Sosiolinguistik
Sosiolinguistik iolah subdisiplin linguistik nan mampalajari hubuangan antaro bahaso jo masyarakaik. Dengan kato lain, sosiolinguistik mampalajari pamakai jo pamakaian bahaso, tampek pamakaian bahaso, tata tingkek bahaso, babagai akibaik dari adonyo kontak duo bahaso atau labiah, dan ragam sarato wakatu pamakai ragam bahaso. Salain itu, ilimu iko manjalehan pulo mangapo masyarakaik babicaro sacaro babeda dalam konteks sosial nan babeda. Mampalajari caro masyarakaik manggunoan bahaso dalam konteks sosial nan babeda dapek mambarikan banyak pangatahuan tentang caro karajo bahaso dalam masyarakaik; tarutamo bakaitan jo hubuangan sosial dalam suatu komunitas, dan caro masyarakaik manyampaikan dan mangonstruksi aspek identitas sosial mereka malalui bahaso nan mereka gunoan.[1]
Sosiolinguistik manuruik babarapo ahli
suntiang- Salah satu teori sosiolinguistik nan dapek dipakai sabagai rujuakan adolah teori dari Nababan, bahwasanyo pangkajian bahaso dengan dimensi kamasyarakatan disabuik Sosiolinguistik dek Nababan, Sosiolinguistik Perkenalan Awal.[2]
- Manuruik Abdul Chaer, Sosiolinguistik iolah subdisiplin linguistik nan mampalajari bahaso dalam hubuangan pamakaiannyo dalam masyarakaik. Di dalam bukunyo Abdul Chaer manyatoan pulo bahwasanyo apo nan dibicaroan dalam sosiolinguistik iolah pamakai jo pamakaian bahaso, tampek pamakaian bahaso, tata tingkek bahaso, babagai akibaik dari adonyo kontak dua bahaso atau labiah, dan ragam sarato wakatu pamakaian ragam bahasa tasabuik. (Abdul Chaer, tahun 1994 dalam Linguistik Umum.[3]
- Sosiolinguistik nan manuruik sajumlah ahli (Wardhaugh, 1985, Holmes 1995) adolah cabang ilimu bahaso nan barusaho manarangkan korelasi antaro perwujudan struktur atau elemen bahaso dengan faktor-faktor sosiokultural pertuturannyo, tantu sajo mangasumsikan pentingnyo pangatahuan dasar-dasar linguistik dengan babagai cabangnyo, sarupofonologi, morfologi, sintaksis, jo semantik, mangidentifikasikan, jo manjalehan fenomena-fenomena nan manjadi objek kajiannyo, yakninyo bahaso dengan babagai variasi sosial atau regionalnyo.[4]
Konsep fundamental dalam sosiolinguistik
suntiangSamintaro studi sosiolinguistik sangatlah luweh, ado babarapo konsep dasar di mano banyak patanyaan sosiolinguistik bagantuang:
Komunitas tutur
suntiang
Komunitas tutur adolah sabuah konsep dalam sosiolinguistik nan manggambarkan kalompok tatantu nan tadiri dari urang-urang nan manggunoan bahaso jo caro nan unik jo saliang diterimo di antara mereka.
Agar diterimo manjadi bagian dari suatu komunitas tutur, sasaurang harus mampunyoi kompetensi komunikatif. Aratinyo, panutur mampunyoi kamampuan untuak manggunoan bahaso jo caro nan tapek dalam situasi tatantu. Saurang bahasawan dapek manjadi kompeten dalam lebiah dari ciek bahaso.[5]
Komunitas tutur dapek jadi marupoan anggota suatu profesi dengan jargon khusus, kalompok-kalompok sosial srupo siswa SMA atau penggemar hip-hop, atau bahkan kalompok erat sarupo kaluarga jo karib karabaik. Anggota komunitas tutur akan acok mangambangkan slang (bahasa gaul) atau jargon untuak malayani tujuan kalompok jo prioritas khusus.
Komunitas praktik mamungkinkan para sosiolinguis untuak manguji hubuangan antaro sosialisasi, kompetensi, jo identitas. Karano identitas adolah struktur nan sangaik kompleks, mampalajari sosialisasi bahaso marupoan sarana untuak manguji tingkek interaksional-mikro aktivitas praktis (kagiatan sahari-hari). Pambalajaran bahaso sangaik dipangaruahi dek kaluarga tatapi didukuang dek lingkuangan satampek nan labiah gadang, sarupo sekolah, tim olahraga, atau agamo. Komunitas tutua mungkin eksis dalam komunitas praktik nan labiah luweh.[6]
Ragam prestise tinggi jo rendah
suntiangNan paralu untuak analisis sosiolinguistik adolah konsep prestise; kabiasoan tutua tatantu dapek dinilai positif atau negatif, nan kamudian diterapkan pado panutua. Implikasi penting dari teori sosiolinguistik adolah bahwa panutua 'mamiliah' suatu varietas katiko malakuan tindak tutua, baiak sacaro sadar ataupun indak sadar.
Jejaring sosial
suntiangUntuak mamahami bahaso dalam masyarakaik bararti kito juga harus mamahami jejaring sosial di mano bahaso tasabuik tatanam. Istilah "jaringan sosial" adolah caro lain untuak manggambarkan masyarakaik tutua tatantu dalam hal hubuangan antar anggota individu dalam masyarakaik. Sabuah jaringan bisa longgar atau ketat, tagantuang pado bagaimano anggota bainteraksi antaro ciek jo nan lainnyo. Sabagai contoh, kantua atau pabrik dapek dianggap sabagai komunitas ketat karano kasado anggota bainteraksi ciek jo nan lainnyo. Sabuah kursus gadang dengan 100 labiah siswa akan manjadi komunitas longgar karano siswa hanyo dapek bainteraksi dengan instruktur dan mungkin 1-2 siswa lainnyo. Sabuah komunitas multipleks adolah salah satu di mano anggota mampnyoi babarapo hubuangan dengan ciek jo nan lainnyo.[7] Sabagai contoh, di babarapo lingkuangan, anggota dapek hiduik di jalan nan samo, bakarajo untuak majikan nan samo dan bahkan kawin-mawin.
Variasi bahaso
suntiangMasyarakaik acok manggunoan bahaso untuak manandoi kaanggotaan mereka pado kalompok tatantu dan mambangun babagai aspek identitas sosial mereka. Status sosial, jinih kalamin, umua, etnis, jo jinih jaringan sosial nan dimiliki masyarakaik tanyato manjadi dimensi identitas nan penting di banyak komunitas.[1]
Variasi bahaso marupoan caro-caro babeda dari satiok individu untuak mangungkapkan suatu hal nan samo.[8] Mesthrie (2009) jo Wardaugh (2006) sapakek mangungkapkan variasi bahaso sabagai pola tutua babeda nan takaik jo situasi sosial dari suatu masyarakaik tutua.[9][10] Hal iko dapek tajadi karano katiko saurang panutua mangungkapkan sasuatu malalui bahaso, sasungguahnyo inyo sadang mangungkapkan siapo dirinyo, dari masyarakaik mano inyo barasa, hubunagannyo jo lawan tutua, dan persepsinyo tentang situasi tutur.
Salain itu, variasi bahaso dimungkinkan pulo karano panutua suatu bahaso tatantu indak hanyo manguasai ciek bahaso sajo, tapi dapek babarapo bahaso atau ciek bahaso basarato variasinyo (khazanah verbal). Kabaradoan khazanah verbal ikolah nan mamungkinkan saurang panutua untuak manggunoan caro-caro nan babeda untuak mangungkapkan sasuatu malalui bahaso.[11]
Rujuakan
suntiang- ↑ a b Holmes, Janet; Wilson, Nick (2017-02-10) (dalam bahaso en). An Introduction to Sociolinguistics. Taylor & Francis. ISBN 978-1-317-54291-9. https://books.google.co.id/books?id=SC8lDwAAQBAJ&printsec=frontcover&dq=janet+holmes&hl=id&sa=X&ved=2ahUKEwi0osTX4qbrAhXEWisKHVu5BLMQ6AEwAHoECAYQAg#v=onepage&q=janet%20holmes&f=false.
- ↑ Chaer, Abddul; Agustina, Leonie (2010), "Sosiolinguistik", Sosiolinguistik Perkenalan Awal (edisi ke-edisi revisi), Jakarta: Rineka Cipta, ISBN 9789795186472.
- ↑ Chaer, Abdul (1994), "Sosiolinguistik", Linguistik Umum (edisi ke-1), Jakarta: Rineka Cipta, ISBN 979-518-587-X.
- ↑ Wijaya, I Dewa Putu; Rohmadi, Muhammad (2006), Sosiolinguistik, Kajian Teori dan Analisis (edisi ke-1), Yogyakarta: Pustaka Pelajar, ISBN 979-2458-78-6.
- ↑ Deckert, Sharon K. dan Caroline H. Vikers. (2011). An Introduction to Sociolinguistics: Society and Identity. Hal. 59
- ↑ Deckert, Sharon K. dan Caroline H. Vikers. (2011). An Introduction to Sociolinguistics: Society and Identity. Hal. 74-76
- ↑ Wardhaugh, Ronald (2006). An Introduction to Sociolinguistics, New York: Wiley-Blackwell.
- ↑ Meyerhoff, Miriam (2015-05-11) (dalam bahaso en). Introducing Sociolinguistics. Taylor & Francis. ISBN 978-1-135-28443-5. https://books.google.co.id/books/about/Introducing_Sociolinguistics.html?hl=id&id=yfyVll7GRPMC&redir_esc=y.
- ↑ Mesthrie, Rajend; Swann, Joan; Deumert, Ana; Leap, William L. (2009) (dalam bahaso en). Introducing Sociolinguistics. Edinburgh University Press. ISBN 978-0-7486-3844-4. https://books.google.co.id/books/about/Introducing_Sociolinguistics.html?id=uy1xbYDsU8kC&redir_esc=y.
- ↑ Wardhaugh, Ronald (2011-08-10) (dalam bahaso en). An Introduction to Sociolinguistics. John Wiley & Sons. ISBN 978-1-4443-5923-7. https://books.google.co.id/books?hl=id&lr=&id=fVhXbK_kFVYC&oi=fnd&pg=PR7&dq=Wardhaugh,+Ronald.+2006.+An+Introduction+to+Sociolinguistics.+Oxford:+Blackwell+Publishing+Ltd.'&ots=5JQeHGuhSe&sig=QJfVlyWLfuEIwKLGEkZkS6P5g3E&redir_esc=y#v=onepage&q=Wardhaugh,%20Ronald.%202006.%20An%20Introduction%20to%20Sociolinguistics.%20Oxford:%20Blackwell%20Publishing%20Ltd.'&f=false.
- ↑ Ramendra, D. P. (2013). "Variasi Pemakaian Bahasa pada Masyarakat Tutur Kota Singaraja" (PDF). Jurnal Ilmu Sosial dan Humaniora. 2 (2): 278.
Bacaan takaik
suntiang- Chaer, Abdul (1994). Linguistik Umum. Rineka Cipta. 979-518-587-X.
- Wijaya, I Dewa Putu; Rohmadi, Muhammad (2006), Sosiolinguistik, Kajian Teori dan Analisis, Pustaka Pelajar, ISBN 979-2458-78-6