°S 100.433°E |
| Tahun Berdiri | 1955 |
| Dioperasikan oleh | Badan Pelaksana Pengelolaan Taman Hutan Raya Dr. Mohammad Hatta |
| Status | Terbuka untuk umum |
Sijarah
suntiangKawasan iko sebelumnyo marupokan lokasi Kebun Raya Setia Mulya nan peresmiannyo dilakukan langsuang oleh Wakil Presiden Republik Indonesia, Dr. Mohammad Hatta di tahun 1955. Pado maso itu, pengelolaan kawasan iko marupokan tanggung jawab Lembaga Ilmu Pengetahuan Alam atau nan saat iko dikenal jo sabutan LIPI. Tahun 1961 pengelolaan kawasan disarahkan kapado Pemerintah Daerah Tingkat I Sumatra Barat dan pada tahun 1981 pengelolaan disarahkan kepado Universitas Andalas. Pada tanggal 12 Agustus 1986, Wakil Presiden Umar Wirahadikusumah mangubah namo kawasan iko manjadi Taman Hutan Raya Dr. Mohammad Hatta malalui Keputusan Presiden No. 35 Tahun 1986 dengan luas 240 hektare dan dikelola oleh Departemen Kehutanan. Untuak pangambangan di masa depan, luas kawasan iko kemudian manjadi 70.000 hektare lebih.[1] Di tanggal 31 Januari 1991, pangelolaan kawasan iko disarahkan kapado Pemerintah Daerah Tingkat II Kotamadya Padang dan salanjuiknyo mambantuak Badan Pelaksana Pengelolaan Taman Hutan Raya Dr. Mohammad Hatta nan tadiri atas unsur-unsur Pemerintah Daerah Tingkat II Kotamadya Padang, Universitas Andalas, dan instansi terkait.[2]
Topografi
suntiangLuas keseluruhan kawasan mancapai 70 ribu hektare. Sacaro umum kawasan iko marupokan kawasan pegunungan dan perbukitan nan barado pada ketinggian 300-700 m dpl sarato marupokan bagian dari jajaran Bukit Barisan nan mambantang dari utara ka selatan.
Dibandiangkan jo pusat Kota Padang, suhu di kawasan TRBH cukuik sajuak bekisar antaro 19-26˚C. Sadangkan curah hujan rato-rato di kawasan iko cukuik tinggi mancapai 6.000-7.000 mm/tahun dengan kelembaban udaro berkisar antaro 52-89%.[2]
Arah angin di bulan April-Mei umumnyo mangarah ka timur dan barambuih dari arah Barat dan Barat Laut. Sadangkan di bulan Juni-September, angin barambuih dari Timur atau Tenggara ka arah Barat. Berdasarkan data tersebut di ateh, iklim di area TRBH tamasuak tipe iklim A berdasarkan klasifikasi iklim menurut Schmidt dan Fergusson.[3] Kawasan TRBH marupokan kawasan perembesan aia tanah bagi Kota Padang. Tanah panutuik nan mandominasi terdiri atas bongkahan batu andesit, pasir lanau, dan pasir lempung nan mengindikasikan bahwa perembesan air balangsuang lambek sampai sedang, tarutamo di bagian utara dan selatan area TRBH.
Di dalam kawasan TRBH mangalir 14 buah sungai, babarapo diantaronyo bamuaro ka Padang, sarpo Batang Arau, Batang Kuranji, dan Batang Air Dingin.
Sumber daya alam
suntiangTRBH marupokan sebuah 'surga' tropis nan manjanjikan dengan bantuak bentang alamnyo nan bergelombang dan curam ditumbuahi dek beraneka ragam jenis tanaman tropis nan masih asli dan dihuni dek ratusan jenis binatang khas Pulau Sumatra.
Kondisi nan unik manjadikan kawasan iko sabagai medan jelajah dan pengamatan satwa liar. Di kawasan iko tadapek 352 jenis flora dan 170 jenis fauna nan dilindungi.[1]
Flora
suntiangDaya tarik utamo dari taman iko adolah bungo raksasa, Rafflesia arnoldii, bungo paliang gadang di dunia. Diagiah namo Rafflesia arnoldii sasuai jo nama Wakil Gubernur Pemerintahan Inggris, Sir Thomas Stamford Raffles nan pernah tingga di Bengkulu dalam waktu nan lamo, dan ahli botani Joseph Arnold nan partamo kali manamukan bungo iko di lereng pagunuangan Bukit Barisan.[4]
Bungo iko adolah suatu keajaiban nan langka. mamaralukan wakatu sampai 10 bulan untuak berkembang dan hanyo kambang salamo sekitar 15 hari. Katiko kambang sacaro panuah, mampunyoi diameter satu meter. Tanaman iko indak punyo akar jo batang, tetapi tadiri dari banang sarupo tumbuhan tanaman manjala. Bung0-bungonyo biasonyo kambang antaro bulan Juli dan September. Bungo iko terkenal bukan karano ukurannyo nan gadang, tapi karano baunnyo nan busuak.[4]
Flora lainnyo nan dapek ditamukan antaro lain: kuweni (Mangifera indica), sirsak (Annona muricata), srikaya (Annona reticulata), durian (Durio zibethinus), kemiri (Aleurites moluccana), Antidesma montanum, Aporusa benthamiana, Bischofia javanica, Clauxylon polot, Euphorbia pulcherrima, Glochidion obscurum, Mallotus paniculatus, kulit kayu manis (Cinnamomum burmannii), dan sebagainya.[2]
Fauna
suntiangFauna nan dapek ditamui di TRBH antaro lain: kambing hutan (Nemorrhaidus sumatrensis), kijang (Muntiacus muntjak), rusa (Cervus unicolor), tapir (Tapirus indicus), harimau sumatera (Panthera tigris sumatrensis), beruk (Macaca nemestrina), kera ekor panjang (Macaca fascicularis), siamang (Hylobates syndactylus), rangkong (Buceros), dan sebagainya.[2]
Fasilitas
suntiangKawasan TRBH mampunyoi pintu masuak nan dilengkapi dengan loket tampek manjua karcis. Di area utamo tasadio tampek parkir nan cukuik laweh. Di area iko juo disadiokan fasilitas guest house dengan kapasitas 50 orang sakaligus ada juo ruang makan dan toilet umum nan cukuik layak pakai. Nan indak kalah pantiang, di kawasan iko juo tasadio tampek beribadah.
Koleksi sejarah barupo dukumentasi dari Dr. Mohammad Hatta dapek dicaliak di pusat informasi. Patung Dr. Mohammad Hatta sarato taman dan beberapa gazebo nan dihubungkan oleh jalan setapak nan tertata dengan rapi melengkapi fasilitas panunjang yang dimiliki oleh kawasan iko.
Akses
suntiangKawasan Hutan Raya dibatasi dek Sungai Lubuak Paraku di sisi utara, sisi barat dibatasi dek Jembatan Lubuak Paraku, selatan dibatasi dek Sungai Baliang dan Bukit Karang, sarato sisi timur dibatasi dek Panorama II.
TRBH mampunyoi aksesibilitas nan relatif mudah sarato sarana jalan nan cukuik memadai. Sacaro umum, kawasan barado di pinggir jalan raya manunju Kota Solok sahinggo pengunjung dapek manggunokan jaso transportasi Padang-Solok. Secaro rinci aksesibilitasnyo sebagai berikut:
- Jarak tampuah dari pusat Kota Padang adalah: ± 20 km.
- Jarak tampuah dari Kota Solok: ± 30 km.
- Jarak tampuah dari Danau Diatas dan Danau Dibawah: ± 30 km.
- Jarak tampuah dari Danau Singkarak: ± 45 km.
- Jarak tampuah dari Bandar Udara Internasional Minangkabau: ± 50 km.
- Jarak tampuah dari Bukittinggi: ± 100 km.
Rujuakan
suntiang- ↑ a b "Taman Hutan Raya Bung Hatta" (dalam bahasa Inggris). Padang: Dinas Kebudayaan dan Pariwisata Kota Padang. Diarsipkan dari versi asli tanggal 2014-02-22. Diakses tanggal 29-01-2014.
- ↑ a b c d "Taman Hutan Raya Bung Hatta". Padang: Dinas Kebudayaan dan Pariwisata Kota Padang. Diarsipkan dari versi asli tanggal 2014-02-22. Diakses tanggal 29-01-2014.
- ↑ Schmidt, F.H.; Ferguson, J.H.A (1951) (dalam bahaso Inggris). Rainfall type based on wet and dry period ratio for Indonesia with Western New Gurinea. Kementerian Perhubungan.
- ↑ a b "Taman Hutan Raya Bung Hatta". Kementerian Pariwisata dan Ekonomi Kreatif Republik Indonesia. Diakses tanggal 29-01-2014.