Sambalado tulang
Sambalado tulang adolah ciek dari banyak masakan Minangkabau, khususnyo dari Nagari Rao Rao, Sungai Tarab, Tanah Datar. Bahan utamonyo adolah tulang jawi atau tulang kabau nan alah dibarasiahan dan dicatuak. Kudian ado katumba, lado (buliah merah, atau ijau), bawang merah, bawang putiah, kantang, jo maco.[1]
Sambalado tulang ko jarang basobok di rumah makan Padang. Biasonyo ado di rumah-rumah masyarakat dan jarang pulo ado urang nan nio manjuanyo. Hal itu dek tulang jawi nan alah dicatuak payah dicari.[1]
Caro masak suntiang
Caro mambueknyo adolah jo manggiliang tulang jawi inggo haluih nan kudian ditambahkan katumba jo bawang putiah. Salapeh itu ditambahkan lado jo saketek garam kasa supayo lado nan ka digiliang tadi haluih. Kudian dimasuakkan bawang merah. Kok alah haluih sadonyo, baru dimasuakkan kantang nan alah bacacah atau basaik ketek-ketek mode dadu. Sasudah diaduak kantang ka dalam lado tadi baru dimasuakan aia sacukuiknyo dan jago supayo indak jalang bana atau pakek bana. Maco ditambahkan untuak mampalamak raso. Sasudah itu baru dimasak di ateh kompor jo api sadang. Buliah ditambahan garam sasuai salero dan tunggu salamo sapuluah minik. Kalau alah manggalagak, api dimatikan dan samba lado tulang siap untuak dimakan.[1]
Rujuakan suntiang
- ↑ a b c Liputan6.com (2018-11-13). "Sambalado Tulang, Sambal Unik Minang dari Tulang Sapi". liputan6.com (dalam bahasa Indonesia). Diakses tanggal 2019-10-24.
