Siamang
| Siamang | |
|---|---|
| |
| Conservation status | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Mammalia |
| Order: | Primates |
| Family: | Hylobatidae |
| Genus: | Symphalangus Gloger, 1841 |
| Species: | S. syndactylus |
| Namo binomial | |
| Symphalangus syndactylus (Raffles, 1821) | |
Siamang (Symphalangus syndactylus) adolah karo hitam balangan panjang yang biaso hiduik di batang-batang pohon.[1] Pado umumnyo, siamang marupoan hewan yang sangaik tangkeh saaik bagerak di ateh pohon. Sahinggo indak ado predator yang dapek manangkok hewan ko. Siamang tamasuak ka dalam spesies tarancam. Panyebabnyo apo lai kalau indak dek deforestasi habitatnyo yang balangsuang capek.[1] Siamang indak mamliki ikua. Salain tu, hewan ko mamiliki postur tubuah yang kurang tagak.[2] Siamang tamasuak ka dalam hewan yang mamiliki pakambangan utak yang tinggi.[1] Siamang mamiliki warna hitam agak coklat kamerahan.[1] Karo ko mamiliki anyaman antaro jari kaduo jo ketigonyo.[1]
Anatomi suntiang
Rambuik suntiang
Siamang punyo rambuik yang labek di sabagian banyak tubuhnyo, kacuali muko, jari, talapak tangan, katiak, jo talapak kaki.[1] Babarapo spesies siamang mamiliki wajah babantuak cicin sarato bawarna putiah.[1]
Indra suntiang
Siamang mamiliki indra yang sangaik mirip jo manusia, saperti kemampuan pandanga an, panglihatan (meliek warna), bau, raso, jo sentuhan.[1]
Muko suntiang
Siamang mamiliki muko babulu jo mato galok sarato hiduang baukuran ketek.[1]
Tangan jo Kaki suntiang
Siamang mamiliki tangan dengan ampek jari panjang ditambah jempol yang labiah ketek. Hewan ko mamiliki kaki dengan limo jari, ditambah jempol kaki.[1] Siamang dapek mamaciak sarato mambawok barang-barang dengan kaduo tangan jo kakinyo.[1] Katiko hewan ko malakuan ayunan di pohon (disabuik brachiating), inyo manggunoan ampek jari tangan nyo mirip jo kaia, tapi inyo ndak dapek manggunoan jempol.[1]
Gadang suntiang
Siamang jantan mamiliki ukuran yang samo jo siamang batino, yaitu sakitar 30-35 inci sarato barek 7 kilogram.[1]
Habitaik suntiang
Siamang banyak hiduik di Asia Tenggara.[2] Hewan ko banyak pulo ditamuan di wilayah lainnyo samisa Semenanjung Malaysia sarato Sumatra.[2][3]
Parilaku suntiang
Siamang marupoan hewan yang labiah aktif pado siang hari.[4] Hewan ko basosialisasi dalam kelompok-kelompok ketek yang tadiri dari duo sampai tigo ikua siamang.[4] Babeda jo karo lainnyo, siamang indak punyo tampel khusus untuak lalok.[4] Inyo hanyo lalok surang atau basamo jo babarapo ikua siamang di calah anta cabang pohon.[4]
Hewan ko lalok dengan posisi tagak, siap tu basanda pado bantalan kareh yang talatak di ujuang balakangnyo.[4] Bantalan ko disabuik pulo jo ischial callosities.[4] Salain tu, siamang mamiliki kantuang tenggorokan yang biaso disabuik kantuang gular.[4] Kantuang ko dapek mangambang manjadi gadang saperti kapalonyo yang bafungsi mambuek pita suaro labiah kareh.[4]
Dalam kaadaan bahayo, siamang batino akan mangalua an suaro yang nyariang, siap tu diikuik an dek siamang jantan salamo tigo sampai limo baleh menit.[4] Suaro hewan ko dapek tadanga dari jarak sakita 6,5 km.[4] Siamang indak dapek baranang, tu takuik pulo jo aia.[4] Siamang dapek batahan hiduik sakitar 35-40 tahun.[4]
Makanan suntiang
Siamang marupoan hewan omnivora. Sakitar 75% makanannyo adolah buah, sisanyo daun, bungo, biji-bijian, jo kulik kayu.[1] Hewan ko bisa juo mamakan saranggo, laba-laba, talua buruang, jo buruang ketek.[1] Karano takuik aia, siamang akan mancelup an kaki mukonyo ka dalam aia atau manggosok an tangannyo pado daun yang basah, tu mahisok aia pado bulu kakinyo sabagai minuman.[4]
Reproduksi jo patumbuhan suntiang
Siamang mulai bakambang biak pado umua 5-7 tahun.[5] Siamang batino malahian anaknyo pado umua 8 bulan.[5] Siamang yang lahia punyo rambuik yang saketek dari siamang yang gadang, sarato mamiliki barek sakita 6 ons.[5] Induak siamang mamaliharo bayinyo yang masih mudo.[5] Sangkek lahia, siamang mudo manempe pado paruik induaknyo untuak mandapek an kahangatan.[5] Inyo disapiah sakita 1 tahun. Siamang mudo hiduik basamo induaknyo sakita 5-7 tahun.[5]
Status suntiang
|
||||
| Kesulitan mendengarkan berkas ini? Lihat bantuan. | ||||
Siamang marupoan hewan yang tarancam punah.[6] Iko dikaranoan banyaknyo panangkapan siamang yang dijadian pasaran panjualan hewan palihara.[6] Untuak mancagah punahnyo siamang, diperaluan campua tangan pamerintah dalam manjadian kabaradaan siamang sabagai objek wisata jo riset sahinggo dapek mandatang an manfaaik bagi daerah tanpo harus mangganggu atau manangkok satwa ko.[6]
Rujukan suntiang
| Wikimedia Commons mampunyoi media nan bahubuangan jo Siamang |
| Wikispecies mempunyai informasi mengenai |
- ↑ a b c d e f g h i j k l m n o (Inggirih) All About Gibbons, www.enchantedlearning.com. Diakses pada 12 Juni 2010.
- ↑ a b c (Inggirih) Siamang Archived 2012-01-24 di Wayback Machine., www.honoluluzoo.org. Diakses pada 12 Juni 2010.
- ↑ Supriatna, Jatna (2008). Melestarikan alam Indonesia. Jakarta: Yayasan Obor Indonesia. pp. 20. ISBN 9789794616963. https://books.google.co.id/books?id=OV8LAQAAMAAJ&q=warung,+nyaeta&dq=warung,+nyaeta&hl=id&sa=X&ved=2ahUKEwjsqL2SntXuAhWZc30KHbSLDzUQ6AEwAHoECAAQAg. Diakses pado (diakses – 7 Feb 2021).
- ↑ a b c d e f g h i j k l m (Inggirih) Siamang Archived 2013-10-13 di Wayback Machine., mongabay. Diakses pada 15 Juni 2010.
- ↑ a b c d e f (Inggirih) Toy Camel Gives Baby Gibbon Hope, news.sky.com. Diakses pada 15 Juni 2010.
- ↑ a b c Habitat Siamang Makin Terancam Archived 2010-11-12 di Wayback Machine., www.kapanlagi.com. Diakses pada 15 Juni 2010.