Sengsara Membawa Nikmat
Sengsara Membawa Nikmat adolah novel babahaso Indonesia nan ditulih Tulis Sutan Sati. Novel iko ditabikan pado taun 1929 dek Balai Pustaka bacarito tantang Midun, anak laki-laki surang patani, nan iduik malaraik sabalun akhirnyo iduik sanang jo bini barunyo. Novel iko tanamo sabagai salah satu karya Sati nan paliang disuko.
| Sengsara Membawa Nikmat | |
|---|---|
| Berkas:Sengsara Membawa Nikmat.jpg | |
| Pangarang | Tulis Sutan Sati |
| Nagara | Indonesia |
| Bahaso | bahaso Indonesia |
| Genre | Novel |
| Panabik | Balai Pustaka |
| Tanggal tabik | 1929 |
| Jinih media | Cetak |
| Jumlah laman | 192 (cetakan katigo) |
| ISBN | 978-979-407-360-5 |
| Nomor OCLC | 26920185 |
Carito suntiang
Kacak, kamanakan nan sombong dari pamimpin desa nan kayo di Padang, cimburu ka Midun, anak laki-laki nan taaik baagamo jo tanamo dari surang patani miskin; Kacak acok mancubo maajak Midun untuak malawannyo. Sasudah Midun manyalamaikan bininyo tabanam, Kacak berang karano Midun alah mamacik-macik bininyo dan manyarangnyo. Midun bataruang, manang dalam wakatu singkek dapek manjatuahan Kacak . Sabagai hasia dari tindakannyo itu, Midun dipaso untuak mangarajoan karajo-karajo untuak pamimpin desa di bawah kandali Kacak.
Masih berang ka si Midun, Kacak mambayia surang urang untuak mambunuahnyo. Katiko usaho itu gagal, pambunuah jo Midun ditangkok dan dikirim ka pinjaro. Di pinjaro, Midun disiksa tapi urang malieknyo sabagai pajuang nan baiak. Inyo basobok jo Halimah, nan tingga samo ayah tirinyo, untuak mambaliakan kaluang berliannyo. Sasudah kalua dari pinjaro, Midun mambaok Halimah untuak mancari abaknyo di Bogor.
Salamo dua bulan tingga samo Halimah jo abaknyo, Midun mancubo paik ka Batavia untuak mencari karajo, basamo Halimah. Sapanjang jalan, inyo basobok jo Syekh Abdullah yang Indonesia campuran Arab, nan maminjaman inyo pitih; inyo manulak mambayaia bungo nan tinggi atau membiaan Abudullah nikah jo Halimah, dek karano tu Midun ditangkok. Sasudah bebas, inyo manyalamaikan rang mudo Balando dipasamoan di Pasar Baru. Dek karano alah manyaamaikannyo, Midun diagiah karajo di kantua polisi samo ayah rang mudo itu, hoofdcommissaris (komisaris utamo). Inyo pun manikahi Halimah.
Midun sudah tu batugas di Padang karano parmintaan komisioner, dek mandanga bahaso abaknyo alah maningga. Kacak ditangkok karano masalah dagang, dan Midun pun akhianyo bisa iduik bahagia salamonyo.
Tema suntiang
Carito Sengsara Membawa Nikmat banyak maangkek kisah Midun, jo bapandangan nyato. Babeda jo novel Muda Teruna-nyo Muhammad Kasim, bagian caritonyo tajadi di lua Sumatera.[1]
C. W. Watson manilai bahasonyo Sengsara Membawa Nikmat, mirip jo novel Marah Roesli Sitti Nurbaya, manggambaran "lau antitraditional" Balai Pustaka, nan dalam pandapeknyo barisi ide-ide progresif jo ancaman tradisionalisme konservatif. Inyo mancontohan bagian duo halaman dalam novel wakatu Midun mangecek soal dukun-dukun tradisional ka Halimah, manunjuakan bahasonyo padusi nan pai ka dukun untuak manyalamaikan parkawinannyo malah maancuaan jo banyak pitih nan abis.; laku lain nan dikutuak tamasuak jimek cinto samo dandam. Tema iko dilanjuikan Sati ka novelnyo bajudul Syair Rosina.[2]
Kritikus Balando tantang sastra Indonesia A. Teeuw mancataik bahasonyo tema novel iko bukan hanyo Minangkabau, karano manyangkuik konflik antaro sifaik jaek jo rang mudo nan elok, dan nan elok akhianyo nan manang.[3]
Ditabikan suntiang
Sengsara Membawa Nikmat mulonyo ditabikan jo Balai Pustaka pado taun 1929 sudah tu dijadian sinetron pado taun 1991.[4] Sinetronnyo disutradarai dek Agus Wijoyono jo dimainkan samo W. Mochtar, Septian Dwi Cahyo, jo Sandy Nayoan.[5]
Teeuw manilai iko sabagai novel Sati nan paliang disuko. Sati manulih jo bisa mambuek nan mambaco laruik dalam kahidupan di Minangkabau, jo kajadian saari-arinyo.
Rujuakan suntiang
- ↑ Mahayana, Sofyan & Dian 2007, hlm. 24.
- ↑ Watson 1993, hlm. 196.
- ↑ Teeuw 1980, hlm. 90.
- ↑ Zaini-Lajoubert 2002, hlm. 341.
- ↑ IMDB, Sengsara Membawa Nikmat.
- Bibliografi
- Mahayana, Maman S.; Sofyan, Oyon; Dian, Achmad (2007) (dalam bahaso Indonesian). Ringkasan dan Ulasan Novel Indonesia Modern. Jakarta: Grasindo. ISBN 978-979-025-006-2. https://books.google.com/books?id=Bq8caP8yvqwC.
- "Sengsara Membawa Nikmat". IMDB. Diakses tanggal 10 September 2011.
- Teeuw, A. (1980) (dalam bahaso Indonesian). Sastra Baru Indonesia. 1. Ende: Nusa Indah. OCLC 222168801. https://books.google.com/books?id=YVSjHAAACAAJ.
- Watson, C.W. (1993). "Perceptions from Within: Malign Magic in Indonesian Literature". di dalam Watson. Understanding Witchcraft and Sorcery in Southeast Asia. Honolulu: University of Hawaii Press. pp. 191–212. ISBN 978-0-8248-1515-8. https://books.google.com/books?id=Bq8caP8yvqwC.
- Rujukan kosong (bantuan)