Wikipedia

Pandemi Covid-19 di Thailand

Artikel ko mandokumentasikan bancano kini ko. Informasi tantang hal itu dapek capek barubah kok informasi labiah lanjuik tasadio; laporan barito jo sumber-sumber primer lainnyo mungkin indak bisa diandalkan. Pambaruan tarakhia untuak artikel ko mungkin indak mancaminkan informasi kiniko tantang bancano ko untuak sadoalah bidang.

Pandemi koronavirus 2019 di Thailand partamo bana tajadi sajak 13 Januari 2020 dan manjadikannyo nagara partamo di lua Cino nan malaporkan kasus takonfirmasi positif COVID-19.[2] Pado mulo-mulo wabah di Thailand, kasus labiah banyak dek palancong nan barulang dari Cino. Kudian baru pado 31 Januari unutak partamo kali dilaporkan papindahan virus sacaro lokal antaro panduduak.[3] Kasus maningkek tajam pado 6 Maret katiko balansuang patandingan Muay Thai di Stadion Tinju Lumpinee.[4] Baru pado 26 Maret, Perdana Menteri Prayut Chan-o-cha mandeklarasikan darurat nasional, walau jam malam alun dibalakukan.[5]

Pandemi koronavirus 2019 di Thailand
Peta provinsi di Thailand nan ado kasus suspek atau takonfirmasi koronavirus (per 31 Maret): ██ Kasus takonfirmasi jo maningga██ Kasus takonfirmasi██ Kasus suspek
Jumlah kasus takonfirmasi manuruik provinsi (per 30 Maret): ██ Confirmed 1–9██ Confirmed 10–99██ Confirmed 100–499██ Confirmed 500–999
PanyakikCOVID-19
Virus strainSARS-CoV-2
LokasiThailand
Kasus partamoPalabuahan udaro Suvarnabhumi
Tangga mulo13 Januari 2020
(4 years, 10 months, 2 weeks and 5 days)
AsaWuhan, Hubei, Cino
Kasus takonfirmasi2.811[1]
Kasus nan diduga‡42.302
Kasus barek61
Cegak2.108[1]
Maningga
48[1]
Situs resmi
ddc.moph.go.th/viralpneumonia/eng
‡ Kasus nan diduga alun dikonfirmasi dek sadang ditaliti di laboratorium.

Garih wakatu

suntiang

Januari

suntiang

Kasus partamo positif koronavirus 2019 dilaporkan dek Menteri Kasehatan Masyarakaik pado 13 Januari. Pasien adolah padusi 61 taun nan marupokan panduduak Wuhan. Inyo indak mangunjuangi Pasa Binatang Huanan, tapi tacataik bakunjuang ka pasa lainnyo. Wakatu itu inyo mangaluah soal tabuang angok nan sakik, damam, manggigia, jo sakik kapalo pado 5 Januari. Pado 8 Januari pai ka Thailand untuak mangunjuangi dunsanaknyo, tapi katiko di Palabuahan Udaro Suvarnabhumi inyo tadeksi jo pamantau suhu dan kudian dirawaik di rumah sakik. Ampek ari kudian hasia pamaresoannyo kalua dan positif.[6][7][2]

Pado 22 Januari, kasus partamo pado warganegara Thailand dilaporkan dan marupokan kasus kaampek di Thailand. Pasien adolah padusi 73 taun nan baru pulang dari Wuhan dan dirawaik di Rumah Sakik Nakhon Pathom di Provinsi Nakhon Pathom.[8]

Pado 31 Januari ado tambahan limo kasus hinggo total kasus positif di Thailand mancapai 19 kasus. Kasus masih didominasi dek urang bakawarganagaraan Cino.[9][10]

Februari

suntiang

Pado 2 Februari, dotor-dotor dari Rumah Sakik Rajavithi, Bangkok, maumumkan baso inyo alah barasia maubek kasus barek covid-19 jo kombinasi ubek flu (oseltamivir) jo ubek HIV (lopinavir jo ritonavir). Hasianyo manunjuakan kondisinyo capek mambaiak dalam 48 jam sasudah diagiah ubek-ubek tasabuik. Namun, alun masih paralu panalitian labiah lanjuik soal kabarasilannyo pado kasus lainnyo.[11]

Pado 4 Februari, pamarintah Thailand mangirim Thai AirAsia untuak maangkuik 138 warga nagaranyo nan sabalunnyo takuruang di Wuhan dek karantina wilayah. Di antaro nan diangkuik, ado anam urang nan paralu manjalani parawatan dek suhu tinggi. Salabiahnyo dikarantina di Markas Angkatan Lauik Sattahip salamo duo minggu.[12]

Pado 15 Februari, kasus 35 adolah kasus partamo takonfirmasi positif pado tanago medis. Pasien adolah padusi 35 taun nan bakarajo di rumah sakik swasta. Dari panalusuran epidemiologi, didapek baso inyo idnak mamakai masker jo alaik palinduang diri katiko manangani pasien.[13]

Maret

suntiang

Pado 1 Maret, untuak partamo kali dilaporkan kamatian pado kasus positif. Mandiang adolah laki-laki 35 taun nan mulonyo didiagnosis damam dengue di rumah sakik swasta pado akhia Januari. Pado 5 Februari, inyo dirujuak sasudah dipareso nan hasianyo positif. Kondisi lah mulai marancak dan dianggap alah cegak sapanuahnyo pado 16 Februari. Pado 29 Februari, inyo maningga dalam kondisi paru rusak dek virus sarato kagagalan banyak organ.[14]

 
Pamantau suhu tubuah di salah satu mall di Bangkok

Pado 22 Maret, Thailand malaporkan ado 188 kasus baru, kasus harian tatinggi sajak virus masuak ka Thailand. Pado 24 Maret, dilaporkan tigo kasus kamatian baru dan kasadonyo urang Thailand.[15][16] 4 tanago medis dilaporkan tainfeksi pulo pado hari itu dek bakontak jo pasien nan manulak mancaritokan riwayaik pajalannyo.[17]

Upayo maambek panyebaran

suntiang

Sajak 3 Januari, Thailand alah mulai mambatasi pajalanan dari lua nagari. Dimulai dari limo palabuahan udaro internasional di Thailand, yaitu Suvarnabhumi, Mueang, Phuket, Chiang Mai, jo Krabi. Disusua Chiang Rai pado 24 Januari. Palabuahan-palabuahan udaro tasabuik malakukan panapisan (screening) panompang, khususnyo nan tibo dari Cino.[18][19][20] Pado 18 Februari, panompang dari Japang jo Singapura dilakukan pulo panapisan ketat sarupo jo panompang dari Cino. Pado 21 Februari ditambah jo panompang dari Hong Kong, Makau, Korea Selatan, jo Taiwan. Pambatasan pajalanan lauik juo dibalakukan.[21]

 
Panyanitasi tangan (hand sanitizer) di salah satu stasiun kareta di Bangkok untuak maambek panyebaran virus

Kementerian Kasihatan Masyarakaik Thailand pado 18 Februari sadang mangambangkan paralatan untuak bisa mandeteksi capek virus. Kudian dibuek pulo protokol pananganan covid-19.[22] Pasien nan takanai pneumonia tapi indak jaeh panyababnyo sacaro otomatis dianggap kasus PDP (Pasien Dalam Pamantauan) covid-19, utamonyo di 8 provinsi nan acok disingggahi turis dari Cino (Bangkok, Chiang Mai, Chiang Rai, Chon Buri, Krabi, Phuket, Prachuap Khiri Khan, jo Samut Prakan).[23]

Kementerian Kasihatan pun manatapkan daerah barisiko. Ado duo jinih, yaitu zona tainfeksi panyakik babahayo jo area nan batransmisi lokal.[24] Zona tainfeksi panyakik babahayo ko antaronyo nagara-nagara jo kasus tinggi positif covid-19. Palancong dari nagara tasabuik musti manunjuakan surek bukti bebas covid-19, di antaronyo Cino, Korea Selatan, Italia, jo Iran.[25] Untuak area nan batransmisi lokal adolah daerah-daerah dalam nagari Thailand. Sadoalah urang nan barasa dari tampek tasabuik musti maisolasi diri di rumah salamo 14 hari.[24]

Pamarintah satampek pun mulai malakukan karantina wilayah sebagian, cando pamarintah Bangkok. Pamarintah Bangkok maumumkan untuak manutuik sagalo pusek bisnis sajak 22 Maret inggo 12 April 2020.[26] Hanyo pasa swalayan, apotek, jo restoran nan manyadiokan layanan anta ka rumah sajo nan buliah bukak di mall.[27]

Dampak

suntiang

Dampak pandemi di Thailand cukuik marato ka sadoalah bidang. Di bidang ekonomi banyak parusahoan nan mulai mamotong gaji karyawannyo. Panyadio jaso panabangan cando Bangkok Airways bahkan mangurangi jumlah panabangan sarato rute tabang.[28]

Di bidang pandidikan, sikolah sarato universitas ditutuik. Pado 29 Februari, pameran buku nasional jo internasional pun turuik dibatalkan. panutupan iko dilakukan sampai bateh wakatu nan alun ditantukan.[29]

Di bidang olahraga baragam alek jo patandiangan olahraga tingkek nasional jo internasional ditunda.[30] Pado tayangan olahraga pun, patandiangan cando tinju hanyo buliah dilakukan tanpa panonton.[31][32]

Di bidang pariwisata, tampek wisata jo tampek-tampek lain nan dapek maimpun banyak urang alah ditutuik sajak patangahan Maret.[33] Banyak even pariwisata nan musti dibatalkan dek bapotensi manjadi tampek panyebaran virus.[34]

Rujuakan

suntiang
  1. ↑ a b c COVID-19 Dashboard
  2. ↑ a b Cheung, Elizabeth (13 January 2020). "Thailand confirms first case of Wuhan virus outside China". South China Morning Post. Diarsipkan dari versi asli tanggal 13 January 2020. Diakses tanggal 13 January 2020. 
  3. ↑ "สธ.แถลง พบคนขับแท็กซี่ ติดไวรัสโคโรน่า เป็นคนไทยรายแรก ไม่มีประวัติไปจีน" [MOPH announces taxi driver infected with coronavirus; first Thai case with no records of travelling to China]. Thairath Online (dalam bahasa Thai). 31 January 2020. Diarsipkan dari versi asli tanggal 31 January 2020. Diakses tanggal 31 January 2020. 
  4. ↑ "ผู้ป่วยโควิด-19 ในไทย ปะทุจากผับกทม.4 ย่านดัง- สนามมวยแพร่ไป 9 จ" [COVID-19 cases in Thailand surge; spreads from four major Bangkok-area entertainment districts – boxing stadiums to 9 provinces]. Krungthep Turakij (dalam bahasa Thai). 20 March 2020. Diakses tanggal 29 March 2020. 
  5. ↑ The Standard Team (24 March 2020). "นายกฯ ประกาศใช้ พ.ร.ก. ฉุกเฉิน คุมโควิด-19 มีผล 26 มี.ค. ย้ำยังไม่ประกาศเคอร์ฟิวห้ามออกนอกบ้าน" [PM declares state of emergency effective 26 March in response to COVID-19; maintains there is no curfew yet]. The Standard (dalam bahasa Thai). Diakses tanggal 29 March 2020. 
  6. ↑ Schnirring, Lisa (14 January 2020). "Report: Thailand's coronavirus patient didn't visit outbreak market". CIDRAP. Diarsipkan dari versi asli tanggal 14 January 2020. Diakses tanggal 15 January 2020. 
  7. ↑ "Novel coronavirus (02): Thailand ex China (HU) WHO. Archive Number: 20200113.6886644". International Society for Infectious Diseases. Diakses tanggal 14 January 2020 – via Pro-MED-mail. 
  8. ↑ Apinya Wipatayotin (22 January 2020). "First Thai infected with coronavirus". Bangkok Post. Diakses tanggal 23 January 2020. 
  9. ↑ "Thailand confirms first human-to-human coronavirus transmission, total cases rises to 19". CNA. 31 January 2020. Diarsipkan dari versi asli tanggal 31 January 2020. Diakses tanggal 28 January 2020. 
  10. ↑ "Human transmission of coronavirus confirmed in Thailand". Bangkok Post. 31 January 2020. Diakses tanggal 28 January 2020. 
  11. ↑ "Cocktail of flu, HIV drugs appears to help fight coronavirus: Thai doctors". Reuters. 3 February 2020. Diarsipkan dari versi asli tanggal 2 February 2020. Diakses tanggal 2 February 2020. 
  12. ↑ "เครื่องบินรับ 138 คนไทยจากอู่ฮั่น เดินทางถึงสนามบินอู่ตะเภาแล้ว (มีคลิป)" [Plane carrying 138 Thais from Wuhan has landed at U-Tapao Airport (with clip)]. Sanook (dalam bahasa Thai). 4 February 2020. Diarsipkan dari versi asli tanggal 4 February 2020. Diakses tanggal 4 February 2020. 
  13. ↑ "First case of medical worker found". Bangkok Post. 11 February 2020. Diakses tanggal 17 February 2020. 
  14. ↑ "King Power closes branch linked with coronavirus death". Bangkok Post. March 1, 2020. Diakses tanggal March 2, 2020. 
  15. ↑ "Thailand announces 89 new coronavirus cases; malls ordered closed until April 12 » Thai Enquirer". Thai Enquirer (dalam bahasa Inggris). 2020-03-21. Diakses tanggal 2020-03-21. 
  16. ↑ "Thailand sees biggest jump in coronavirus cases". www.aljazeera.com. Diakses tanggal 2020-03-21. 
  17. ↑ "ครั้งแรกในไทย หมอ พยาบาล 4 ราย ติดโควิด-19 รับเชื้อจากผู้ป่วย ปิดประวัติเสี่ยง" [First time in Thailand, 4 doctors and nurses received COVID-19 from patients who withheld their travel history to high-risk areas]. Thairath Online (dalam bahasa Thai). 24 March 2020. Diakses tanggal 24 March 2020. 
  18. ↑ "WHO | Novel Coronavirus – Thailand (ex-China)". WHO. 14 January 2020. Diarsipkan dari versi asli tanggal 21 January 2020. Diakses tanggal 15 January 2020. 
  19. ↑ "Wuhan viral pneumonia alert". Chiang Mai Citylife. 7 January 2020. Diakses tanggal 15 January 2020. 
  20. ↑ "รายงานข่าวกรณีโรคปอดอักเสบจากเชื้อไวรัสโคโรนาสายพันธุ์ใหม่ 2019 (Novel Coronavirus;2019-nCoV) ประจำวันที่ 1 กุมภาพันธ์ 2563" [Report of Novel Coronavirus (2019-nCoV) situation in Thailand, 1 February 2020] (dalam bahasa Thai). 1 February 2020. Diarsipkan dari versi asli tanggal 26 March 2020. Diakses tanggal 2 February 2020 – via Ministry of Public Health, Thailand. 
  21. ↑ Slessor, Camron (11 February 2020). "Westerdam cruise ship stranded at sea again after being refused entry to Thailand amid coronavirus fears". ABC News. Diakses tanggal 11 February 2020. 
  22. ↑ "Japanese and S'pore arrivals screened". Bangkok Post. 18 February 2020. Diakses tanggal 18 February 2020. 
  23. ↑ "Thailand expands virus detection". Bangkok Post. 21 February 2020. Diakses tanggal 22 February 2020. 
  24. ↑ a b "เขตติดโรคอันตรายและพื้นที่ที่มีการระบาดต่อเนื่อง". 6 March 2020. Diarsipkan dari versi asli tanggal 24 May 2020. Diakses tanggal 1 April 2020. 
  25. ↑ "Govt ramps up Covid-19 measures". Bangkok Post. 10 March 2020. 
  26. ↑ "Bangkok malls to close from Sunday". Bangkok Post. March 21, 2020. Diakses tanggal March 21, 2020. 
  27. ↑ "Breaking News : กทม.สั่งปิดสถานที่เสี่ยงเพิ่ม 22 วัน เริ่ม 22 มี.ค. -12 เม.ย. 63 เว้นซูเปอร์มาร์เก็ต ร้านสะดวกซื้อ ร้านอาหารขายได้เฉพาะหิ้วกลับบ้าน". Spring News. March 21, 2020. Diakses tanggal March 21, 2020. 
  28. ↑ "Bangkok Airways cuts back as virus bites". Bangkok Post. 28 February 2020. 
  29. ↑ "Mahidol, Chula cases halt classes". Bangkok Post. 17 March 2020. 
  30. ↑ "ไทยลีกเลื่อนแข่งทุกระดับถึง 18 เมษายน" [Thai League postponed all matches prior to 18 March]. Goal Thailand (dalam bahasa Thai). 4 March 2020. 
  31. ↑ "ช่อง7ของดแฟนมวยเข้าสนาม". muayded789. 4 March 2020. 
  32. ↑ "พิษโควิด-19 ทำไทยไฟท์ เชียงราย เลื่อนชก". Springnews. 25 February 2020. 
  33. ↑ "Virus axes Songkran festivities". Bangkok Post. 10 March 2020. 
  34. ↑ "Koh Phangan suspends full-moon party". Bangkok Post. 5 March 2020. 
Diambiak dari "https://min.wikipedia.org/w/index.php?title=Pandemi_Covid-19_di_Thailand&oldid=3152927"