Rumah Malayu

Rumah Malayu (dalam ijoan lain rumah Melayu; Jawi: رومه ملايو) adolah tampek kadiaman masyarakaik Malayu nan alah tabina sabalun pangaruah asiang atau modern. Rumah Malayu ko dipakai dek masyarakaik etnik Malayu di Semenanjung Malaya, Singapura, Sumatra, jo Kalimantan.

Rumah Malayu di Pahang, Malaysia

Bantuak arsitektur Malayu cukuik baragam, tapi disasuaian jo kondisi alam sarato filosofi iduik masyarakaik Malayu. Bangunan tradisional Malayu ko paralu parawatan nan cukuik, babeda jo bangunan modern. Lambek laun, kaahlian mambangun rumah Malayu ko lah mulai ilang di Malaysia, tapi lai masih tajago di Indonesia dek adonyo Taman Mini Indonesia Indah, Jakarta sabagai sarana palastarian jo dokumentasi bangunan-bangunan tradisional salah satunyo rumah Malayu.

Konstruksi

Material Rumah Malayu mamakai bahan-bahan alam sarupo kayu jo bambu, dan dibangun tanpa mamakai logam. Untuak manyambuang kayu-kayu tu, dibueklah lubang antaro kayu-kayu nan ka diubuangan atau dibuek pasak di antaro kaduonyo. Walau kini pakau alah ditamukan, tapi pamakaiannyo minimal pado Rumah Malayu. Kauntungan indak mamakai paku sabagai panyambuangnyo adolah fleksibilitas bangunan sarato mudah untuak bangunan kok ka dibongka atau dipindahan tampek tagaknyo beko.

Tipe

• Rumah Limas – Umumnyo di Palembang dan takaik jo bangsawan Kasultanan Palembang

  

  Rumah Limas, rumah tradisional Palembang.

• Rumah Limas – Jinih Rumah Limas lainnyo tasuo di Riau, Johor, Malaka, Pahang, Terengganu, jo Selangor.
• Rumah Lipat Kajang atau Rumah Kejang Lako – Umumnyo ado di Jambi jo Riau.
• Rumah Melaka – Predominantly found at Johor jo Malacca.
• Rumah Lancang or Rumah Lontik – Umumnyo ado di Kabupaten Kampar, Riau.
• Rumah Belah Bubung – Umumnyo ado di Kapulauan Riau.
• Rumah Kutai – Umumnyo ado di Perak jo Selangor utara, dibuek manuruik arsitektur Kutai.
• Rumah Perabung Lima – Umumnyo ado di Kelantan jo Terengganu.
• Rumah Gajah Menyusu – Umumnyo ado di Penang.
• Rumah Tiang Dua Belas – Umumnyo ado di Kelantan, Terengganu jo Pattani.
• Rumah Bumbung Panjang – Umumnyo ado di Kedah, Perlis, Perak, Selangor, Johor jo Pahang.
• Rumah Air – Umumnyo ado di Brunei jo Labuan.
• Rumah Berbumbung Lima – Umumnyo ado di Bengkulu.