Tak hingga

Tak hingga adolah sasuatu nan tiado babateh maupun bapanghujuang, atau sasuatu nan labiah godang dari saborang bateh nan ditotapkan. Tak hingga salalu dilambangkan jo simbol takhingga $\infty$.

Basobok pantulan cahayo nan konstan antaro carmin nan balawanan, tampaknyo ado ruang dan pangulangan nan tak tabateh di dalamnyo.

Dalam maota sahari-hari urang dapek mangarortikan tak hingga sabagai "sesuatu nan labiah gadang dari sagalo nan mungkin". Sahinggo kadang kato tak hingga paguno untuak manorangkan bando hingga namun saâkan barterusan tak henti-henti atau sukar untuak manghituangnyo. Kadang pulo urang bagurau tontang sasuatu nan labiah godang dari tak hingga, katokanlah tak hingga tambah ciek. Tapi dalam matematika bilangan ajak tu tadefinisi dalam sistem bilangan tatontu, ajak bilangan transfinit.

Ado juo definisi lain dalam bidang teori himpunan nan mangatoan iyolah tak hingga bukan bonegh-bonegh bilangan, tapi hanyo marujuak kapado kardinalitas, iyolah boseghnyo sajinih himpunan.

Basobok inyo indak balaku ajak bilangan nan biaso awak gunoan pado aritmetika, inyo dapek digunoan untuak manjalehan sifaik-sifaik babarapo objek matematika. Contohnyo, barapo digit nan ado pado representasi desimal untuak bilangan π. Atau ajak $\lim _{x\to 0^{+}}{\frac {1}{x}}=+\infty$ nan mangatoan iyolah bateh untuak ${\frac {1}{x}}$ adolah tak hingga nan positif katiko $x$ manuju kapado 0 dari sisi positif.

Paristilahan

Lemniskat Bernoulli, ciek di antaro banyak kurva lemniskat (kurva nan babantuak lambang tak hingga nan sarupo pita).

Banyak kato dalam bahaso Indonesia nan digunoan untuak manunjuakkan maksuik tak hingga. Kato katakhinggoan, katakbarhinggoan, kataktarhinggoan, katidakbarhinggoan sadonyo punyo maksuik nan samo.

Ananta manunjuakkan juo makna tak hingga, dan punyo juo panggunoan dan arorti tatontu dalam Agamo Hindu.

Ado juo ungkapan pado bahaso Melayu Klasik nan dapek diarortian sabagai tak hingga, di antaronyo iyolah "tiada tepermanai", "tiada terkira-kira", dan "tiada terhisabkan".

Pautan lua

Media tantang tak hingga di Wikimedia Commons