Fonologi

Fonologi atau ilimu bunyi kato adolah ilimu tantang pabendaharoan bunyi-bunyi (fonem) bahaso do distribusinyo.^[1] Fonologi diartikan sabagai kajian bahaso nan mampalajari tantang bunyi-bunyi bahaso nan diproduksi dek alaik ucap manusia.^[2]. Bidang kajian fonologi adolah bunyi bahaso sabagai satuan takektek dari ujaran jo gabuangan bunyi nan mambantuak suku kato.^[2]

Asa kato fonologi, sacaro harfiah sederhana, tadiri dari gabuangan kato fon (nan bararti bunyi) jo logi (nan bararti ilimu).^[2] Dalam khazanah bahasa Indonesia, istilah fonologi marupoan turunan kato dari bahaso Balando, yaitunyo fonologie.^[3]

Bahaso pado hakikatnyo adolah bunyi ujar manusia, nan muncua sacaro natural. Bunyi ujar manusia dipalajari di dalam fonetik (phonetics), sadangkan bagaimano bunyi ujar manusia itu mambantuak pola (pattem), dan bagaimano pola-pola tasabuik manunjuakan sistem (system) tatantu dipalajari di dalam fonologi.^[4]

Fonetik jo Fonemik

Fonologi tadiri dari 2 (duo) bagian, yaitunyo Fonetik jo Fonemik. Fonologi babeda jo fonetik.

Fonetik

Fonetik mampalajari bagaimano bunyi-bunyi fonem sabuah bahaso direalisasian atau dilafalkan. Fonetik mampalajari pulo caro karajo organ tubuh manusia, tarutamo nan bahubuangan jo panggunoan jo pangucapan bahaso. Dengan kato lain, fonetik adolah bagian fonologi nan mampalajari cara manghasiakan bunyi bahaso atau bagaimano suatu bunyi bahaso diproduksi dek alaik ucap manusia. Fonetik dibagi pulo ateh 3 bagian, yaitunyo:

Fonetik Akustik

Jinih fonetik iko disabuik sabagai fonetik akustik karano bakaitan sangaik araeik jofungsi alaik pandangaran manusia, khususnyo dalam marespons bunyi-bunyi tutuanyo. Dengan pakatoan lain, bunyi tuturan manusia akan diliek sacaro akustis, bagaimano tingkat kanyaringannyo, bagaimano frekuensinyo, jo bagaimano temponyo.^[4]

Fonetik Artikulatoris

Fonetik organis atau artikulator yaitunyo mambarikan bunyi bahaso nan dihasiaan dek alaik bicaro manusia. Alaik bicaro sarupo bibia, muluik, lidah, tanyato dapek diliek sahinggo pandekatan iko dianggap praktis jo mudah dilaksanaan. Dek karano pandekatan iko bahubuangan jo fisik, mako fonetik artikularis arek hubungannyo jo fisiologis. ^[5]

Fonetik Auditoris

Fonetik auditoris yaitunyo mambarikan bunyi bahaso nan ditarimo dek alaik danga urang nna diajak babicaro. Caro iko basifaik subjektif, karano banyak dipangaruhi dek urang nan mandangaan bunyi itu. Pandekatan iko mamparahatian pangaruah bunyi tahadok syaraf pandangaran. Pandekatan iko dipangaruahi dek neurologi sabab proses parolehan bunyi malewati syaraf pandangaran sulik dianalisis, mako pandekatan iko pun indak diparahatian urang. ^[5]

Fonemik

Fonemik adolah bagian fonologi nan mampalajari bunyi ujaran manuruik fungsinyo sabagai pambeda arati.

Unsua Produksi Bunyi

Ado 3 (tigo) unsua pantiang katiko organ ucap manusia mamproduksi bunyi atau fonem, yaitunyo:

udaro - sabagai panghantar bunyi,
artikulator - bagian alaik ucap nan bagerak, jo
titiak artikulasi (disabuik juo jo artikulator pasif) - bagian alaik ucap nan manjadi titik sentuh artikulator.

Istilah-istilah Takaik Fonologi

Ado babarapo istilah lain nan bakaitan jo fonologi, antaro lain: fona, fonem, vokal, jo konsonan. Fona adolah bunyi ujaran nan basifaik netral atau masih alum tabukti mambedaan arati, sadangkan fonem adaoah satuan bunyi ujaran taketek nan mambedaan arati.

Variasi fonem karano pangaruh lingkuangan nan dimasuki disabuik alofon. Gambar atau lambang fonem dinamakan huruf, jadi fonem babedo jo huruf. Variasi iko tadiri dari: vokal, konsonan, diftong (vokal rangkap), jo kluster (konsonan rangkap).

Vokal adolah fonem nan dihasiakan jo caro manggarakkan udaro kalua tanpa rintangan. Dalam bahaso, khususnyo bahaso Indonesia, tadapek huruf vokal. Huruf vokal marupoan huruf-huruf nan dapek tanggak tungga jo manghasiakan bunyi surang. Huruf vokal tadiri ateh: a, i, u, e, jo o. Huruf vokal acok pulo disabuik huruf hiduik.

Konsonan adolah fonem nan dihasiakan jo caro manggarakkan udaro kalua jo rintangan. Dalam hal iko, nan dimukasuik jo rintangan adolah tahambeknyo udaro kalua dek adonyo garakan atau parubahan posisi artikulator. Tadapek pulo istilah huruf konsonan, yaitu huruf-huruf nan indak dapek tagak tunggal dan mambutuahkan kabaradoan huruf vokal untuak manghasiakan bunyi. Huruf konsonan tasabuik tadiri ateh: b, c, d, f, g, h, j, k, l, m, n, p, q, r, s, t, v, w, x, y, jo z. Huruf konsonan acok pulo disabuik sabagai huruf mati.

Caliak pulo

Daftar istilah linguistik

Rujuakan

↑ Chaer, Abdul (2015). Psikolinguisitk Kajian Teoritik. Jakarta: Rineka Cipta. pp. 202. ISBN 978-979-518-884-1.
↑ ^a ^b ^c Chaer, Abdul (2009). Fonologi Bahasa Indonesia. Bandung: Rineka Cipta. p. 1.
↑ "Hasil pencarian "fonologi" ~ asalkata.com". Diarsipkan dari versi asli tanggal 2022-12-08. Diakses tanggal 24 Agustus 2014.
↑ ^a ^b Abidin, Zainal (2017-08-27). "POLA BUNYI DALAM MANTRA PROSESI PACU JALUR DI KUANTAN SINGINGI: KAJIAN STILISTIKA". Madah: Jurnal Bahasa dan Sastra. 4 (1): 103. doi:10.31503/madah.v4i1.560. ISSN 2580-9717.
↑ ^a ^b Kompasiana.com (2015-02-09). "Pembidangan Linguistik". KOMPASIANA (dalam bahasa Indonesia). Diakses tanggal 2023-12-24.

Bacaan takaik

Chaer, Abdul (2009). Linguistik Umum. Bandung: Rineka Cipta. 979-518-587-X.

[1] Chaer, Abdul (2015). Psikolinguisitk Kajian Teoritik. Jakarta: Rineka Cipta. pp. 202. ISBN 978-979-518-884-1.

[referensi1-2] Chaer, Abdul (2009). Fonologi Bahasa Indonesia. Bandung: Rineka Cipta. p. 1.

[3] "Hasil pencarian "fonologi" ~ asalkata.com". Diarsipkan dari versi asli tanggal 2022-12-08. Diakses tanggal 24 Agustus 2014.

[:0-4] Abidin, Zainal (2017-08-27). "POLA BUNYI DALAM MANTRA PROSESI PACU JALUR DI KUANTAN SINGINGI: KAJIAN STILISTIKA". Madah: Jurnal Bahasa dan Sastra. 4 (1): 103. doi:10.31503/madah.v4i1.560. ISSN 2580-9717.

[:1-5] Kompasiana.com (2015-02-09). "Pembidangan Linguistik". KOMPASIANA (dalam bahasa Indonesia). Diakses tanggal 2023-12-24.

[1]

[2]

[3]

[4]

[5]