Taman Nasional Batang Gadis

Taman Nasional Batang Gadis (disingkek TNBG) marupoan sabuah taman nasional nan talatak di Kabupaten Mandailiang Natal, Sumatra Utara. Awalnyo, Taman Nasional Batang Gadis manempati lahan salueh 108.00 hektare. Luasnyo dikurangi manjadi 72.150 hektare malalui Surek Keputusan Kementerian Kaqhutanan Nomor 121 tahun 2012. Lahan nan dikaluan dalam wilayah tu digunoan sabagai hutan linduang (15.700 hektare) jo hutan produksi tabateh (20.462 hektare). Penetapan Taman Nasional Batang Gadis sabagai taman nasional badasaan Kaputusan Menteri Kahutanan Nomor 126/Kpts-II/2004, tatanggal 29 April 2004. Habitat di dalam taman nasional ko manempati ekosistem nan baragam mulai dari hutan rawo, dataran tinggi, lahan lambok, lambah, sungai, hutan gampiang, hutan dataran randah, pabukitan, hinggo hutan pagunungan. Hutan di dalamnyo tabagi manjadi duo formasi yaitu Formasi Aia Bangih–Singkil di Bukik Barisan Baraik (300-1000 mdpl) jo ekosistem montana di Bukik Barisan (1000–1800 mdpl). Saparuah lueh Taman Nasional Batang Gadis ko marupoan hutan dataran randah dengan Formasi Aia Bangih–Singkil.

Taman Nasional Batang Gadis
IUCN Kategori II (Taman Nasional)
Gunung Sorik Marapi
Peta memperlihatkan letak Taman Nasional Batang Gadis Letak di Pulau Sumatra
Letak	Kabupaten Mandailing Natal, Sumatra Utara, Indonesia
Kota terdekat	Padang Sidempuan
Koordinat	0°52′0″N 99°19′0″E
Luas	72.150 hektare (721,5 km²)
Didirikan	1990
Pihak pengelola	Kementerian Lingkungan Hidup dan Kehutanan
Situs web	tnbatanggadis.com

Peta Taman Nasional Batang Gadis-Batang Gadis National Park.

Subdistric Sorikmarapi Highland with Batang Gadis National Park.

Subdistric Sorikmarapi Highland withhout Batang Gadis National Park.

Taman Nasional Batang Gadis mancakup 26% dari total lueh Kabupaten Mandailiang Natal nan talatak pado katinggian 300 s/d 2.145 meter di ateh pamukaan lauik dengan titiak tatinggi puncak Gunuang Sorik Marapi. Latak geografis dari Taman Nasional Batang Gadis di 99° 12’ 45" Bujua Timur sampai 99° 47’ 10" dan 0° 27’ 15" sampai 1° 01’ 57" Lintang Utara. Siap tu, sacaro administrasi wilayah ko dikalilingi 68 desa di 13 kecamatan di Kabupaten Mandailiang Natal. Namo taman nasional ko barasa dari nama sungai utamo nan mengalia jo mambalah Kabupaten Mandailiang Natal, Sungai Batang Gadis.

Dasa hukum

Surek kaputusan Menteri Kahutanan Nomor 126/Menhut-II/2004 tatanggal 29 April 2004 tantang parubahan guno jo panunjukan hutan linduang, hutan produksi tabateh, jo hutan produksi tetap di Kabupaten Mandailiang Natal Provinsi Sumatera Utara salueh 108.000 hektare sabagai Kawasan Pelestarian Alam dengan fungsi Taman Nasional Batang Gadis. Tu, badasaan Kaputusan Menteri Lingkungan Hiduik jo Kahutanan Nomor SK.169/Menlhk-II/2015 tantang Panunjukan Unit Palaksano Teknih Taman Nasional, TNBG tadiri dari kawasan hutan linduang, hutan produksi tabateh, jo hutan produksi tetap. Hutan linduang nan dialiah fungsian saluah 101.500 hektare, tadiri dari hutan linduang Register 4 Batang Gadis I, hutan Register 5 Batang Gadis II komp I dan II, Register 27 Batang Natal I, Register 28 Batang Natal II, Register 29 Bantahan Hulu, jo Register 30 Batang Parlampuan I nan alah disahkan sabagai kawasan linduang sajak maso pamerintahan Balando dalam kurun wakatu 1921–1924. Samantaro kawasan hutan produksi nan dialihan maliputi areal eks HPH PT Gruti, saluah 5.500 hektare, dan PT Aek Gadis Timber saluah 1.000 hektare.

Pado tahun 2012, tajadi pagurangan luah TNBG dari ±108.000 hektare manjadi ±72.150 hektare sabagai konsekuensi hukum vonis Putusan Mahkamah Aguang Republik Indonesia Nomor : 29P/HUM/2OO4 tangga 17 Saptember  2008 dari  pamohonan kaberatan hak ujia materiil PT Sorikmas Mining sabagai Pamohon. Satalah ditata batehnyo, TNBG dikukuhan jo Kaputusan Menteri Kahutanan Rapublik Indonesia Nomor : SK.3973/Menhut-VII/KUH/2014 dengan lueh 72.803,75

Tujuan pambentukan taman nasional adolah untuak manyalamaikan satwa jo habitat alam. TNBG marupoan simbol pangakuan nilai-nilai kaarifan lokal dalam mangalola hutan.

Salah satu kaarifan tradisional masyarakaik ko dibuktiaan jo adonyo lubuak larangan atau naborgo-borgo atau harangan rarangan atau hutan larangan, nan marupaon babarapa contoh kaarifan lokal nan hingga kini masih lastari.

Pambantukan ko sangaik penting mangingek laju karusakan hutan alam di provinsi ko alah pado tingkek nan sangaik memprihatinkan. Badasaan data Departemen Kahutanan pado tahun 2003, karusakan hutan di kawasan ko mancapai 3,8 juta hektare tiok tahun. Karusakan hutan di Sumatra Utara se dikatahui mancapai 76 ribu hektare tiok tahun dalam kurun wakatu 1985–1998.

Hinggo akhir November 2004, karusakan hutan nan disebaban pambalakan lia (illegal logging) jo kabakaran hutan di Sumatra Utara mancapai 694.295 hektare, untuak hutan linduang mancapai 207.575 hektare, hutan konservasi 32.500 hektare, hutan bakau 54 220 hekatre, tu hutan produksi sakitar 400.000 hekatre.

Pambantukan taman nasional ko ndak samato-mato manjadi upayo pamerintah sajo, malainan ateh jariah payah masyarakaik jo kalangan lambaga swadaya masyarakaik. Contoh e BITRA Indonesia, Conservation International Indonesia (CII), Wahana Lingkungan Hidup Indonesia (Walhi) Sumut, PUSAKA Indonesia, Yayasan Leuser Lestari (YLL), Yayasan Samudra, jo sabagainyo.

Salain itu, potensi kaanekaragaman jenis flora jo fauna nan tinggi manjadikannyo habitat bagi babarapo satwa nan dilindungi saperti harimau sumatera (Panthera tigris sumatrae), tapia (Tapirus indicus), baruang madu (Helarctos malayanus), siamang (Hylobates syndactylus), ungko (Hylobates closii), kambiang hutan (Naemorhedus sumatrae), ruso (Cervus unicolor), kijang (Muntiacus muntjak), kuciang ameh (Catopuma temminckii), landak (Hystrix brachyura), macan dahan (Neofelis nebulosa), tu babagai macam buruang, amfibi, jo reptil. Samantaro tu, untuak flora, kini ko tadapek duo jenis nan dilindungi saperti bungo Rafllesia jo kantong semar. Potensi pohon gadang masih relatif banyak di TNBG (TNBG, 2019).

Topografi kawasan hutan TNBG barupo pabukikan sampai pagunungan nan mamiliki katinggian bavariasi, dengan kamiringan rato-rato labiah dari 40%. Katinggian lokasi dari pamukaan aia lauik bakisa antaro 300 meter sampai ± 2.145 meter dengan puncak tatinggi barado pado puncak Gunuang Sorik Marapi. Kombinasi tingginyo curah hujan, dominasi kamiringan lereng labiah dari 40%, kondisi topografi nan umumnyo pabukitan jo pagunungan, sarato talatak di daerah vulkanis aktif mambawok kondisi geologis nan labil pado TNBG (Balai BKSDA II Sumut, 2005).

Objek wisata

Objek wisata di Kabupatem Mandailiang Natal bapusek pado desa-desa nan barado di kawasan Taman Nasional Batang Gadis (TNBG) yaitu Desa Pastap Julu, jo Sibanggor Julu. Gunuang Sorik Marapi satinggi 2.145 meter, pandakiannyo bisa dilewati malalui desa Sibanggor Julu. Salain tu, ado pulo rest area di Sopotinjak sabagai tampek pasinggahan jo baistirahat ataupun malakuan panelitian bungo rafflesia.

Fauna

Taman Nasional batang Gadis marupoan habitat bagi 47 jenis mamalia. Babarapo jenis mamalia nan banyak dijumpai yaitu harimau sumatra, kambiang hutan, tapia, beruang madu, ruso, kijang, landak, kuciang hutan, anjiang hutan, sarato macan dahan. Salain tu, ado babarapo jenis primata seperti lutuang, wau-wau, monyet ikua panjang, karo, jo siamang. Taman Nasional Batang Gadis manjadi habitat bagi 247 jenis buruang dengan 47 di antaranyo marupoan jenis buruang dilindungi. 7 jenis burung tarancam punah, siap tu 12 jenis lainnyo mandekati tarancam punah. Jenis buruang nan dapek diliek yaitu pendendang kaki sirip dan rajawali. Sabagian gadang jenis buruang masuak dalam jenis Bucerotidae (8 jenis), Capitonidae (5 jenis), Picidae (12 jenis), jo Trogonidae (3 Jenis).

Pamasalahan

Taman Nasional Batang Gadis mampunyai kawasan hutan nan disabuik banamo Tor Sihayo. Hutan ko dibagi duo manjadi bagian taman nasional jo bagian hutan linduang. Masalah nan sering muncua adolah adanyo pamukiman panduduak di dalam kawasan Taman Nasional Batang Gadis. Panduduak nan bamukim tu alah mambuka lahan saluaeh 430,75 hektare dari 504,25 hektare areal di kawasan Tor Sihayo. 173,5 hektare marupoan bagian dari Taman Nasional Batang Gadis. Pambukaan lahan ko umumnya dilakuan oleh panduduak nan bamigrasi dari Pulau Nieh. Masyarakaik satampek jo masyarakaik pandatang malakukan pambukaan lahan karano ndak mangatahui garih bateh Taman Nasional Batang Gadis. Masyarakaik tu hanyo mangatahui keberadaan patok bateh babantuak pilar di bagian tangah hutan.