Pintu (alaik)

"Pintu" baraliah ka laman iko. Untuak aplikasi bitcoin Indonesia, caliak Pintu (aplikasi). Untuak lainnyo, caliak Pintu (disambiguasi).

Pintu adolah sabuah bukaan pado dindiang / bidang nan mamudahkan sirkulasi antar ruang-ruang nan babateh jo dindiang / bidang tasabuik. Pintu biasonyo ditamui pado bangunan, misalnyo rumah. Selain tu, pintu tadapek juo pado kandaraan, lamari, dan lain-lain. Pintu dapek babuka jo banyak caro, ajak baputar pado tangahnyo, dilipek, dan lain-lain. Pintu biasonyo bakunci, dan urang nan diagiah kunci pintu manandoan parubahan status manjadi urang dalam atau juru kunci.

Pintu Mewah

Pintu Garbang umua 244 Taun Abaik Patangahan atau Amerika, London

Pintu Garih Bosi

Kabanyakan pintu tabuek dari kayu dan salabiahnyo, pado panggunoan nan tabateh tabuek dari aluminium, bosi dan plastik PVC. Pintu kayu tadiri dari babarapo jinih. Nan paliang umum iyolah pintu nan tabuek dari kayu utuah. Salain tu tadapek jua pintu kayu jinih "flush", nan di dalamnyo tadapek ruang hampa.

Flush door dikana juo jo engineering door, teknologi iko tobik sabagai subtitusi pintu kayu solid mangingek samakin suliknyo kayu kareh dari utan alam dan samakin maningkeknyo kabutuhan akan pintu sairiang paningkekan kabutuhan tahadok parumahan.

Kini, parumahan manangah ka bawah labiah banyak manggunoan jinih pintu engineering door, basobok harogo labiah murah tapi model dan desain sangek variatif dan manariak. Manganai kakuatan tagantuang dari proses produksinyo dan pamilihan bahan.

Kusen

Kusen marupoan bagian sampiang atau bingkai pintu maupun jandela. kusen manahan boban pintu manggunoan engselnyo nan mambuek pintu dapek babuka dan ditutuik. Tadapek babarapo jinih kusen nan biaso digunoan iyolah kusen kayu, fiberglass, aluminium, PVC, dan UPVC.

Caliak pulo

• Media tantang pintu di Wikimedia Commons
• Pintu aluminium
• Pintu darurat
• Pintu kayu
• Garbang