Kota Semarang adolah ibu kota provinsi sarato kota paliang gadang di Jawa Tengah, Indonesia. Kota ko juo manjadi kota metropolitan basamo Kendal, Demak, Ungaran, Kabupaten Semarang, Salatiga, jo Purwodadi jo akronim Kedungsepur. Metropolitan Semarang jo manjadi kota metropolitan paliang gadang kalimo di Indonesia sasudah Jakarta, Surabaya, Medan, jo Bandung.[3][4] Jumlah panduduaknyo mancapai 1,8 juta jiwa nan manjadikannyo kota paliang rami panduduak katujuah di Indonesia. Populasi kota ko didominasi urang Jawa jo jumlah urang Cino nan signifikan.[5]

Kota Semarang
ꦏꦸꦛ​ꦱꦼꦩꦫꦁ
Kutha Semarang
Venetië van Java
Kota Lumpia
Jawa 1rightarrow blue.svg Jawa Tengah
Dari ateh saarah jarum jam: Skyline Kota Semarang, Lawang Sewu, Musajik Aguang Jawa Tengah, Simpang Lima Semarang,Klenteng Sam Po Kong, jo Tugu Muda
Dari ateh saarah jarum jam: Skyline Kota Semarang, Lawang Sewu, Musajik Aguang Jawa Tengah, Simpang Lima Semarang,Klenteng Sam Po Kong, jo Tugu Muda
Lambang Kota Semarang
Lambang
Semboyan: Semarang Kota ATLAS
(Aman, Tertib, Lancar, Asri, dan Sehat)
Lokasi Kota Semarang di Pulau Jawa
Lokasi Kota Semarang di Pulau Jawa
Kota Semarang is located in Jawa
Kota Semarang
Kota Semarang
Lokasi Kota Semarang di Pulau Jawa
Kota Semarang is located in Indonesia
Kota Semarang
Kota Semarang
Lokasi Kota Semarang di Peta Indonesia
Koordinat: 6°58′0″S 110°25′0″E / 6.96667°S 110.41667°E / -6.96667; 110.41667
Nagara  Indonesia
Hari jadi 2 Mei 1547; 473 tahun nan lalu (1547-05-02)
Pamarintahan
 •  Wali Kota Hendrar Prihadi, S.E, M.M.
 •  Wakil Wali Kota Hevearita Gunaryanti Rahayu
Luas
 • Total 373,70 km2 (14,430 sq mi)
Panduduak (2019)[1]
 • Total 1.814.110 jiwa
 • Kapadatan 4.854,54/km2 (1,257,320/sq mi)
Demografi
 • Suku banso Jawa, Sunda, Tionghoa, Batak, Pakistani, Arab, Lainnyo
 • Agamo Islam (84,51%)
Kristen (13,72%)
Protestan (6,99%)
Katolik (6,73%)
Buddha (1,01%)
Hindu (0,61%)
Lain-lain (0,14%)[1][2]
 • Bahaso Jawa, Indonesia
Zona wakatu WIB (UTC+7)
Kode telepon +62 24
Kecamatan 16
Desa/kelurahan 177
DAU Rp1.054.002.569.000.-
Palabuahan udaro Palabuahan Udaro Internasional Achmad Yani
Palabuahan Palabuahan Tanjung Emas
Flora rasmi Asam jawa
Fauna rasmi Kuntul perak

Daulunyo, kota ko manjadi kota palabuahan utamo dek Hindia Balando untuak wilayah pasisia utara Jawa bagian tangah. Kini kota ko ditatapkan sabagai kota tujuan raun nan paliang barasiah di Asia Tenggara manuruik ASEAN Clean Tourist City Standard (ACTCS) untuak taun 2020 inggo 2022.[6]

SijarahSuntiang

Mulonyo wilayah Semarang masih sabantuak daerah pasisia nan manjadi muaro dari Kali Garang, Kali Kreo, jo Kali Kripik. Katigo batang aia ko maaliakan banyak endapan tanah nan mambuek dataran pasisia samakin laweh. Latak nan strategis manjadikannyo sabagai labuahan kapa untuak baniago pado maso Mataram Kuno.[7][8]

Pado akhia abaik ka-15, Kyai Pandan Arang (Ki Ageng Pandanaran) dari Kasultanan Demak tibo di daerah Pulo Tirang untuak badakwah. Inyo manaruko kampuang jo sikolah islam. Di siko tampak dek inyo batang-batang pohon asam nan jarang. Dari situlah manjadi asa mulo namo Semarang, dari duo kato bahaso Jawa, yaitu asem (asam) jo arang (jarang).[7][8]

Samakin lamo wilayah Semarang samakin rami jo bakambang manjadi pusek labuahan kapa jo niago Kasultanan Demak. Rami urang dari lua Jawa, cando urang Cino, Malayu, Arab, Persia, jo Eropa bamukim di siko. Pado pado 2 Mei 1547, Semarang dinaiakkan statusnyo manjadi wilayah nan satingkek jo kota jo bupati partamonyo Ki Agen Pandanaran II.[7][8]

 
Pamukiman VOC pado mulonyo di Semarang

Pado taun 1676, Sunan Amangkurat II (Sultan Mataram) maagiah kontrol kota Semarang ka VOC dek pajanjian utang nan disyaraikkan. Pado taun 1705, Semarang sapanuahnyo manjadi kota miliak VOC dek Susuhan Pakubuwono I indak dapek malunasi utang. Sajak itu, samakin banyak urang Indo (Eurasia) nan tingga di Semarang dan bacampua baua jo urang Jawa inggo tabantuak bahaso Javindo.[9]

VOC nan mulai mangandalikan Semarang mambuek rakyaik indak sanang, sainggo VOC mandirikan benteng untuak malinduangi tampek mukim urang Indo. Benteng dibangun babantuak persegi limo jo ciek pintu di sisi selatan sarato ado limo minaro satiok suduiknyo. Daerah dalam benteng tadiri ateh kampuang Indo, Arab, jo Cino dan disabuik sabagai wilayah kota. Gareja Blenduk jo kantua pamarintahan manjadi puseknyo. Bangunan-bangunan dibangun jo arsitektur Balando dan taruih diparancak.[10][11] Di lua benteng adolah pamukiman urang asali.[8][7][12]

Pado maso Parang Jawa, pambangunan kota indak sadareh sabalunnyo. Banyak lahan nan diubah manjadi sawah. Pusek-pusek padok pun bapindah ka sapanjang aliran sungai nan manjadi pasa dan tampek basobok urang dari baragam asa.[13]

 
Lambang kota Semarang di maso Kolonial Balando taun 1827.

Pado 1847, dibuek jalan gadang ateh parintah Jendral Daendels. Jalan gadang ko maubungkan sadoalah kota di pasisia utara Jawa, tamasuak Semarang.[14] Kudian dilanjuikkan jo proyek kareta api dek Balando nan maubuangkan Semarang jo daerah lainnyo pado akhia abaik ka-19.[13] Orientasi padok urang urban pun barubah, dari sungai manjadi jalan.[14] Daerah urban taruih bakambang sairiang panduduak makin rami dan padek sarato tataruko kampuang-kampuang baru.[11]

Pado mulo abaik ka-20, tajadi wabah kolera jo tuberkulosis dek padeknyo kota jo kurangnyo higienitas kota. Pamarintah kudian mamparancak kota jo manyadiokan toilet umum, mamparancak drainase, sarato parencanaan pamukiman.[15][16]

Pado 1917, konsep pamukiman sihaik dibuek di Candi Baru, Semarang Selatan. Konsepnyo dibuek jo mambagi pamukiman manuruik etnik sarato kelas sosial ekonominyo. Pamukiman tabagi-bagi tasabuik tatap saliang taubuang jo jalan, sarato fasilitas sanitasi, kasihatan, jo olahraga nan dapek dipakai umum. Manjalang 1919, ditambah tigo pamukiman lain jo konsep iko inggo dapek manampuang 55% paningkatan populasi di Semarang.[11][17]

Kota Semarang juo manjadi pusek pamarintahan pantiang untuak Hindia Balando di Jawa bagian tangah. Pado taun 1914, adalah ado kantua babarapo konsulat nagara sahabat dari Balando, antaro lain Amerika Serikat, Belgia, Denmark, Parancih, Inggirih, Italia, Norwegia, Jerman, jo Thailand. Pado taun 1926 ibu kota Provinsi Jawa Tengah (maso Hindia-Balando).[18]

Pado taun 1942, Semarang diduduaki Tantara Japang. Sangkek itu, Semarang dipimpin gubernur militer jo duo wakil gubernur militer. Salah satu wakilnyo adolah urang satampek. Sasudah Indonesia mardeka, Semarang juo manjadi tampek parang Tantara Indonesa malawan Japang pado Oktober 1945. Kudian kota ko juo dijadikan ibu kota Provinsi Jawa Tengah.[19]

PamarintahanSuntiang

Kota Semarang dipimpin dek wali kota, sarato Dewan Perwakilan Rakyat Daerah (DPRD). Wilayahnyo tabagi manjadi 16 kecamatan jo 177 kelurahan. Kecamatan paliang laweh yaitu Kecamatan Mijen nan mancapai 57,55 kilometer persegi. Samantaro kecamatan paliang sampik yaitu Kecamatan Semarang Selatan, nan hanyo 5,93 kilometer persegi. Sacaro umum, Kota Semarang tabagi manjadi limo daerah urbang, yaitu Semarang Pusek, Semarang Timur, Semarang Barat, Semarang Selatan, jo Semarang Utara.[20]

PanduduakSuntiang

Kota Semarang paliang banyak diuni dek urang Jawa, kudian diikuti urang Cino, India, Arab, sarato etnik lainnyo nan minoritas. Samantaro agamo nan paliang dominan dianuik adolah Islam.[20]

Semarang marupokan kota nan rami jo populasi urang Cino, nan mancapai 4-5% populasi. Bak cando daerah lainnyo di Jawa Tengah, urang Cino dapek bacampua baua jo urang Jawa sarato mangecek jo bahaso Jawa sajak ribuan taun nan lalu. Urang Cino paliang rami mauni Kampuang Cino nan disabuik Kampung Pecinan Semawis. Urang Cino pun turuik bapangaruah dalam kuliner jo budaya di Kota Semarang.[20]

Markah tanahSuntiang

  • Kota Lamo Semarang, kadang disabuik pulo Little Netherlands. Tagak sajak abaik ka-18, ado labiah dari 50 bangunan nan masih tajago sarato baarsitektur Eropa abaik ka-18, ka-19, inggo ka-20.[21]
  • Kampuang Cino, satiok malamnyo ado pasa nan disabuik 'Pasar Semawis' nan manyajikan kuliner Cino sarato tampek parayoan Imlek.[22]
  • Tugu Muda (Tugu Mudo), dibangun untuak mangana jaso pahlawan nan gugua katiko Parang Limo Ari di Semarang.[23]
  • Lawang Sewu (bahaso Jawa: Saribu Pintu) diibangun sabagai kantua pusek Parusahoan Kareta Api Hindia Balando.
  • Gareja Blenduk (Nederlandsch Indische Kerk) dibangun pado 1753, marupokan gareja paliang tuo di Kota Lamo.
  • Kalenteng Sam Poo Kong marupokan kalenteng paliang tuo di kota ko.[24]
  • Musajik Aguang Jawa Tengah, musajik nan juo museum Islam. Arsitektur musajik ko tainspirasi dari musajik di Makah jo Madinah.[25]
  • Wihara Buddhagaya Watugong, marupokan wihara satinggi 45 meter dan mandapek rekor MURI sabagai pagoda paliang tinggi di Indonesia.
  • Alun-alun Pancasila, talatak di tangah Simpang Lima City Center (SLCC) CBC.
  • Gareja Blenduk

  • Musajik Aguang Jawa Tengah

  • Kalenteng Sam Poo Kong

  • Pagoda Wihara Buddhagaya Watugong

RujuakanSuntiang

  1. a b "Kota Semarang Dalam Angka 2020". www.semarangkota.bps.go.id. Diakses tanggal 8 Juni 2020. 
  2. "Jumlah Penduduk Menurut Kabupaten Kota dan Agama di Provinsi Jawa Tengah 2015"
  3. [1]
  4. http://dispendukcapil.semarangkota.go.id/statistik/jumlah-penduduk-kota-semarang/2015-10-11
  5. "Jumlah Penduduk Kota Semarang" [Population of Semarang] (dalam bahasa Indonesia). Dinas Kependudukan dan Pencatatan Sipil Kota Semarang. October 2015. Diakses tanggal 28 June 2020. 
  6. "Semarang named cleanest tourist destination in Southeast Asia". The Jakarta Post. Diakses tanggal 20 July 2020. 
  7. a b c d Sutanto, Dewi Hermin (2016-06-30). "PENTINGNYA PROMOSI GUNA MENINGKATKAN MINAT WISATAWAN WISATA SEJARAH DI KOTA LAMA SEMARANG". Jurnal Pariwisata Pesona 1 (1). doi:10.26905/jpp.v1i1.372. ISSN 2541-5859. http://dx.doi.org/10.26905/jpp.v1i1.372. 
  8. a b c d Purwanto, L.M.F. (2005-08-03). KOTA KOLONIAL LAMA SEMARANG (Tinjauan Umum Sejarah Perkembangan Arsitektur Kota). Institute of Research and Community Outreach - Petra Christian University. OCLC 1055213430. http://worldcat.org/oclc/1055213430. 
  9. De Gruiter, Miel. "Javindo, a contact language in pre-war Semarang". (Peter Bakker & Maarten Mous. Mixed Languages: 15 Case Studies in Language Intertwining. Amsterdam: IFOTT. 1994.) pp. 151–159.
  10. Purwanto, L. M. F. (2005). Kota Kolonial Lama Semarang. Dimensi Teknik Arsitektur, 33(1), 27-33.
  11. a b c Pratiwo. (2005). The City Planning of Semarang 1900–1970. In F. Colombijn, M. Barwegen, P. Basundoro & J. A. Khusyairi (Eds.), Old City, New City: The History of the Indonesian City Before and After Independence. Yogyakarta: Penerbit Ombak.
  12. Purwanto, L. M. F. (2005). Kota Kolonial Lama Semarang. Dimensi Teknik Arsitektur, 33(1), 27-33
  13. a b Nas, P. J. M., & Pratiwo. (2002). Java and De Groote Postweg, La Grande Route, the Great Mail Road, Jalan Raya Pos’. Bijdragen tot de Taal-, Land-en Volkenkunde, 158(4), 707–725.
  14. a b Colombijn, F. (2002). Introduction; On the road. Bijdragen tot de Taal-, Land-en Volkenkunde, 158(4), 595-617.
  15. Silver, C. (2008). Planning the megacity: Jakarta in the twentieth century: Psychology Press.
  16. Cobban, J. L. (1993). Public Housing in Colonial Indonesia 1900–1940. Modern Asian Studies, 27(04), 871-896.
  17. Cote, J. (2004). Colonial designs: Thomas Karsten and the planning of urban Indonesia. Imprint, 2004, 01-01.
  18. Cobban, James L. (1988). Kampungs and conflict in colonial Semarang. OCLC 773557682. http://worldcat.org/oclc/773557682. 
  19. Mukhti, M. F. (19 October 2017). "Orang Semarang Melawan Jepang". Historia (dalam bahasa Indonesia). Diakses tanggal 10 June 2020. 
  20. a b c "Badan Pusat Statistik Kota Semarang". semarangkota.bps.go.id. Diakses tanggal 2020-07-18. 
  21. "The return of Semarang's Old Town". The Jakarta Post. Diakses tanggal 8 July 2020. 
  22. "Thousands flock to Semarang night market to celebrate Chinese New Year". The Jakarta Post. Diakses tanggal 8 July 2019. 
  23. "13 must-visit places in Semarang". The Jakarta Post. Diakses tanggal 3 June 2020. 
  24. Suherdjoko (8 February 2016). "It's Chinese New Year for all in Semarang". The Jakarta Post. Diakses tanggal 8 July 2020. {{Fix | subst = {{subst:substcheck}} | special = [pranala mati]
  25. "13 must-visit places in Semarang". The Jakarta Post. Diakses tanggal 8 July 2020. 

Pautan luaSuntiang

Kota-kota gadang di Indonesia
  Kota Provinsi Populasi     Kota Provinsi Populasi
1 Jakarta Daerah Khusus Ibukota Jakarta 10.647.383  
Kota Semarang
7 Palembang Sumatera Selatan 1.573.898
2 Surabaya Jawa Timur 2.917.688 8 Batam Kepulauan Riau 1.236.399
3 Medan Sumatera Utara 2.499.838 9 Pekanbaru Riau 1.093.416
4 Bandung Jawa Barat 2.440.717 10 Bandar Lampung Lampung 1.015.910
5 Makassar Sulawesi Selatan 1.671.001 11 Padang Sumatera Barat 927.168
6 Semarang Jawa Tengah 1.667.131 12 Malang Jawa Timur 847.391
Sumber: Kemendagri 2018 (indak tamasuak kota satelit)