Syekh Ibrahim Mufti
Syekh Ibrahim Mufti nan dikana juo jo namo Baliau Taram. Baliau alaah urang yang dihormarti dek masyarakaik. Baliau hiduik pado abaik ka 17.[1] Hal iko dapek dibulekkan karano baliau marupokan kawan saangkatan jo Syekh Abdurra'uf Singkel Aceh sangkek baguru kapado Syekh Ahmad Qusasi di Madinah. Inyo baduo malakuan parjalanan ka Sumatera, tapeknyo di aceh pado tahun 1661 M.[1] Katiko alah sampai di Aceh, Syekh Ibrahim Mufti dilapehan dek Syekh Abdurra'uf Singkel untuak badakwah ka palosok-palosok Tanah Jawi. Awalnyo baliau manuju ka Siak, Riau dan sampai ka Nagari Taram.Syekh Ibrahim Mufti mampunyoi duo urang bini. Nan ciek bininyo adolah urang taram, tampek baliau bamukim nan banamo Laut Aceh. Nan saurang lai indak dikatahui namonya yang barado di Siak. Kaduo bininyo ko dan katurunannyo batugas untuak manjago paninggalan-paninggalan baliau di kaduo tampek ko.
Sampainyo di Taram suntiang
Taram pado awalnyo hanyo bapanghuni sabanyak 82 urang, kamudian ditambah jo Syekh Ibrahim Mufti manjadi 83 urang. baliau manatap di rumah tokoh masyarakaik nan banamo Lelo Anso Nan Tinggi atau disabui juo jo gala Angku Bulu Lidah. Baliau manatap di Taram untuak mangajaan ilmu agomo. Banyak urang yang datang manuntuik ilmu kapado baliau, sahinggo Taram ko rami dikunjungi. Surau tampek mangaji baliau dikana jo namo Surau Tuo Taram. Baliau mandirian pulo masajik untuak tampek sumbayang nan indak jauah dari surau ko, namo masajiknyo adolah Masjid Baitul Kiramah.
Carito Karomaik suntiang
Banyak carito-carito yang tadanga di masyarakaik manganai baliau yang mansyur. Diantaronyo ikuik mamadamkan api katiko tajadi kabakaran di Makah. Pado saat itu baliau sadang mancukua rambuik, tibo-tibo baliau mangecek ka tukang cukua bahwasaonyo Makah Tapanggang, sakitiko itu badannyo ilang dimuko tukang cukua tu. Carito barikuiknyo adolah katiko Taram dilando dek musim paneh dan kakaringan. Baliau bajalan macara tampek yang nampak aia sambari mambaok timbo tambago jo mambaok tungkek ditangan. Ndak lamo, sampailah baliau di tampek mato aia yang dikana jo namo Kapalo Banda. Sakatiko itu balaiau mangecek ka aia iuntuak ikuik jo inyo sambai maantakkan tungkeknyo ka tanah. sahinggo, samanjak kajadian itu, Taram indak pernah dilando kakaringan. Takaik kamatian baliau indak dikatahui pulo. Hal iko datang kapado muridnyo nan bamimpi, baliau mangecekkan pado malam 27 Rajab di Taram ko akan tibo cahayo dari langik, di mano jatuah cahayo tu, disitulah makam baliau.
Rujuakan suntiang
- ↑ a b Putra, Apria (2011). Ulama-Ulama Luak Nan Bungsu "Catatan Biografi Ulama-ulama Luak Limopuluah Kota serta Perjuangannya". Padang: Minangkabau Press. pp. 3. ISBN 602955286-4.