Sutan Mohammad Rasjid
Sutan Mohammad Rasjid (lahia di Jawi-jawi (kini Jl. Jend. Sudirman), Pariaman, Hindia Balando, 19 November 1911 – maningga di Jakarta, 30 April 2000 pado umua 88 taun) adolah salah surang pajuang jo Parintis Kamardekaan. Katiko parang kamardekaan II (Clash II), Rasjid manjabat sabagai Gubernur Tantara Sumatera Tengah. Salain itu dalam Kabinet Darurat baliau manjabat sabagai Mantari Kaamanan/Sosial sarato Mantari Paburuhan jo Sosial.
Sutan Mohammad Rasjid | |
|---|---|
| Berkas:Sutan rasid PYO.jpg | |
| Lahia | 19 November 1911 |
| Maningga | 30 April 2000 (umua 88) |
| Kabangsaan |  Indonesia |
| Karojo | Politisi |
| Dikana dek | Mantari Indonesia, pajuang kamardekaan Indonesia |
| Anak | Arwin Rasyid |
Latar Balakang jo Pandidikan suntiang
Sasudah manamat-an pandidikan MULO di Padang taun 1929, Rasjid barangkek ka Batavia lalu masuak ka sakola manangah ateh AMS pado taun 1930. Satamat dari AMS taun 1933, Rasjid mudo mamiliah malanjuik-an pandidikannyo ka Sakola Tinggi Hukum lalu tamat taun 1938 sarato mandapek-an gala Meester in de Rechten.
Rasjid adolah salah surang tokoh pantiang dalam Pamarentahan Darurat Republik Indonesia (PDRI) nan katiko maso pamarentahan darurat tu baliau manjabat sabagai Gubernur Tantara Sumatera Barat/Tangah, sarato kudian dalam Kabinet Darurat baliau manjabat sabagai Mantari Kaamanan/Sosial sarato Mantari Paburuhan jo Sosial nan barasa dari PSI.
Pado taun 1954, baliau diangkek sabagai Duta Basa Indonesia untuak Italia, akan tatapi pado taun 1958 baliau mamutuihan untuak bagabuang jo PRRI lalu akhianyo iduiknyo bapindah-pindah sabagai palarian politik[1].
Salah surang anak baliau, Arwin Rasyid kini manjabat sabagai direktur utamo Bank CIMB Niaga, nan pernah pulo manjabat sabagai direktur utamo Bank Danamon jo Telkom.
Baliau wafaik pado 30 April 2000 di Jakarta lalu dikubuaan di TPU Tanah Kusir, Jakarta Selatan.
Karier suntiang
- 1927-1928 Katua Jong Sumatranen Bond Cabang Padang
- 1930-1933 Sekretaris Indonesia Mudo Cabang Jakarta
- 1944 Jaksa Tinggi di Pangadilan Tinggi Padang
- 1946-1948 Residen Sumatera Barat
- 1948 Komisaris Nagaro Urusan Kaamanan Dalam Nagari saluruih Sumatera nan bapangkek mantari
- 1949-1950 Gubernur Militer Sumatera Barat jo Tangah marangkap Mantari Kaamanan, Pambangunan, Pamuda, Sosial jo Paburuhan PDRI
- 1950-1954 Sekretaris Jenderal Departemen Lua Nagari
- 1954-1958 Duta Basa Lua Biaso sarato Bakuaso Panuah RI untuak Italia
- 1956-1959 Anggota Konstituante Republik Indonesia
Tando Jaso nan pernah ditarimo suntiang
- Bintang Order of Saint Silvestre (dari pamimpin Tahta Suci Vatikan)
- Bintang Parintis Kamardekaan
- Bintang Mahaputra Adipradana
Rujuak-an suntiang
- ↑ "Irwan Rasjid, Pengalaman Anak Pelarian Politik" Archived 2005-03-06 di Wayback Machine., Kompas, 6 Februari 2003
