Port Dickson

Port Dickson marupoan sabuah kota pantai. Mukasuiknyo Port Dickson barado di tapi atau pinggia lauik, nan dijadian sabagai palabuahan untuak impor jo ekspor minyak, bijih timah, arang sarato jo kaparaluan lainnyo.

Port Dickson

Lokasi

Port Dickson barado di Negeri Sembilan Darul Khusus. Kota nan paliang dakek dari palabuahan ko iolah Lukut. Di Lukut tadapek Kota Lukut nan manampekan kubu pertahanan warisan Sungai Ujong, nan kini dilestarikan sabagai Museum Lukut.

Asal namo

• Port Dickson iolah untuak mamparingati namo Sir John Frederick Dickson,saurang pagawai Inggris pado zaman panjajahan Inggris.
• Namo asa Port Dickson iolah Tanjuang atau Tanjung Tin. Iko karano muko bumi pantainyo babantuak tanjuang ketek nan mamungkinkan kapa-kapa balabuah.
• Namo lainnyo iolah Arang (Malaysia) karano ado kilang manghasiakan arang di hadapan pantainyo.

Pakambangan

• 1901, kilang Shell didirikan . Shell marupoan parusahaan minyak multinasional nan barasal dari Belanda. Kilang iko didaftarkan sabagai Parusahaan Shell Petrol and Trading dapek manghasiakan 700 liter tangki minyak. Kaparluan kilang pangolahan minyak amat penting agar Malaysia indak bagantuang kapado minyak dari Pulau Bukom, Singapura. Minyak mentah diimpor dari Arab Saudi, Kuwait, Irak jo Iran.
• 1902, stasiun kereta api alah dibangun hinggo ka palabuhan Port Dickson. Kalabiahan kereta api iolah dapek mangangkuik barang sacaro banyak, pukal jo murah. Contohnyo kayu balak, bijih timah, minyak bumi, karambia dan lain-lain.
• 1933, Port Dickson alah dipiliah sabagai panampatan kamp Angkatan Tantara Melayu jo Maktab Tantara Persekutuan. Kamp iko dinamoan Kamp Si Rusa.
• 1964 Esso mambukak kilang pangolahannyo sabagai saingan Shell. Rakyat satampek direkrut bakarajo di dalam kilang iko.
• 1965 Stasiun Janaelektrik Port Dickson dibangun untuak manyadioan tanago elektrik . Janakuasa iko manggunoan minyak sabagai bahan baka. Janakuasa iko acok disalahtafsirkan sabagai kilang Shell jo kilang Esso.
• 1 Desember 1979 Majelis Daerah Port Dickson didirikan.

Pantai Taluak Kemang

Port Dickson terkenal karano adonyo pantai nan panjang jo rancak dari Janakuasa Elektrik Tuanku Jaafar hinggo ka Tanjuang Tuan. Pantai Taluak Kemang nan rancak iolah di Batu 8 jo Batu 7.

Pantainyo landai, barasiah, pasia putiah haluih jo dilengkapi dengan kadai makanan, biliak mandi jo kamar ketek sarato pondok-pondok tampek istirahat.

Dengan adanyo Jalan ekspres Seremban - Port Dickson, warga Kuala Lumpur labiah mudah datang ka pantai Taluak Kemang. Tol RM2.90

Tadapek banyak hotel, chalet jo resort nan dibangun di Taluak Kemang jo di Port Dickson. Di antaranyo iolah Ilham Resort, PD Marina, Tanjung Tuan Beach Resort, Guoman, Residensi Hotel, Holtel Costa Rica jo Hotel Sri Malaysia. Sewa hotel dari RM 90.00 sajo.