Wikipedia

Durian

Durian
Klasifikasi ilmiah
Kingdom: Plantae
(unranked): Angiospermae
(unranked): Eudikotil
(unranked): Rosidae
Order: Malvales
Family: Malvaceae
Subfamily: Helicteroideae
Tribe: Durioneae
Genus: Durio
L.
Tipe spesies
Durio zibethinus
L.
Species

Kini ko ado 30 spesies nan tanamo (caliak Daftar spesies durian)

Native distribution of D. zibethinus, the common durian
     Panyebaran asli D. zibethinus[1]     Panyebaran eksotik D. zibethinus[2]
Sinonim

Lahia Hassk.[3]

Durian (/ˈdjʊriən/)[4] adolah namo babagai jinih spesies tumbuahan dari genus Durio. Namo "durian" ko baasa dari bahaso Malayu iyolah kato "duri" dek karano banyak kuliknyo nan lancik-lancik, sarato akiaran "-an". Saindaknyo ado 30 jinih spesies Durio nan lah dikataui, sakurang-kurangnyo sambilan jinih buahnyo dapek dimakan, bahkan diThailand alah dikambangkan labiah dari 300 varitas.[5] Durio zibethinus umumnyo adolah spesies nan tadapek di pasaran international: spesies-spesies lain biasonyo dijual sacaro lokal. Kini ko ado baratuih-ratuih kultivar durian; nan sasuai jo minaik tatantu konsumen lokal sainggo arago kultivar spesifik tu labiah tinggi di pasa.

Acok disabuik jo banyak urang di Asia tenggara sabagai "si rajo buah",[6] ciri kusuih durian adolah ukurannyo nan gadang, baunnyo nan tajam, sarato duri-duri nan manutuiki kuliknyo. Buahnyo dapek tumbuah inggo sagadang 30 centimeters (12 in) jo diameter 15 centimeters (6 in), jo barek umumnyo biasonyo ciek inggo tigo kilogram (2-7 lb). Bantuak buahnyo dari lonjong inggo bunda, warno kulik dari ijau inggo coklat, jo dagiang buahnyo dari kuniang pucek inggo sirah, tagantuang jo spesiesnyo.

Buah nan dapek dimakan mangaluaan baun nan kusuih manyangek nan tatap taseba bahkan katiko kuliknyo masiah rapek. Ado urang nan suko kapado baun durian tu, ado pulo nan indak. Baun durian acok lamo malakek tu mambuek buah ko dilarang di hotel-hotel jo transportasi umum di babarapo tampek di Asia Tenggara.

Durian adolah tumbuahan asli Asia Tenggara, dan sudah dikana di dunia Barat salamo 600 taun. Naturalis Inggirih abaik ka-19, Alfred Russel Wallace, manggambaan dagiang buahnyo sarupo "saus kustar nan kayo jo aroma almond". Buahnyo biaso dimakan satalah masak atau agak matah, dan dipakai dalam babagai masakan gurih atau manih pado seni masak Asia Tenggara. Incek durian dapek dimakan sasudah diabuih.

Taksonomi

suntiang
 
Bungo durian biasonyo tatutuik pado siang ari.

Durio sensu lato tadiri dari 30 spesies nan lah dikataui.[7] Durio sensu stricto maliputi 24 dari spesies tasabuik. 6 spesies nan tamasuak dalam Durio s.l. kini dianggok babarapo panaliti sabagai bagian genus tapisah, yaitu Boschia.[8][9] Durio s.s. jo Boschia punyo karakteristik vegetatif nan indak dapek dibedoan dan banyak karakteristik bungonyo nan samo. Pabedoan paliang nyato di antaro kaduonyo adolah salubuang banang sari tabukak babantuak lubang-lubang apeks pado Boschia, sadangkan pado Durio s.s. banantuak calah nan mamanjang.[10] Duo genera iko mambantuak ciek klad, nan mambantuak suku Durioneae basamo genus lainnyo, yaitu Cullenia. Katigo genera tasabuik mambantuak klad nan baciri banang sari nan sangaik tamodifikasi (mono- jo polythecate, bukannyo bithecate).[8]

Genus Durio ditampekan jo babarapo taksonomis dalam famili Bombacaceae, atau dek lainnyo dalam Malvaceae nan maliputi Bombacaceae sarato 7 famili lainnyo nan labaiah ketek dari genera Durionaceae.[3][11][12]

Durio acok dimasuakan dalam Bombacaceae karano adanyo banang sari monothecate, dan bukannyo banang sari bithecate nan biaso ditamuan pado jinih-jinih kapeh (dan sacaro umumnyo angiospermae). Tapi, panalitian-panalitian patamo taradok filogeni kapeh manggunoan data molekuler mampaliekan baso suku Durioneae aruihnyo ditampekan pado subfamili Helicteroideae nan tamasuak juo dalam Malvaceae. Para panaliti riset tu punyo hipotesa baso banang sari monothecate kamungkinan gadang baevolusi sacaro konvergen pado Durioneae jo pado klad Malvatheca (nan maliputi Malvaceae s.l. subfamili Malvoideae dan Bombacoideae).[13][14]

Dekripsi

suntiang
 
Batang durian mudo di Malaysia. Spesies nan lah tuo dapek mancapai tinggi inggo 50 meter (164 kaki)

Batang durian cukuik gadang, tingginyo mancapai 25–50 meter (80–164 kaki) tagantuang spesiesnyo.[7] Daunnyo ijau taruih, babantuak bulek talua inggo lonjong jo panjangnyo 10–18 sentimeter (4–7inci). Bungonyo tumbuah bakalompok dari tigo inggo tigo puluah pado batang-batang cabangnyo sarato batang gadangnyo, di mano tiok bungonyo punyo daun kalopak bungo sarato limo (kadang ampek atau anam) mahkota bungo. Batang durian babungo jo babuah sakali atau duo kali sataun, wakatunyo tagantuang jo spesies, kultivar, jo daerah tampek tumbuahnyo. Umumnyo batang durian babuah satalah baumua ampek inggo limo taun. Buah durian tagantuang pado batang-batang mano sajo, dan kiro-kiro masak tigo bulan satalah panyabuakan. Buahnyo dapek mancapai panjang inggo 30 centimeters (12 in) dan diameter 15 centimeters (6 in), dangan barek umum antaro ciek inggo tigo kilograms(2 to 7 lb).[7] Bantuaknyo dari lonjong inggo bunda, warno kuliknyo dari ijau inggo coklat, dagiang buahnyo dari kuniang pucek inggo sirah tagantuang spesiesnyo.[7] Diantaro spesies Durio nan takana, sambilan di antaranyo dikataui dapek dimakan: D. zibethinus, D. dulcis, D. grandiflorus, D. graveolens, D. kutejensis, D. macrantha, D. oxleyanus, jo D. testudinarum.[15] Ado banyak spesies nan buahnyo balun panah dipareso jo ditaliti sacaro mandalam, sainggo mungkin sajo ado lai spesies lain nan dapek dimakan.[7] Walaupun durian agak samo ruponyo jo cubadak, tapi spesies kaduonyo indak ado ubuangannyo.

Caliak pulo

suntiang

Catatan

suntiang

Rujuakan

suntiang
  1. ↑ Durio zibethinus at worldagroforestry.org
  2. ↑ A traveler´s guide to Durian Season at yearofthedurian.com
  3. ↑ a b "Durio L.".
  4. ↑ Pronunciation common to Oxford English Dictionary (edisi ke-2). Oxford University Press. 
  5. ↑ Morton, J. F. (1987). Fruits of Warm Climates. Florida Flair Books. ISBN 0-9610184-1-0. http://www.hort.purdue.edu/newcrop/morton/durian_ars.html. 
  6. ↑ Heaton, Donald D. (2006). A Consumers Guide on World Fruit. BookSurge Publishing. pp. 54–56. ISBN 1-4196-3955-2. 
  7. ↑ a b c d e Brown, Michael J. (1997). Durio – A Bibliographic Review. International Plant Genetic Resources Institute (IPGRI). ISBN 92-9043-318-3. https://books.google.com/books?id=3AcGwT0CdSwC&printsec=frontcover&source=gbs_ge_summary_r&cad=0#v=onepage&q&f=false. Diakses pado 20 Nopember 2008. 
  8. ↑ a b Nyffeler, Reto; Baum, David A. (2001-01-01). "Systematics and character evolution in Durio s. lat. (Malvaceae/Helicteroideae/Durioneae or Bombacaceae-Durioneae)". Organisms Diversity & Evolution. 1 (3): 165–178. doi:10.1078/1439-6092-00015. 
  9. ↑ Nyffeler, R.; Baum, D. A. (2000-03-01). "Phylogenetic relationships of the durians (Bombacaceae-Durioneae or /Malvaceae/Helicteroideae/Durioneae) based on chloroplast and nuclear ribosomal DNA sequences". Plant Systematics and Evolution. 224 (1-2): 55–82. doi:10.1007/BF00985266. ISSN 0378-2697. 
  10. ↑ Kostermans, A.J.G.H. 1958b.
  11. ↑ "USDA GRIN Taxonomy, Durionaceae".
  12. ↑ "Angiosperm Phylogeny Website – Malvales".
  13. ↑ Alverson, William S.; Whitlock, Barbara A.; Nyffeler, Reto; Bayer, Clemens; Baum, David A. (1999-10-01). "Phylogeny of the core Malvales: evidence from ndhF sequence data". American Journal of Botany. 86 (10): 1474–1486. ISSN 0002-9122. PMID 10523287. 
  14. ↑ Bayer, Clemens; Fay, Michael F.; De Bruijn, Anette Y.; Savolainen, Vincent; Morton, Cynthia M.; Kubitzki, Klaus; Alverson, William S.; Chase, Mark W. (1999-04-01). "Support for an expanded family concept of Malvaceae within a recircumscribed order Malvales: a combined analysis of plastid atpB and rbcL DNA sequences". Botanical Journal of the Linnean Society. 129 (4): 267–303. doi:10.1111/j.1095-8339.1999.tb00505.x. ISSN 1095-8339. 
  15. ↑ O'Gara, E., Guest, D. I. and Hassan, N. M. (2004). "Botany and Production of Durian (Durio zibethinus) in Southeast Asia" (PDF). Diversity and management of Phytophthora in Southeast Asia. ACIAR Monograph No. 114. Australian Centre for International Agricultural Research (ACIAR). pp. 180–186. ISBN 1-86320-405-9. http://aciar.gov.au/files/node/598/mn114-part1.pdf. Diakses pado 20 Nopember 2008. 

Pautan lua

suntiang
Diambiak dari "https://min.wikipedia.org/w/index.php?title=Durian&oldid=2812817"