Surau Taram
Koordinat: 0°12′39″S 100°41′49″E / 0.210791°S 100.696955°E
Surau Taram talatak di Jorong Cubadak, Nagari Taram, Kecamatan Harau, Kabupaten Lima Puluh Kota, Sumatra Barat, Indonesia. Surau iko didirian pado awal abaik ka-17 dek Syekh Ibrahim Mufti, saurang ulama panyebar Islam di Nagari Taram.
| Surau Taram | |
Surau Taram | |
| Latak | Jorong Cubadak, Nagari Taram, Kecamatan Harau, Kabupaten Lima Puluh Kota, Sumatra Barat, Indonesia |
| Afiliasi agamo | Islam |
| Kapamimpinan | Wakaf |
| Deskripsi arsitektur | |
|---|---|
| Jinih arsitektur | Surau |
| Gaya arsitektur | Minangkabau |
| Pambukoan tanah | Abad ke-17 |
| Spesifikasi | |
Sijarah suntiang
Kabaradaan surau iko bakaitan jo figur Syekh Ibrahim Mufti atau mamiliki juluakan Beliau Keramat. Inyo marupoan murid Syekh Ahmad Qusasi di Madinah dan saangkatan jo Abdurrauf as-Singkili. Satibo di Taram pado abaik ka-17, Ibrahim Mufti mandirian surau untuak mandukuang kagiatan dakwahnyo dalam panyebaran Islam.
Sajak didirian, Surau Taram tacatat alah mangalami sajumlah pabaikan. Bangunan surau nan tagak kini ko marupoan hasil pemugaran jo tatok mampatahankan gaya arsitektur lamo dipatahanan.[1]
Dalam sijarahnyo, Surau Taram parnah manjadi pusek pandidikan Islam di Lima Puluh Kota. Salain tu, surau iko dahulunyo digunoan sabagai tampek ibadah suluk. Kini ko, Surau Taram digunoan untuak aktivitas ibadah tabateh sairiang jo kahadiran musajik, yakni Musajik Baitul Qiramah di sabalah barat surau.
Paninggalan suntiang
Pusaro suntiang
Syekh Ibrahim Mufti dipandang dek panduduak satampek sabagai urang nan mamiliki karamah sahinggo dijuluaki Baliau Keramat. Makamnyo tadapek di kompleks surau jo manjadi tujuan ziarah, tauatamo tanggal 27 Rajab.[2] Paziarah tibo dari babagai daerah di Minangkabau baiak dari pangikuik Tarekat Naqsyabandiyah maupun Tarekat Syattariyah.
Salain makam Syekh Ibrahim Mufti, tadapek makam Syekh Muhammad Nurdin di kompleks surau.[3]
Naskah suntiang
Surau Taram tacatat sabagai surau nan mamiliki tradisi manulih jo manyalin naskah. Saketeknyo saratuih koleksi naskah dipakiroan ado di siko, tatapi sabagian gadang kini alah ilang. Hanyo 14 naskah nan masih tasimpan, sapuluah dari mereka barado dalam kondisi nan sangaik buruak. Sabagian naskah disimpan dek Ramli Datuak Marajo Basa, katurunan ka-13 dari Ibrahim Mufti nan rumahnyo talatak di sabalah surau.[1][4][5]
Rujuakan suntiang
- ↑ a b https://eap.bl.uk/sites/default/files/legacy-eap/downloads/eap205_survey.pdf
- ↑ "archive copy". Diarsipkan dari versi asli tanggal 2019-11-07. Diakses tanggal 2019-12-24.
- ↑ https://issuu.com/haluan/docs/hln250712/23
- ↑ "archive copy". Diarsipkan dari versi asli tanggal 2019-11-07. Diakses tanggal 2019-12-24.
- ↑ http://repositori.kemdikbud.go.id/10257/1/Yusriwal%20si%20brewok.pdf
Pranala lua suntiang
- Harsja W. Bachtiar (1967). Nagari Taram: A Minangkabau Village Community.
- https://www.youtube.com/watch?v=7Zi44KmWxVE