Sambalado
Sambalado adolah salah satu jenis makanan khas di Minangkabau nan bahan dasanyo tabuek dari lado. Urang Jawa manyabuik sambalado jo sambal balado. Sambalado biasonyo dimakan urang Minangkabau sabagai kawan jo pangganti samba. Lado nan dipakai biasonyo lado karitiang, lado bulek, lado merah, lado mudo atau lado hijau. Bahan-bahan mambuek sambalado, takah lado, garam, bawang jo tomaik. Sambalado dimasak urang Minang indak hanyo untuak pangganti lauak pauak di rumah, tapi dihidangkan juo di acara-acara adaik jo baralek.[1]
 Sambalado | |
| Detail | |
|---|---|
| Bahan utamo | lado, garam, bawang jo tomaik, dan minyak goreng (untuak manggoreng) |
| Variasi | lado sighah jo lado hijau |
Ragam suntiang
Baragam macam sambalado di Minangkabau:
- Sambalado goreng, lado nan lah sudah digiliang jo garam, bawang, tomek, digoriang di dalam cambuang basi
- Sambalado uok, lado nan lah sudah digiliang dimasuak’an ka dalam nasi nan sadang di masak
- Sambalado abuih, lado talabiah dahulu diabuih jo aie nasi nan sadang di masak basamo jo bawang jo tomek, sasudah itu baru digiliang jo batu simbaran.
- Sambalado mudo, lado mudo nan masiah hijau campua jo tomek hijau, tambah jo parasan asam limau.
- Sambalado tanak, lado nan lah digiliang dimasuakkan ka dalam santan nan dicampua tomaik, bawang, rampah-rampah, kudian ditambah jo bada, talua abuih, buliah pulo jo jariang atau patai.
- Sambalado baluik, lado jo baluik
- Sambalado taruang, lado jo taruang mato kabau, atau taruang ungu.
- Sambalado koyok, sarupo jo sambalado uok, indak bagoreng, istilah sambalado iko hanyo dipakai di Nagari Alahan Panjang, Kabupaten Solok[2]
