Rambai

Rambai
Klasifikasi ilmiah
Kingdom:	Plantae
Division:	Magnoliophyta
Class:	Magnoliopsida
Order:	Malpighiales
Family:	Phyllanthaceae
Genus:	Baccaurea
Species:	B. motleyana
Namo binomial
Baccaurea motleyana Müll.Arg.

Rambai, menteng atau rambe (Baccaurea racemosa (Reinw.) Muell. Arg.; juga B. javanica dan B. dulcis) adolah pohon penghasil buah dengan namo samo yang dapek dimakan. Sekilas buah menteng mirip jo buah duku namun tangkai buahnyo panjang dan disatiok satu tangkai nan malakek ka batang tdapek banyak buah sarato tajuk pohonnyo babeda. Raso buahnyo kabanyakan masam (kecut) meskipun ado juo nan manih.

Setidaknya ado 4 jenis buah nan sarupo jo menteng iko, yaitu :

1. Menteng atau rambai (Minang) atau Rambe (Sumsel).
2. Kapundung atau kapunduang (Minang), buah sarupo rambai namun ukurannyo labiah gadang, bakilik taba sahinggo isi buah hampia samo jo rambai.
3. Langsat atau lansek (Minang) atau duku Palembang (Sumsel) atau duku Condet (Jabodetabek).
4. Duku (Bhs Minang), buahnyo labiah gadang dari langsat, disatiok buah ado bijo sedang namun di langsat alun tantu, labiah panjang dimano perbandingan tinggi buah dibandingkan garis tangahnyo labiah panjang tinggi buahnyo.

Sabutan "Menteng" adolah untuak Jakarta dan Jawa umumnyo. Di Sumatera disabuik rambai dan ado daerah nan manyabuik rambe. Dahulu biasa tumbuah di pekarangan namun kini alah sulik ditamui karano desakan penduduk dan penanaman tanaman buah lain nan labiah disukoi. Tumbuhan iko asli dari Pulau Jawa dan Pulau Sumatera.

Di sekitar Jakarta dan Bogor kadang-kadang masih ado tasuo urang manggaleh buah menteng. Di Sumatera Selatan musim rambai iko biasanyo badakek an jo musim duku, biasanyo buah rambai ado di pasa-pasa di penghujung musim duku atau duku hampia habis.

Rambai sajenis buah-buahan nan tumbuah liar atau setengah liar di parak-parak sarupo di Asia Tenggara, seperti Thailand, Malaysia, dan Indonesia (terutama Sumatra dan Kalimantan), kalau di Thailand dikenal jo mafai-farang. Karano rambai masih sakerabat jo menteng atau kapunduang, acok ndak tabedakan bantuaknyo. Namun ado beberapa nan mambedakan, bungo jo buah menteng tumbuah di ujuang dahan. Namun untuak raso, rambai relatif labiah manih buahnyo.

Wujudnyo barupo pohon dengan katinggian 9-12 meter dengan badan pohon nan lumayan lebar. Untuak daunnyo bawarna hijau bakilek dibagian atehnyo (ventral) dan agak kecoklatan, saketek bamiang disisi bagian bawahnyo. Ukuran daunnyo bisa mancapai sampai 33 cm panjangnyo dan lebanyo mancapai 15 cm. Tumbuhan iko dikenl punyo rumah duo, ado tumbuahan jantan dan tumbuahan batinonyo. Bungonyo harus dan punyo mahkota bawarna kuniang. Panjang banang sarinyo bisa mancapai 15 cm dan putiaknyo bahkan bisa mancapai 75 cm.

sadangkan buahnyo punyo ukuran diameter 2 sampai 5 cm, bungonyo tasusun majemuk manyarupoi rantai. Samantaro kulik buahnyo agak manyarupoi beludru, jo warna kuniang atau agak coklat mudo, isisnyo mulai dari 3 sampai 5 biji dalam ciek buah nan tabungkuih dek dagiang buahnyo. Dagiang buahnyo juo bisa dimakan mantah, diabuih atau dibuek selai dan minuman anggur. Untuak kayunyo berkualitas randah.

Buahnyo punyo tipe buah bapsul, ppunyo diameter 2-2,4 cm, warnanyo hijau kakuniang-kuniangan atau hijau kamerah-merahan katiko alah matang. Biji dalam dagiang buah bawarna putiah, kuniang atau merah. Rambai, menteng atau kapunduang mengutip dari tropical.theferns.info, babuah sapanjang tahun.

Di rimbo, tumbuahan rambai marupokan komponen dari rimbo dipterokarp pagunungan bawah sampai katinggian 1.100 meter di ateh permukaan aia lauik. Rambai akan tumbuah dengan baik jo suhu pado kisaran 21-28 derajat celcius, namun dapek baradaptasi di suhu 14-34 derajat celcius, sarato manyukoi tanah aluvial bapasia atau berlempung untuak tumbuahannyo. Pado kawasan balukar tumbuah sebagai pohon siso pra-pambalakan.

Buah rambai, mengutip dari agrobisnisinfo.com, jo organisasi.org, manganduang energi sabanyak 65 kilokalori, protein 1,7 gram, karbohidrat 16,1 gram, lemak 0,2 gram, kalsium 13 miligram, fosfor 20 miligram, dan zat besi 1 miligram. Salain itu di dalam buah rambai juo manganduang vitamin A sabanyak 0 IU, vitamin B1 0 miligram dan vitamin C 3 miligram. Hasia nan disabuikkan itu didapekkan dari malakukan panalitian jo sampel 100 gram buah rambai, dengan jumlah nan dapek dimakan sabanyak 64 persen.

Manfaik

Buah rambai manganduang manfaat nan jarang diketahui urang banyak, padohal rambai punyo banyak manfaat untuak badan. Baccaurea motleyana, atau nan umumnyo dikenal jo sabutan rambai adolah pohon nan baukuran sadang dari genus Baccaurea Lour dan Euphorbiaceae (keluarga Spurge). Tanaman iko barasa dari Thailand, Semenanjung Malaysia, Sumatera, Jawa, Kalimantan, dan Maluku.

Buah rambai punyo tampilan hijau katiko masih alun matang atau mantah, namun barubah warna manjadi kuniang katiko alah matang. Walaupun ukurannyo ketek, namun ado banyak manfaat buah rambai untuak badan. Salah satunyo mambantu manjago kadar gulo darah. Buah nan terdiri dari aia, protein, sakarosa, serat, jo babarapo vitamin dan mineral lainnyo. Rato-rato sadonyo senyawa nan takanduang dalam buah iko akan manyehatkan badan.

Pranala lua

• Purdue New Crops Profile
• FAO Ecocrops Profile Archived 2012-02-10 di Wayback Machine.
• Baccaurea motleyana