Nyai Ageng Serang

Nyai Ageng Serang
Nyai Ageng Serang
	ꦔꦲꦶꦲꦒꦼꦁꦱꦺꦫꦁ
	Potret Nyai Ageng Serang, koleksi Perpusnas
Lahia	Raden Ajeng Retno Kursiah Edi; Templat:Birth year; Serang, Kabupaten Grobogan, Hindia Belanda
Maningga	1752 (umua -77–-76); Kesultanan Ngayogyakarta Hadiningrat, Hindia Belanda
Namo lain	Bendara Raden Ayu Kustiyah Wulaningsih Retno Edi
Dikana dek	Pahlawan Nasional Indonesia

Raden Ayu Serang atau Nyai Ageng Serang (bahaso Jawa: ꦚꦲꦶꦲꦒꦼꦁꦱꦺꦫꦁ, translit. Nyai Ageng Sérang) (1752-1828) adolah tokoh pahlawan nasional Indonesia padusi nan punyo namo ketek Raden Ajeng Retno Kursiah Edi. Satalah manikah, namonyo manjadi Bendara Raden Ayu Kustiyah Wulaningsih Retno Edi.^[1]Inyo adolah saurang Pahlawan Nasional Indonesia. Di antaro katurunannyo, salah ciek juo saurang Pahlawan Nasional, ado Soewardi Soerjaningrat atau labiah dikana sabagai Ki Hajar Dewantara.

Kahidupan

Nyai Ageng Serang lahia sakitar taun 1752 di Desa Serang sakitar 40 km sabalah utara Surakarta dakek Purwodadi, Jawa Tengah. Nyi Ageng Serang katurunan dari Sunan Kalijaga. Ayahnyo adolah Pangeran Ronggo seda Jajar nan digala Panembahan Senopati Notoprojo.^[1] Pangeran Notoprojo manguasoi tampek tasuruak dari Kerajaan Mataram tapeknyo di Serang nan kini ado di tampek pabatehan Grobogan-Sragen.

Satalah ayahnyo maningga Nyi Ageng Serang manggantian kadudukan ayahnyo. Nyi Ageng Serang manikah duo kali, jo Hamengkubuwana II tu jo Pangeran Serang I (namo asli: Pangeran Mutia Kusumowijoyo). Di Serang, inyo malahian saurang anak banamo Pangeran Kusumowijoyo atau Sumowijoyo (1794-1852), nan disabuik sabagai Pangeran Serang II dalam sumber Belanda. Dicap oleh Jenderal Hendrik Merkus de Kock, sabagai nan sungguah jaek, indak baprinsip, jo kacanduan madat.^[2] Sang Nyai jugo punyo saurang putri nan isuak akan manikah jo anak Sultan Hamengku Buwono II, Pangeran Mangkudiningrat I (1775-1824), nan inyo asiangan ka Pulau Pinang (1812-1815) jo Ambon (1816-1824) satalah Inggris manyarang Kesultanan Ngayogyakarta Hadiningrat. Pasangan nan tarakhia iko punya saurang anak, Raden Tumenggung Mangkudirjo nan isuak ko bagala Pangeran Adipati Notoprojo atau Raden Mas Papak (1803-1855). Julukan itu diagiahan dek jari-jari tangah-tangah kiri samo rato, tando kebesaran sabagai calon rajo.

Lukisan diri Nyai Ageng Serang

Nyi Ageng Serang maningga di Yogyakarta taun 1828 jo dimakamkan di Kalibawang, Kulon Progo.^[3] Tatapi, babarapo urang yakin jiko makamnyo ado di daerah Grobogan nan kini manjadi tampek Waduk Kedung Ombo, sahinggo dibueklah sabuah makam tarapuang di waduk tu. Di antaro katurunannyo, salah cieknyo jugo saurang Pahlawan Nasional yaitu Soewardi Soerjaningrat atau labiah dikana sabagai Ki Hajar Dewantara.

Sabagai pahlawan nasional, Nyi Ageng Serang acok hampia talupoan. Dek karano namonyo ndak sapopuler R.A. Kartini atau Cut Nyak Dhien. Bagaimanopun urang-urang Kulon Progo mandirian monumen di tangah kota Wates untuak manganangnyo. Monumen itu barupo patuang Nyi Ageng Serang nan sejog manaiki kudo jo mambaok tombak.

Pajuangan

Makam Nyai Ageng Serang.

pado awal parang Diponegoro pado taun 1825, Nyi Ageng Serang nan baumua 73 taun mamimpin pasukan jo tandu untuak manolong Pangeran Diponegoro malawan Belanda. Indak hanyo ikuik baparang, inyo jugo manjadi panasihaik parang. Nyi Ageng Serang barjuang di babarapo daerah, ado Purwodadi, Demak, Semarang, Juwana, Kudus, jo Rembang.^[4]

Nyi Ageng Serang ikuik palatihan kamiliteran jo siasaik parang basamo jo prajurit laki-laki. Manuruik kayakinannyo, salamo ado panjajahan di bumi pertiwi, mako inyo haruih siap parang untuak malawan urang panjajah. Salah ciek rancano parang paliang takana darinyo adolah manggunoan lumbu (daun taleh hijau) untuak panyamaran.^[4]

Rujuakan

↑ ^a ^b Carey, Peter; Houben, Vincent (2017). Perempuan-Perempuan Perkasa di Jawa Abad XVIII-XIX. Jakarta: Kepustakaan Populer Gramedia. pp. 30. ISBN 978-602-6208-16-3. http://www.penerbitkpg.id/. Diakses pado 18 Agustus 2024.
↑ Carey, Peter; Houben, Vincent (2017). Perempuan-Perempuan Perkasa di Jawa Abad XVIII-XIX. Jakarta: Kepustakaan Populer Gramedia. pp. 31. ISBN 978-602-6208-16-3. http://www.penerbitkpg.id/. Diakses pado 18 Agustus 2024.
↑ Carey, Peter; Houben, Vincent (2017). Perempuan-Perempuan Perkasa di Jawa Abad XVIII-XIX. Jakarta: Kepustakaan Populer Gramedia. pp. 35. ISBN 978-602-6208-16-3. http://www.penerbitkpg.id/. Diakses pado 18 Agustus 2024.
↑ ^a ^b Adryamarthanino, Verelladevanka (2021-06-05). Nailufar, Nibras Nada, ed. "Nyi Ageng Serang: Kehidupan, Perjuangan, dan Akhir Hidup". Kompas.com (dalam bahasa Indonesia). Diakses tanggal 2024-08-18.

Pranala luar

Wikimedia Commons mampunyoi
media nan bahubuangan jo
Nyai Ageng Serang

Nyi Ageng Serang

[:0-1] Carey, Peter; Houben, Vincent (2017). Perempuan-Perempuan Perkasa di Jawa Abad XVIII-XIX. Jakarta: Kepustakaan Populer Gramedia. pp. 30. ISBN 978-602-6208-16-3. http://www.penerbitkpg.id/. Diakses pado 18 Agustus 2024.

[:2-2] Carey, Peter; Houben, Vincent (2017). Perempuan-Perempuan Perkasa di Jawa Abad XVIII-XIX. Jakarta: Kepustakaan Populer Gramedia. pp. 31. ISBN 978-602-6208-16-3. http://www.penerbitkpg.id/. Diakses pado 18 Agustus 2024.

[:3-3] Carey, Peter; Houben, Vincent (2017). Perempuan-Perempuan Perkasa di Jawa Abad XVIII-XIX. Jakarta: Kepustakaan Populer Gramedia. pp. 35. ISBN 978-602-6208-16-3. http://www.penerbitkpg.id/. Diakses pado 18 Agustus 2024.

[:1-4] Adryamarthanino, Verelladevanka (2021-06-05). Nailufar, Nibras Nada, ed. "Nyi Ageng Serang: Kehidupan, Perjuangan, dan Akhir Hidup". Kompas.com (dalam bahasa Indonesia). Diakses tanggal 2024-08-18.

[1]

[2]

[3]

[4]