Shinkansen (新幹線, salalu disabuik juo jo namo kareta paluru) adolah kareta kacapatan tinggi nan baroperasi tarutamo di Jopang. Pamakaian partamo dari Shinkansen iyolah pado taun 1963. Generasi partamo dari Shinkansen dapek malaju di jalua rel hinggo kacapatan 210 km/jam jo komponen kandali traksi paubah sadap nan dibantu jo transformator, diode jo motor aruih saârah. Generasi salanjuiknyo manorapkan sistem panggarak jo panyearah takandali silikon jo teknologi elektronika dayo jo mikroprosesor. Pado pakambangan barikuiknyo paguno teknologi inverter kacapatan jo frekuensi baubah-ubah VVVF jo panggarak barupo motor traksi baserak. Tiok seri Shinkansen punyo kacapatan nan babedo jo bavariasi sasuai jo jaringan transportasi nan dilayani. Kacapatan maksimum generasi Shinkansen mancapai 350 km/jam. Pamakaian Shinkansen indak hanyo di Jopang, malainkan jua di nagara-nagara dalam kawasan banua Eropa, Asia (Taiwan jo Republik Rakyat Cino), jo Amerika Utaro (Kanada jo Amerika Sarikat). Tiok seri Shinkansen mampu manampuang labiah dari 1000 panumpang sasuai jo jumlah unit sambuangan kareta.[1]

Shinkansen seri 0
Shinkansen seri N700S
Shinkansen Seri E5~E1

Shinkansen dioperasian dek ampek parusahoan dalam grup Japan Railways. Namo Shinkansen salalu digunoan dek urang-urang di lua Jopang untuak marujuak kapado kareta apinyo, tapi kato iko dalam bahaso Jopang saboneghnyo marujuak kapado namo jalua kareta api tasabuik.

Caliak pulo suntiang

Rujuakan suntiang

  1. Haroen, Yanuarsyah (2017). Sistem Transportasi Elektrik. Bandung: ITB Press. pp. 25-26. ISBN 978-602-7861-65-7.